RADYO Busina Iloilo

| EVENING PRAYER

PRES. MARCOS JR., NAG-ABOT NA SA KAZAN, RUSSIA PARA SA ASEAN-RUSSIA COMMEMORATIVE SUMMIT

Nag-abot na sa Kazan, Russia subong nga adlaw si Presidente Ferdinand Marcos Jr. agud magtambong sa ASEAN-Russia Commemorative Summit.

Suno sa Malacañang, natalana man nga maghiwat sang bilateral meeting si Pres. Marcos Jr. upod kay Russian President Vladimir Putin sa idalom sang iya official visit.

Ang pagbisita ni Pres. Marcos Jr. kadungan sang ika-35 nga anibersaryo sang ASEAN-Russia relations kag ika-50 nga anibersaryo sang diplomatic ties sang Pilipinas kag Russia.

Gin-abi-abi sang mga opisyal sang Russia ang Presidente sang iya pag-abot sa Kazan International Airport.

By: Unit B-83

ASAWA PATAY MATAPOS LUTHANGON SANG BANA,BANA GINLUTHANG MAN GILAYON ANG IYA KAUGALINGON

Patay ang isa ka mag-asawa matapos ang insidente sang pagpang-luthang alas-10 kagabi, Hunyo 13, sa Brgy. Badlan Pequeño, Calinog, Iloilo.

Suno sa inisyal nga report sang Calinog Municipal Police Station, ginkilala ang lalaki nga isa ka aktibo nga miyembro sang Philippine Army. Siya ang gina-alegar nga nagluthang sa iya asawa sang una, antes niya ginluthang ang iya kaugalingon.

Nakaagum sang fatal nga pilas sa nagkalain-lain nga parte sang lawas ang babaye, samtang ang lalaki may pilas sa ulo. Nakarekober ang mga otoridad sang isa ka caliber .45 nga pusil sa crime scene.

Suno kay Police Captain Melvin Mercado, OIC sang Calinog MPS, padayon pa ang masunod nga imbestigasyon agud mabal-an ang motibo kag sirkumstansya sang insidente. Nakig-angot na ang kapulisan sa Philippine Army para sa dugang nga imbestigasyon.

By: Unit B-83

ASAWA PATAY MATAPOS LUTHANGON SANG BANA,BANA GINLUTHANG MAN GILAYON ANG IYA KAUGALINGON

Patay ang isa ka mag-asawa matapos ang insidente sang pagpang-luthang alas-10 kagabi, Hunyo 16, sa Brgy. Badlan Pequeño, Calinog, Iloilo.

Suno sa inisyal nga report sang Calinog Municipal Police Station, ginkilala ang lalaki nga isa ka aktibo nga miyembro sang Philippine Army. Siya ang gina-alegar nga nagluthang sa iya asawa sang una, antes niya ginluthang ang iya kaugalingon.

Nakaagum sang fatal nga pilas sa nagkalain-lain nga parte sang lawas ang babaye, samtang ang lalaki may pilas sa ulo. Nakarekober ang mga otoridad sang isa ka caliber .45 nga pusil sa crime scene.

Suno kay Police Captain Melvin Mercado, OIC sang Calinog MPS, padayon pa ang masunod nga imbestigasyon agud mabal-an ang motibo kag sirkumstansya sang insidente. Nakig-angot na ang kapulisan sa Philippine Army para sa dugang nga imbestigasyon.

By: Unit B-83

°BINASTOS NGA WALA SA LUGAR°
PAGKUGA SANG LALAKI SA IYA HINUPTANAN NASAKSIHAN SANG 2 KA BABAYE SA SUNSET BOULEVARD SAMTANG NAGA-JOGGING

Ginkakibot sang duha ka babaye nga ang abi nila lalaki nga nagapangihi, nagapiti-piti gali sang iya hinuptanan nga Katchuri kag may ginauyatan nga tissue.

Ginpakita pa sang 40-anyos nga lalaki ang iya hinuptanan sa duha ka tinuga samtang nga nagangisi.

Bangud sini madasig pa sa alas kwatro ang pagpalagyo sang lalaki sakay sa puti nga salakyan matapos ginsita ini sa iya kabastosan.

Panugiron ni Alyas MJ, naga-jogging sila sang abyan sini sa Iloilo Sunset Boulevard pasado las-7 sang aga kahapon. Sa una, nakita nila ang lalaki sa likod sang salakyan nga daw nagapangihi pero sang ulihi natukibon ng wala man sang agi sang ihi sa karsada.

Bukas ang zipper sang lalaki kag nakaloslos ang pantalon sini.

Tuman nga kakugmat kag kabalaka ang nabatyagan sang duha ka babaye.

Gilayon ini nga nagapangabay sa otoridad nga seryusohon ang pagtapna sa kaangay nga hitabo agud indi na masulit pa.

May idea naman ang mga kapulisan sa identity sang lalaki.

| Video: Alyas MJ

PRESYO SANG BULAWAN NAGSAKA, LANGIS NAGNUBO PAKATAPOS SANG US-IRAN PEACE DEAL

Nagsaka ang presyo sang bulawan samtang nagnubo ang presyo sang langis sa world market pakatapos magkasugot ang Estados Unidos kag Iran sa isa ka kasugtanan pangkalinong nga ginpatung-an sang Pakistan.

Ang Brent crude futures nagnubo sang 4% pakadto sa USD84 kada bariles halin sa masobra USD87, matapos ihayag nga pirmahan sang Washington kag Tehran ang kasugtanan sa Hunyo 19 sa Switzerland. Nasundan ini sang masobra tatlo ka bulan nga tensyon sa Middle East.

Sa pihak sini, nagsaka sang 1.8% ang spot gold pakadto sa USD4,297.42 kada onsa
, ang pinakamataas nga lebel sini umpisa Hunyo 9. Nagsaka man sang 1.9% ang US gold futures para sa Agosto sa USD4,318.10 kada onsa.

Ginpahayag ni Pakistani Prime Minister Shehbaz Sharif nga nagkasugot ang duha ka pungsod nga "gilayon kag permanente nga untaton ang mga operasyon militar sa tanan nga patag, lakip ang Lebanon", pakatapos sang maid-id nga negosasyon.

Suno sa mga economic analyst, nagresulta ang peace deal sa paghagan-hagan sang kahangawa sa pagkaatrasar sang suplay sang langis kag pagsaka sang inflation, rason agud magnubo ang presyo sang langis kag magluntad ang positibo nga reaksyon sa global financial markets.

By: Unit B-83

PHIVOLCS: LINOG SA DAVAO ORIENTAL, GINDOWNGRADE SA MAGNITUDE 6.2

Gin-downgrade sang PHIVOLCS sa Magnitude 6.2 ang linog nga nagtupa sa Governor Generoso, Davao Oriental las-5:18 sang hapon, Hunyo 13.

Suno sa Earthquake Information No. 2
sang PHIVOLCS, ang tectonic nga linog may kadalumon nga 94 kilometros.

Pinakamabaskog nga nabatyagan:

Intensity V- Governor Generoso, Davao Oriental; Jose Abad Santos, Davao Occidental

Intensity IV - Mga bahin sang Sarangani, South Cotabato, General Santos City, Sultan Kudarat

Intensity III- Mati City, Davao Oriental; pila ka banwa sa South Cotabato

Wala pa sang report sang danyos ukon nasamaran. Padayon ang monitoring sang PHIVOLCS para sa mga aftershock.

Source: PHIVOLCS

By: Unit B-83

| Evening Prayer