VinMel

Enjoy your vacation, but don’t forget your safety! 🚗🌊
Secure your trip, stay alert, and report any incident immediately.

Sa Ligtas SumVac 2026, sama-sama para sa ligtas at masayang bakasyon.

PNP Kasurog Bicol
Philippine National Police

Buy-Bust Ikinasa ng KAOGMA Cops: Dalawang Suspek Arestado, Mga Baril at Bala Nasamsam sa Iriga City, Camarines Sur

Camp Miranda, Camarines Sur — Muling umarangkada ang pinaigting na kampanya ng “KAOGMA Cops” kontra ilegal na armas matapos matagumpay na maisagawa ang isang buy-bust operation na nagresulta sa pagkakaaresto ng dalawang indibidwal na sangkot sa ilegal na bentahan ng baril, alinsunod sa paglabag sa Republic Act No. 10591; isinagawa ang operasyon bandang alas-7:35 ng gabi noong Abril 13, 2026 sa Zone 6, Barangay San Juan, Iriga City sa pangunguna ng Regional Intelligence Division 5 (RID 5), katuwang ang RMFB 5, PIU CSPPO, Iriga CPS, at 93rd CIP, 9th MIB, Philippine Army.

Ang mga naarestong suspek ay kinilala sa kanilang mga alyas na “Naldo,” 65 taong gulang, residente ng Iriga City, at “Leonel,” 52 taong gulang, residente ng Barangay Tayud, Consolacion, Cebu. Nakumpiska mula sa kanila ang sampung (10) caliber .45 na pi***la, dalawampung (20) magasin, isang (1) M16 rifle (replica/airsoft), at isang (1) KG9 9mm submachine gun na may dalawang (2) magasin.

Isinagawa ang pagmamarka, imbentaryo, at pagdodokumento ng mga nasamsam na ebidensya sa lugar ng operasyon sa presensya ng mga suspek at mga saksi. Ipinaalam sa mga suspek ang kanilang mga karapatang konstitusyonal at dinala sila sa Iriga City Police Station para sa karagdagang imbestigasyon at wastong disposisyon ng kaso. Sa beripikasyon sa Enhanced e-Warrant System, walang natagpuang umiiral na warrant of arrest laban sa kanila; gayunpaman, lumabas sa CIRAS na ang isa sa mga suspek ay may nakabinbing kaso ng illegal recruitment.

Ayon kay PCOL Virgilio O. Olalia Jr., Provincial Director ng Camarines Sur Police Provincial Office, “Hindi kami titigil hangga’t may mga ilegal na armas na nagdudulot ng banta sa ating komunidad. Ang operasyong ito ay babala na ang batas ay mahigpit na ipinatutupad at walang makakalusot sa ating kampanya laban sa kriminalidad.”

PNP Kasurog Bicol
Philippine National Police
Camarines Sur Ppo Pnp
Irigacps Iriga

KAOGMA COPS, NAGBIGAY-LINAW SA SEARCH WARRANT OPERATIONS AT ANTI-CRIMINALITY CAMPAIGN SA MEDIA INTERVIEW

Camp Colonel Juan Q. Miranda, Camarines Sur — Sa pamumuno ni PCOL Virgilio O Olalia, Jr., Provincial Director ng Camarines Sur Police Provincial Office (CSPPO), nagbigay ng mahalagang impormasyon ang CSPPO sa pamamagitan ng isang media interview kay Manny Basa ng DWNX 91.1 FM hinggil sa isinagawang search warrant operations sa Bato, Camarines Sur at sa patuloy na pagpapatupad ng anti-criminality campaign ngayong Abril 14, 2026 sa Camp Miranda, Camarines Sur.

Sa naturang panayam, ipinaliwanag ni PLTCOL Josefa Sylvia Zape, Chief ng Police Community Affairs and Development Unit (PCADU) at Public Information Officer ng CSPPO, ang mga hakbang na isinagawa sa pagpapatupad ng search warrant operations, kabilang ang mahigpit na koordinasyon, pagsunod sa legal na proseso, at paggamit ng Alternative Recording Device upang matiyak ang transparency at accountability ng bawat operasyon.

Binigyang-diin din ang patuloy na pinaigting na kampanya laban sa kriminalidad sa buong lalawigan, kung saan layunin ng kapulisan na mapanatili ang kapayapaan at kaayusan sa pamamagitan ng agresibong law enforcement operations at aktibong pakikipagtulungan sa komunidad.

Ayon kay PCOL Virgilio O Olalia, Jr., ang pakikipag-ugnayan sa media ay mahalaga upang maipabatid sa publiko ang tunay na kalagayan ng peace and order at ang mga hakbang na ginagawa ng kapulisan. Dagdag pa niya, ang suporta ng mamamayan ay isang mahalagang sangkap sa tagumpay ng bawat operasyon laban sa kriminalidad.

Patuloy naman ang panawagan ng CSPPO sa publiko na makiisa at makipagtulungan sa kapulisan sa pamamagitan ng pagbibigay ng tamang impormasyon upang mas mapabilis ang paghahatid ng hustisya at mapanatili ang isang ligtas at maayos na komunidad.

PNP Kasurog Bicol
Philippine National Police
Camarines Sur Ppo Pnp