School Clinic

Join me on TikTok and get rewards! Discover new content, find trending videos, and more!

Ang mga sugat sa balat katulad ng nasa larawan ay huwag maliitin. Lalo na kung matagal na ito at pabalik balik.

Marami sa atin ay binabaliwala lang ito dahil nga bata at nakuha lang sa kalikutan.

Lingid sa kaalaman ng marami pwede itong magkaroon ng epekto sa bato o sa kidney.

Ganito yun, yung mga sugat nayan ay magkakaroon ng impeksyon, nakikita niyo yan dahil medyo may nana. Pagkatapos yung mga mikrobyo ay papasok sa katawan ng bata at papasok sa dugo.

Mapapansin ito ng ating immune system at maglalabas din ang ating katawan ng mga munting dipensa ang tawag dito ay antibody o ang ating mga maliliit na sundalo.

Magkakaroon ng labanan. Magrerestling ang mga yan at magyayakapan. Ang tawag namin doon ay antibody-antigen complex.

At dahil ang dugo ay dumadaloy, na-aabot ang labanan na ito sa kidney at dahil nga nagyayakapan ang mikrobyo at ang ating mga sundalo, na-iipit ito sa mga maliliit na daanan sa kidney. At dahil doon ma-apektohan ang trabaho ng kidney at mamaga ang mga ito.

Ang resulta, iihi ng dugo ang bata at dahil medyo barado na ang daluyan ng ihi, magmamanas ang mukha at katawan ng bata na parang tumaba.

Ang delikado pa dyan ay pwedeng mag high blood ang bata at pwedeng tumirik ang mata at magkumbulsyon dahil sa high blood! Opo pwedeng maghighblood ang bata dahil dito!

At kung papainumin ng madaming tubig ay pwedeng lumala lalo! Kaya di lahat ng problema sa ihi ay ang paginum ng tubig ang solusyun.

Kailangan po itong mga ganito ay ina-admit upang magamot ng mabuti. Iiwas rin sa mga maalat dahil nakakalala rin.

So paano ba ito mapigilan?

1. Kailangan gamutin ang lahat ng sugat. Wag hayaang tumagal. Pwede Betadine o Mupirocin ointment. Pero kung ayaw mawala dapat magpacheckup.

2. Maligo dalawang beses sa isang araw. Dahil sa dumi galing sa paglalaro ito nakukuha.

3. Magnailcutter ng kuko dahil ang kamot ng kamot ay nakakasugat rin at nakakaimpeksyon.

4. Kapag may skin allergy, umiwas sa mga pagkain na nakakarashes dahil pagkinamot masusugat na ang mga ito. Pakunsulta rin sa Doctor kapag parati ang allergy.

Ang sakit na iyan ay AGN or Acute Glomerulonephritis.

Dr. Richard Mata
Pedia
Kabayan Nominee

Please vote 5 Kabayan Partylist para sa Kalusugan

Kung Nabukulan, cold compress o warm compress?

Sa likot ng mga bata madalas sila ay nababanga kung saan saan o di kayay nadadapa.

Kaya kapag nabukol sa ulo o nagkapasa sa binti o braso ang tanong, ano ang gagamitin cold or warm compress?

Alam ko kasi kapag nagpanic ka na, pati ang tanong na ito ay mahirap sagutin kaya pinost ko na.

Ang unang tanong ay ilang oras na simula nangyari ang aksidente. Dahil ang cold compress ang unang binibigay sa loob ng unang 48 hours at pwede na ang warm compress kung more than 48 hours na.

Kapag ang tao ay na-injured, ang area na natamaan ay mapapansing lumalaki.

Yan ang natural na reaksyon ng katawan. Maraming mga cells ang pumupunta sa lugar ng injury. Para bang sa totoong buhay, kapag may aksidente sa kalsada ay biglang dumadami ang mga tao. Yung iba tumutulong, yung iba mga u*i or nakiki-osyoso lang.

Upang di gaanong mamaga, aplayan mo kaagad ng cold compress. Pwedeng supot at lagyan ng ice at ibalot sa labakara. Wag i-apply ang ice na direkta dahil nakakapaso rin ito sa balat.

I-apply ng mga 10 minutes pagkatapos pahinga na naman ng isang oras at pwedeng another 10 minutes cold compress kung kinakailangan.

Ang cold compress kasi ay nagdudulot na pabagalin ang daloy ng dugo patungo sa area ng injury kaya't mas konte ang injury cells na magkukumpol.

Ang effect ng lamig pinapakipot nito ang mga ugat kung saan dumadaan ang mga cells kaya di na gaano kadami ang dadagsa ikumpara sa walang ice pack.

Napapatigil din nito ang pagdurugo ng sugat lalo na kung sabay diinan ng kamay ang injury.

Ang ice pack rin parang anesthesia na tumutulong sa pagkawala ng sakit.

Ang warm compress ay kabaliktaran ang effect. Mas lalong umiimbita ng cells at dugo kapag mainit.

Kaya kung after 48 hours na at may bukol o pasa pa rin, pwedeng warm compress na gaya ng face towel na sinawsaw sa mainit na tubig. Syempre antayin na di na nakakapaso. Nakaktulong na ito sa mas madali na pagkawala ng bukol o pasa after 48 hours.

Dr. Richard Mata
Pediatrician

____________________

Tandaan:

GIVE ME 5 KABAYAN!

Nakaka-appendicitis ba ang tatalon matapos kumain?

Ito ang paniniwala ko nung bata pa po ako. Dahil pagtatakbo na ako matapos kumain, yan ang sasabihin sa akin ng Nanay ko, ng Tatay ko, ng Tito ko, ng Lola ko, ng labandera namin, ng kapitbahay namin....

Nung medical student na ako ay talagang inabangan ko na maging topic ito.

Ang totoo pala ay hindi nakaka-appendicitis kapag ikaw ay tatalon matapos kumain.

Ang appendicitis ay isang infection sa appendix. Ang appendix ay nagkaka-nana. Di naman nakukuha ang nana sa pagtalon diba?

Ang appendix ay parte ng ating bituka na nakikita niyo sa picture dito.

Ibig sabihin ang bacteria ay pumasok sa bibig sa mga nakain at pumasok sa loob ng appendix.

Pwede din dahil may matigas na dumi na bumara sa appendix at lalong nabuhay ang mga mikrobyo sa loob nito.

So importante ang pagakain ng malinis at mga pagkain na mataas ang fiber gaya ng gulay upang maiwasan.

Dapat talagang operahan ang appendicitis. Hindi ito nadadala ng gamot lamang. Kapag matagal na at di na-operahan ay pwedeng pumutok at lalabas ang dumi sa loob ng tyan na pwedeng maka-impeksyon sa katawan at mauwi sa Sepsis o grabe na impeksyon sa dugo.

Ang sakit nito ay mararamdaman sa may kanang bahagi ng puson.

Masyadong masakit kapag ito ay diniinan ng daliri at lalong sumasakit kapag binigla mong tangalin ang daliri. Mai-iyak ka sa sakit.

Kapag gusto kong hawakan ang tyan ng pasyente ay kusa niyang tinataboy ang kamay ko upang di ko mahawakan. Malaking sign na yun.

Kapag naglakad ay parang pilay dahil di nila malagyan ng bigat ang kanang paa dahil sa sakit sa kanang puson.

Nawawala ang gana kumain at nasusuka ang karamihang nararamdaman.

Dapat dalhin kaagad sa hospital kapag ito ay naramdaman.

Ang white blood sa dugo ay karamihang mataas ito.

Wag painumin ng Paracetamol o Mefenamic kapag ganito dahil ang paraan na malalaman na may appendicitis ay ang pagexamine ng Doctor ng tyan sa paraan ng pagdiin at release ng tyan. May stretching din sa legs ng pasyente ang gagawin para malaman kung masakit ang kanang bahagi ng tyan.

Kung uminom ng pain reliever ay baka mawala ang sakit at tuloy masabing hindi appendicitis at di tuloy ma-operahan.

Good news ba yun? Di po dahil pwedeng pumutok na dahil napatagal ang desisyon na operahan.

Dr. Richard Mata
Pediatrician

—————————————-
About Dr. Mata

Dr. Richard Mata is a Pediatrician for 20 years. A former consultant for both DOH and WHO Philippines on how to make Dengue easily understandable for the Filipinos.

Awardee for Medical Mobile Innovation by DOST. National Health Exemplar Awardee by Health and Lifestyle Magazine

He practices in Davao del Norte. Clinic location is at Good Shepherd Hospital, Panabo City Highway
Monday to Saturday

For his online clinic, please visit www.easyclinicsoftware.com

Hindi po advisable na lagyan ng Isopropyl Rubbing Alcohol ang tubig panligo ng baby.

Ang alcohol kasi ay madaling ma-absorb ng balat at pwede ring malanghap na pwedeng umabot sa toxic level sa katawan na pwedeng umabot sa coma o sa ano pang malubhang side effect.

Bawal rin itong ibuhos sa boong katawan para pambaba ng lagnat sa same na rason.

Pangalawa ang alcohol sa buong katawan ay nakakatuyo ng natural moisture ng baby at mas nagiging madali silang magkarashes kung ganoon.

Ang rubbing alcohol ay pwede naman sa konteng amount sa kamay o sa balat para lang disinfectant.

Ito po kasi ay matagal na kaugalian nating mga Pilipino subalit matagal na po ako nakabasa sa isang pahayagan dito sa Pilipinas ng public warning na ipinagbabawal na po ito na ihalo sa tubig pampaligo. Mga sobra isang dekada na po yun. Dahil raw may report na may nag coma. Alalahanin na ang baby ay maliit lang ang katawan kaya mas madaling tumaas ang toxic level ng alcohol sa kanilang katawan.

Napansin ko kasi sa isang post ko na marami pa rin pala ang nagpapapractice nito basi sa mga comments nila.

Kaya pakishare nalang po ito para pa-alala sa mga magulang, lolo at lola.

Tubig at sabon ng pambata ay sakto napo para luminis si baby.

But don’t worry po sa gumagawa nito dati, wala namang long term effect yan as long as walang nangyari. Majority naman walang problema maliban sa kokonteng kaso, marahil talagang napadami.

Dr. Richard Mata
Pedia
www.easyclinicsoftware.com online clinic

A mask is a must when ash fall is present in the atmosphere.

Take note of these safety tips and share to your loved ones.