Healthy Lifestyle

Bakuna Laban sa COVID-19 Posibleng Hindi Maging Lubos na Epektibo sa Matatabang Tao
Payo ni Doktor Doktor Lads
Nakita na sa maraming pag-aaral na mas mataas ang kaso ng severe COVID infection sa mga matatabang pasyente. Mas marami ang nahohospital, nakoconfine sa ICU at namamatay sa mga matatabang tao. Ilan sa mga tinitingnan na dahilan ay kadalasang mayroong ibang sakit ang mga matataba o obese na tao tulad ng sakit sa puso, diabetes at altapresyon. Ang mga matataba din ay mas mababa ang resistensya kumpara sa taong may normal na timbang. Pwede na rin na mas mahina ang kapasidad ng baga ng mga taong matataba. Ang mga taba sa katawan ng isang tao ay mayroon ACE2 receptors, ito ay parang pintuan na dinidikitan ng coronavirus para mainfect ang ating cells. Kaya kapag mas maraming taba, mas maraming pwede kapitan at pamugaran ang coronaviruses.
Pero bukod dito, naaalarma din ang mga doktor na baka maging problema din ang labis na katabaan kung sakaling magkaroon na ng bakuna para sa COVID. Sa ngayon wala pang bakuna laban sa COVID, patuloy pa rin ang mga clinical trials para dito. Ang mga obese o labis na matatabang tao ay may "dulled immune response" o hindi mabibilis na lumalakas ang kanilang resistensya upang labanan ang impeksyon sa kanilang katawan. Posible na mas mababa ang antibodies (panlaban ng ating katawan sa impeksyon tulad ng COVID) na ilalabas ng katawan ng mga matatabang tao kahit na mabakunahan sila. Kaya posible pa rin na hindi lubos na mapoprotektahan ang mga obese na pasyente mula sa COVID. Marami pang pag-aaral ang kailangan gawin upang makasiguro pero mainam na mag-ingat at simulan nang mag-ehersisyo at kumain nang tama upang maging normal ang timbang.

Iba't iba ang senyales at sintomas ng mga taong may COVID-19 infection. Narito ang mga madalas na senyales at sintomas ng COVID-19 infection na dapat mong tandaan. Pwede isa lang na sintomas, minsan naman kombinasyon ang mga sintomas na nararanasan. Mahirap malaman kung COVID-19 base sa sintomas lang kaya kung nagkaroon ng exposure at nakakaranas ng mga sintomas na nabanggit, maaaring tumawag sa hospital at magpaschedule ng COVID-19 swab test upang makasiguro kung mayroon kang COVID-19 infection.
Patuloy pa rin ang pagtaas ng kaso ng COVID-19 infection sa buong mundo. Mag-ingat po tayo upang hindi tayo magkaroon ng impeksyon at malayo tayo sa panganib na dulot ng COVID-19.

Mga Lugar na Mataas ang Transmission ng COVID-19 (Baka Mahawa Ka!)
Payo ni Doktor Doktor Lads
Dahil unti-unti nang nagbubukas ang mga public places at mas nakakalabas na ang mga tao, dapat nating tandaan na pwede pa rin tayong magkaroon ng COVID-19 infection kapag hindi tayo mag-iingat. Narito ang mga lugar na napag-alaman na mataas ang transmission ng COVID-19 at mataas ang posibilidad na mahawa ka kapag nagpunta ka dito. Siguruhin na nakaface mask kung hindi talaga maiwasan ang pagpunta sa mga lugar na ito. Ugaliing maghugas ng kamay gamit ang sabon.