Duktor Alternatibo

PANDAN

Ang pandan ay isang karaniwang pampabango o pampalasa sa mga tinapay, kakainin, o kanin. Ang dahon nito, na siyang pinagkukunan ng mabangong amoy, ay nagmumula sa isang halaman na may katamtamang taas. Ang dahon ay pahaba na parang damo at maaaring may tinik sa gilid o wala. Ang malaking uri ng pandan ay karaniwang nakikita sa mga dalampasigan, habang ang maliit na halaman ay karaniwan naman sa mga mababang lugar.

ANO ANG MGA SUSTANSYA AT KEMIKAL NA MAAARING MAKUHA SA PANDAN?

Ang iba’t ibang bahagi ng halamang pandan ay maaaring makuhanan ng maraming uri ng kemikal at sustansya na maaaring may benepisyo sa kalusugan:

Ang pandan ay may taglay na essential oil, alkaloids, glycosides, isoprene esters, at tannin. Ang langis ng pandan ay mayroong diterpene, d-linalool, phenylethyl acetate, citral, phenylethyl alcohol ester, ester of phthalic acid, fatty acids and steroptene. May taglay din ito na provitamin A carotenoids.

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:

Ugat. Ang ugat ay maaaring ilaga at inumin na parang tsaa. Makatutulong ito sa ilang kondisyon sa katawan. Maaari pa itong nguyain upang makatulong sa kondisyon sa bibig.

Dahon. Maaaring dikdikin ang dahon ng pandan at ihalo sa langis upang magamit na pantapal sa katawan. Maaari ding ilaga ang dahon at inumin.

ANO ANG MGA SAKIT NA MAAARING MAGAMOT NG PANDAN?

1. Hirap sa pag-ihi. Ang pag-inom sa pinaglagaan ng sariwa o pinatuyong ugat ng pandan ay mabisa para mapadali ang pag-ihi. Iniinom ito na parang tsaa.

2. Pananakit ng ulo. Pinapainom sa taong dumadanas ng kondisyon ng pananakit ng ulo ang pinaglagaan ng mabangong dahon ng pandan. Maaari ding gamitin ang dinikdik na dahon na hinalo sa langis para ipantapal sa nanakit na ulo.

3. Sugat. Tumtutulong naman na pabilisin ang paghilom ng sugat ang pagtatapal ng dinurog na pinatuyong dahon ng pandan.

4. Rayuma. Nakatutulong din sa pagpapahupa ng pananakit ng mga kasukasuan dahil sa rayuma ang pag-inom sa pinaglagaan ng ugat ng pandan.

5. Madaling pagsusugat ng gilagid. Nakapagpapatibay naman ng gilagid ang pagnguya sa ugat ng pandan.

6. Pigsa. Mahusay naman na pantanggal ng pigsa ang dinurog na dahon na hinaluan ng katas ng kalamansi at kaunting asin.

7. Pagsusuka. Ang tuloy-tuloy na pagsusuka ay maaaring gamutin ng pag-inom sa pinaglagaan ng pandan.

8. Pananakit ng tenga. Pinapatakan naman ng katas ng bulaklak ng pandan ang nananakit na tenga.

Baka makatulong po kami
Dok A
09391255598

Para iwasan ang paglaganap ng lamok, iwasan magimbak ng tubig na hindi gagamitin. Palitan ang mga tubig sa vase or balde. Kung maari, magtanim ng mga halamang ito para maiwasan ang dengue.
Tandaan, palakasin din ang iyong kalusugan upang malabanan at maiwasan ang dengue virus.

ATING UNAWAIN BAKIT NGA BA TAYO NAGKAKAROON NG SINGAW.

Ang singaw o mouth sores ay isang kondisyon kung saan may bahagi ng bibig na nagiging mahapdi. Ang mga singaw ay maaaring matagpuan sa gilagid (gums), sa likod ng labi (lips), o dila (tongue) o anumang bahagi ng bibig. Ito’y karaniwang hugis bilog na bahagyang pailalim at maaaring mas maputi ang kulay kung ikukumpara sa mapulang bahagi bibig.

ANO ANG SANHI NG SINGAW?

Ang singaw ay maaaring sanhi ng pagkakagat ng sariling dila o labi, o anumang iritasyon sa bibig, gaya ng pagkatusok ng pagkain gaya ng buto ng isda, pagkapaso mula sa mainit na inumin o pagkain, o masyadong marahas na pagsisipilyo. Maaari ring dahilan ang mga impeksyon gaya ng Herpes Simplex Virus, o kaya mga gamot gaya ng Aspirin. Maaaring magdulot sa singaw ang ibang mga sakit o kapaguran. Bagamat walang ebidensya, ayon sa mga obserbasyon ng mga matatanda, ang pagbabago sa klima o temperatura ay naiuugnay rin sa singaw. Kaya nga “singaw” ang tawag dito: singaw na nagmula sa mainit na panahon o matingkad na sikat ng araw ay sya ring sanhi ng singaw.

ANO ANG MGA SINTOMAS NG SINGAW O MOUTH SORES

Ang mga kadalasang nararamdaman sa pagkakaroon ng singaw ay hapdi o mananakit ng bahagi ng bibig na apektado ng singaw. Nagtatagal ito ng 5 hanggang 10 araw hanggang sa ito ay gumaling. Makikitaan din ng maputing batik sa bahagi ng singaw. Ang pagkakaroon ng singaw ay kadalasang hindi na nangangailangan ng ekspertong pagsusuri sapagkat madali lamang itong matukoy sa pamamagitan ng mga sintomas na nabanggit.

KAILAN KINAKAILANGANG MAGPATINGIN SA DOKTOR?

Maaaring magpasuri sa doktor kung nararanasang ang sumusunod:

1. Kung ang pagkakaroon ng singaw ay lumitaw lamang matapos ang pag-inom ng gamot.

2. Kung ang singaw ay lumalaki at kumakalat sa ibang bahagi ng bibig.

3. Kung ang singaw ay nagpapabalik-balik.

4. Kung ang singaw ay nagtagal ng lampas sa 2 linggo.

5. Kung ang singaw ay may kaakibat na lagnat, hirap sa paglunok, paglalaway at mga pantal sa balat.

ANG MGA ITO AY PAWANG MAKAKATULONG KAPAG MAY SINGAW:

Power C Plus
2 capsule araw araw

Power Mist
1-2 spray sa singaw 3 beses maghapon.

Baka makatulong po kami
Dok A
09391255598

KUMAKAIN KA BA NG MABOLO O VELVET APPLE

Ang mabolo ay isang kilalang halaman na karaniwang nakikita sa Pilipinas. Ang puno nito ay may katamtamang taas, may makapal at makinis na dahon, at bulaklak na kulay puti. Ang bunga nito na maaaring kainin ay bilugan ang hugis at nababalot ng maliliit na buhok. Karaniwan itong nakikita sa mabababang lugar at mga kagubatan.

ANO ANG MGA SUSTANSYA AT KEMIKAL NA MAAARING MAKUHA SA MABOLO?

Ang iba’t ibang bahagi ng mabolo ay maaaring makuhanan ng ilang uri ng kemikal at sustansya na maaaring may benepisyo sa kalusugan:

Ang dahon ay makukuhanan ng alkaloids, reducing sugar, gum, flavonoids, at tannins
Ang bunga ay mayaman sa tannin.
Makukuhanan din ng rosmarinic acid, luteolin at hispidulin. Ang bunga ay may taglay din na mahahalagang sustansya kabilang ang carbohydrates, fiber, fat, calcium, protein, phosphorus, iron, vitamin A, thiamine, riboflavin, niacin, at vitamin C.

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:

Balat ng kahoy. Ang balat ng kahoy mula sa puno ng mabolo ay mabisang panggamot ilang uri ng sakit. Karaniwan itong nilalaga at iniinom.

Dahon. Ang dahon ay karaniwan ding nilalaga at hinahalo pa sa balat ng kahoy upang ipanggamot.

ANO ANG MGA SAKIT NA MAAARING MAGAMOT NG MABOLO?

1. Pangangati ng balat. Maaaring ipanghugas sa apektadong balat ang pinaglagaan ng balat ng kahoy at dahon ng mabolo upang maibsan ang pangangati.

2. Ubo. Mabisang panlunas sa ubo ang pag-inom sa pinaglagaan ng balat ng kahoy ng mabolo.

3. Lagnat. Makatutulong naman na pababain ang lagnat kung iinom din ng pinaglagaan ng balat ng kahoy.

4. Sugat. Maaaring ipanghugas naman sa sugat ang katas ng bunga para madali itong maghilom.

5. Pagtatae. Ang pag-inom sa pinaglagaan ng balat ng kahoy ay mabisa ring panlunas sa kondisyon ng pagtatae.

6. Hika. Pinaniniwalaan din na makatutulong para sa sintomas ng hika ang pag-inom sa pinaglagaan ng balat ng kahoy ng mabolo.

7. Free radical. Taglay ng pinaglagaan ng dahon at balat ng kahoy ang malalakas na uri ng antioxidant na kayang labanan ang free radical sa katawan.

Baka makatulong po kami
Dok A
09391255598

Kung seryoso po na mga concern, magmessage o magtext na lang po. Pag sa comment dahil po sa dami ng post and lessons natin natatabunan. Ito po ang ating Hotline Text number: 09391255598.

Thank you
Dok A

ARATILES

Sikat ang aratiles dahil sa maliliit, bilog, at mapupulang bunga nito na hilig pitasin ng mga bata. Karaniwang tumutubo ang puno nito saan mang lugar sa bansa at sa iba pang lugar na nasa rehiyong tropiko. Ang dahon nito ay may maliliit na balahibo at patulis ang dulo.

ANO ANG MGA SUSTANSYA AT KEMIKAL NA MAAARING MAKUHA SA ARATILES?

Ang iba’t ibang bahagi ng halamang aratiles ay maaaring makuhanan ng maraming uri ng kemikal at sustansya na maaaring may benepisyo sa kalusugan:

Ang bunga ng aratiles ay may taglay na flavanones at flavones. Ang dahon at mga sanga naman ng aratiles ay makukuhanan ng chrysin, 2′,4′-dihydroxychalcone at galangin 3, 7-dimethyl ether.

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:

Bulaklak. Ang pinaglagaaan ng bulaklak ng aratiles ay mabisa laban sa ilang mga kondisyon sa katawan.

Balat ng kahoy. Pinakukuluan ang balat ng kahoy ng puno ng aratiles upang ipainom at ipanggamot sa ilang mga sakit.

Dahon. Kinukuhanan naman ng katas ang dahon upang ipanggamot sa may sakit. Maaari din itong ilaga at inumin na parang tsaa.

Bunga. Ang bunga ay kinakain na mismo.

ANO ANG MGA SAKIT NA MAAARING MAGAMOT NG ARATILES?

1. Pananakit ng kalamnan (muscle cramps and spasm). Ang pinaglagaan ng bulaklak ng aratiles ay ginagamit na gamot sa pananakit ng mga kalamnan sa ilang bahagi ng katawan partikular sa tiyan. Ito ay iniinom na parang tsaa.

2. Panunuyo ng balat. Makatutulong din paghuhugas gamit ang pinaglagaan ng bulaklak ng aratiles sa pagpapabuti ng kutis ng balat. Ganito rin ang epekto ng paggamit sa pinaglagaan ng balat ng kahoy ng aratiles.

3. Sipon. Ang pag-inom sa pinaglagaan ng bulaklak ng aratiles ay may bisa rin sa pagpapabuti ng pakiramdam kapag may sipon.

4. Sakit ng ulo. Maiibsan din ang pananakit ng ulo sa pamamagitan ng pag-inom sa pinaglagaan ng bulaklak.

5. Impeksyon ng bacteria sa katawan. Makatutulong ang pag-inom sa pinaglagaan ng dahon at mga sanga ng aratiles sa paglaban sa impektsyon ng mga bacteria sa katawan. Sinasabing ito raw ay kasimbisa ng mga standard na gamot na antibacterial na nabibili sa mga butika.

6. Lagnat. Nakapagpapababa din ng lagnat ang pag-inom ng pinaglagaan ng dahon ng aratiles.

7. Presensya ng nakasasamang free radicals. ang pagkain sa bunga ng aratiles ay sinasabing may epektong antioxidant na makatutulong sa paglaban sa mga Free Radicals na siyang nagdudulot ng pagtanda ng mga cells sa katawan.

8. Altapresyon. May epekto ring pampababa ng presyon ng dugo ang katas ng dahon ng aratiles.

Baka makatulong po kami
Dok A
09391255598

UNAWAIN NATIN ANG LOW BLOOD PRESSURE O HYPOTENSION.

Ang low blood pressure o hypotension ay ang pagkakaron ng mababang presyon ng dugo sa katawan. Ibig-sabihin nito mahina ang pagdaloy ng dugo. Kadalasan, ang mga kaso ng low blood pressure ay nakapagdudulot lamang ng mga simpleng sintomas gaya ng pagkahilo at pagkahimatay, ngunit sa mga malalalang kaso, maaari itong magdulot ng panganib sa buhay. Masasabing low blood pressure kapag ang nakuhang sukat ng presyon ng dugo ay umabot na ng 90/60. Ito ay higit na mababa kaysa sa normal na sukat na 120/80.

ANO ANG BLOOD PRESSURE?

Ang blood pressure o presyon ng dugo ay ang pwersa ng dugo na tumutulak sa mga pader ng ugat na dinadaluyan nito, kagaya ng pwersa ng hangin sa loob ng isang lobo. Ang pwersang ito ay maaaring tumaas (hypertension) o bumaba (hypotension) at parehong nakaaapekto sa kalusugan ng tao. Ang normal na blood pressure ay 120/80, ngunit ito ay maaaring magbago dahil sa ilang salik gaya ng mga pagkilos o gawain, pagkapagod, pati na ang matinding kaba.

PAANO BINABASA ANG BLOOD PRESSURE?
Ang dalawang numero na nakikita sa pag-basa ng presyon ng dugo ay ang systolic at diastolic pressure. Ang unang numero, o systolic pressure, ay ang presyon ng dugo kasabay ng pag-tibok ng puso, habang ang ikalawang numero, o diastolic pressure, ay ang presyon naman kapag nakapahinga ang puso. Kapag ang presyon ng dugo ay humigit sa normal na 120/80, ikaw ay may high blood pressure, at kung mas mababa naman dito, may low blood pressure naman. Gumagamit ng sphymomanometer sa pagsukat ng presyon ng dugo.

ANO ANG SANHI NG LOW BLOOD PRESSURE?

Ang pabagsak ng presyon ng dugo ay maaaring dulot ng mga sumusunod sa kondisyon o sakit:
Pagbubuntis
Kondsyon o sakit sa puso
Kondisyon o sakit sa mga glandula ng katawan gaya ng thyroid at adrenal glands
Mababang asukal sa dugo o hypoglycemia
Diabetes
Mababang tubig sa katawan o dehydration
Pagkabawas ng dugo
Matinding impeksyon sa katawan
Matinding allergy o anaphylaxis
Kakulangan ng sustansya sa katawan gaya ng Bitamina B-12 at Folate
Mga gamot na iniinom: Diuretics, Alpha Blockers, Beta Blockers, at mga antidepressants

ANO ANG IBA'T IBANG URI NG LOW BLOOD PRESSURE?

Ang pagkakaranas ng low blood pressure ay maaari ring mahati sa ilang uri. Narito ang ilan sa mga uri ng low blood pressure:
Orthostatic o Postural hypotension - Ito ang pagbagsak ng presyon ng dugo dahil sa biglaang pagtayo mula sa pagkakahiga o pagkakaupo. Nararanasan ang pagbagsak ng presyon kapag pumalya ang katawan sa pagsasaayos ng daloy ng dugo na biglaang nagbago dahil sa puwersa ng gravity. Ito ay lalong madalas sa mga taong nagbubuntis, umiinom ng gamot na pampababa ng presyon, may sakit sa puso, at may diabetes.
Postprandial hypotension - Ito ang pagbagsak ng presyon ng dugo na nararanasan pagkatapos kumain. Pagkatapos kumain, ang dugo ay pumupunta sa paligid ng bituka upang masimulan ang proseso ng pagsipsip ng sustanysa, at dahil dito, isinasaayos ng katawan ang presyon ng dugo upang makadaloy pa rin sa ibang bahagi ng katawan. Kapag pumalya ang katawan sa pagsasaayos ng presyon, maaaring makaranas ng pagbagsak ng presyon ng dugo.
Neurally mediated hypotension - Ito ang pagbagsak ng presyon ng dugo kapag nanatiling nakatayo sa matagal na panahon. Kinakailangang muling isaayos ng katawan ang presyon ng dugo kung nakatayo ng matagal sapagkat nahihirapan ang katawan na maiakyat sa utak ang dugo dahil din sa pwersa ng gravity. Minsan, maaaring malito ang nerves sa puso at isiping nakararanas ng altapresyon kung kaya't lalong bumabagsak ang presyon ng dugo.

SINO ANG MAAARING MAGKAROON NG LOW BLOOD PRESSURE?

Ang lahat ng tao ay maaaring makaranas ng mababang presyon ng dugo, ngunit ito ay maaaring mapadalas dahil sa sumusunod:
Ang edad ay 65 pataas.
Umiinom ng mga gamot na pangmentena
Mayroong sakit tulad ng Parkinson's Disease, diabetes, at ilang kondisyon sa puso.

TOTOO BANG NAKAPAGDUDULOT NG PAGBABA NG PRESYON NG DUGO ANG KULANG SA TULOG?

Sa kabaligtaran, ang kakulangan ng tulog (masmababa sa 6 na oras ng tulog) ay nakapagdudulot ng pagtaas na presyon ng dugo at hindi pagbaba. Ang pagkahilo o panlalabo ng paningin na nararanasan mula sa bitin na tulog ay maaaring dahil sa biglaang pagtayo mula sa pagkakahiga.

ANG LOW BLOOD BA AY KATUMBAS NG ANEMIA?

Hindi. Ang low blood ay tumutukoy sa mahinang presyon ng dugo habang ang anemia naman ay tumutukoy sa kakulangan ng hemoglobin sa dugo. Magkaiba ang dalawang kondisyon na ito at magkaiba din ang gamutan nila. Ngunit maaaring magdulot ng magkaparehong epekto sa katawan sapagkat parehong hindi nakakaaabot ng tama ang sapat na suplay ng oxygen sa iba't ibang bahagi ng katawan.

Makakatulong po sa kondisyong ito ang mga sumusunod:

Power Greens
Power C Plus
Plagen Plus
CTMD o Concentrace Trace Mineral Drops

Baka makatulong po kami
Dok A
09391255598

UNAWAIN NATIN ANG PAMAMANAS. BAKIT NAGKAKAMANAS ANG TAO?

MADALAS ay napapansin natin ang pamamanas sa paa at sakong matapos tumayo o maupo nang matagal. Ang mga buntis ay madalas ding makaranas ng pamamanas. May mga pagkakataon ding nagkakaroon ng pamamanas dulot ng pag-inom ng gamot. May gamot na kontra-alta presyon na posibleng ang side effect ay pamamanas. Pero dapat nating bigyang-pansin ang pamamanas na nagtatagal at hindi kagyat nawawala. Lalo na kung napapansing paakyat ito sa dakong hita. Edema ang medical term sa pamamanas.

Bakit nga ba nagkakaroon ng pamamanas?

Kapag ang fluid ay tumagas o nag-leak mula sa dinadaluyan ng dugo patungo sa mga nakapaligid na tissues, nagkakamanas tayo. Ang pamamanas ay laging abnormal kaya hindi dapat balewalain. Maaaring ito’y sintomas ng isang sakit. Karaniwang sintomas ng sakit sa puso ang pamamanas at ito’y bunga ng kawalan ng kakayahan ng puso na mag-function nang maayos.

Kapag ang puso ay hindi bumobomba nang sapat, halimbawa sa kaso ng tinatawag na “heart failure,” ang fluid na nasa mga ugat na dapat ay dumadaloy lang nang maayos sa sirkulasyon ay naiipon lang. Ang naipong fluid na ito ay tumatagas o nagli-leak mula sa mga ugat patungo sa nakapaligid na tissues, na nauuwi sa pamamanas o pamamaga.

Kalaunan, ang mahinang pagbomba ng puso ay nauuwi sa pag-unti ng dugong dumadaloy patungo sa kidney. Kapag nangyari ‘yun, ang bato ay hindi na makapaglalabas ng sobrang fluid bilang ihi. Ang naturang sobrang fluid ay naiipon sa buong katawan kung kaya’t parang nadadagdagan ng timbang ang katawan, parang tumataba.

Isipin natin ang posibilidad ng pamamanas kung napapansin ninyong nadadagdagan ang inyong timbang gayong hindi naman nagbago ang inyong pagkain.

Ang pamamanas ay dapat bigyang-pansin ngayon pa lang. Kailangang masuri kayong mabuti kapag may pamamanas. Ang mga available na gamot ngayon ay mapapahinto ang pagkakaroon ng sakit sa puso o pati na ang posibilidad ng atake sa puso.

Kapag nagpunta sa doctor dahil sa pamamanas, gagawin sa inyo ang ilang diagnostic tests. Doon ay malalaman n’yo ang performance ng puso o kung paano mag-respond ang puso n’yo sa stress o kung may damage ba sa masel ng inyong puso.

May mga tests din na magsasabi kung may pagkitid ba na nagaganap sa ilang arteryang ugat. Lahat ng impormasyong ito ay tutulong sa inyong doctor upang maibigay ang pinakamabuting gamutan para sa inyo.

Heto pa ang ilang posibleng sintoma ng sakit sa puso: pananakit ng dibdib, palpitations, pangangapos ng hininga, at labis na pagkahapo.

Makakatulong po sa ganitong kondisyon ang mga sumusunod:

Power Greens
Power C Plus
Enduromaxx
CTMD o Concentrace Trace Mineral Drops

Baka makatulong po kami
Dok A
09391255598

KAMANTIGI

Ang kamantigi ay isang maliit lamang na halaman na kilalang namumulaklak. Ito ay may makinis na dahon na may tusok-tusok sa gilid at patulis sa dulo. Ang bulaklak ay maaaring kulay rosas o kulay puti. Ang mga buto ay nababalot ng mala-kapsulang bahagi. Kilala ito bilang halamang ornamental at kadalasang makikitang nakatanim sa paso.

ANO ANG MGA SUSTANSYA AT KEMIKAL NA MAAARING MAKUHA SA KAMANTIGI?

Ang iba’t ibang bahagi ng kamantigi ay maaaring makuhanan ng ilang uri ng kemikal at sustansya na maaaring may benepisyo sa kalusugan:

Ang dahon ng kamantigi ay may taglay na sulfur at pectin. Ang ugat ay may taglay naman na peroxidase. Ang mga buto ay mayroong langis at phenol. Ang bulaklak ay may taglay naman na alkaloids, tannins, glycosides, flavonoids, saponins, terpene, and carbohydrates.

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Ang ilang bahagi ng halaman ay maaaring magamit sa panggagamot:

Dahon. Ang dahon ay karaniwang dindikdik upang ipantapal sa ilang kondisyon.

Bulaklak. Karaniwan namang nilalagat at iniinom ang bulaklak ng kamantigi.

Buto. Ang pag-inom sa pinaglagaan ng buto ay mabisa rin para sa ilang karamdaman.

ANO ANG MGA SAKIT NA MAAARING MAGAMOT NG KAMANTIGI?

1. Ubo. Ang kondisyon ng ubo ay maaaring matulungan ng pag-inom sa pinaglagaan ng buto ng kamantigi.

2. Kulugo. Pinaniniwalaang makatutulong sa pag-alis ng kulugosa balat ang pagtatapal ng dinikdik na dahon ng kamantigi sa apektadong bahagi ng katawan.

3. Pasa. Makatutulong din para sa kondisyon ng pagpapasa ang pagtatapal ng dinikdik na dahon ng halaman.

4. Rayuma. Maaaring ipantapal ang dinikdik na bulaklak ng kamantigi sa nananakit ng kasukasuan na dulot ng sakit na rayuma.

5. Dysmenorrhea. Makatutulong sa kondisyon ng dysmenorrhea ang pag-inom sa pinaglagaan ng bulaklak.

6. Impeksyon ng fungi sa mga kuko. Mabisang panlunas naman para sa mga kuko na apektado ng impeksyon ng fungi ang pagtatapal ng dinikdik na dahon ng halaman.

Baka makatulong po kami
Dok A
09391255598

Pantanggal Stress.

KATMON

Ang katmon ay isang mataas na puno na karaniwang tumutubo sa mga kagubatan sa kabundukan. Ito ay may makapal na dahon at tusok-tusok na gilid, at may maputing bulaklak na may malapad na talulot. Ang bunga ay kilala sa maasim nitong lasa. Ito ay tumutubo lamang sa kagubatan ng Pilipinas.

ANO ANG MGA SUSTANSYA AT KEMIKAL NA MAAARING MAKUHA SA KATMON?

Ang iba’t ibang bahagi ng halamang katmon ay maaaring makuhanan ng maraming uri ng kemikal at sustansya na maaaring may benepisyo sa kalusugan:

Ayon sa mga pag-aaral, ang dahon ng katmon ay may taglay na betulnic acid at 3-oxoolean-12-en-30-oic acid
Mayroon din itong sulfated glucoside at seco-A-ring oleanane-type triterpenoid.

ANONG BAHAGI NG HALAMAN ANG GINAGAMIT BILANG GAMOT, AT PAANO GINAGAMIT ANG MGA ITO?

Maaaring gamitin bilang gamot ang ilang bahagi ng halaman tulad ng:

Bunga. Ang bunga ay karaniwang kinakatasan upang mainom at maipanggamot sa may karamdaman.

Dahon. Ang dahon naman ay karaniwang nilalaga upang mapainom din sa may sakit.

Balat ng kahoy. Madalas namang nilalaga ang balat ng kahoy kasama ng dahon upang maipanggamot.

ANO ANG MGA SAKIT AT KONDISYON NA MAAARING MATULUNGAN NG KATMON?

1. Ubo. Ang maasim na katas ng bunga ay maaaring ipainom sa taong dumadanas ng ubo. Maaari din itong ilaga para mas madaling mainom.

2. Sugat. Ang dinikdik na dahon ng katmon ay maaaring ipantapal sa sugat upang matulungan ang mabilis na paghilom.

3. Lagnat. Makatutulong din ang pag-inom sa katas ng bunga para mapababa naman ang mataas na lagnat. Maaari itong haluan ng asukal upang mas madaling mainom.

4. Hirap sa pagdumi. Ang pag-inom sa pinaglagaan ng dahon at balat ng kahoy ay mabisang gamot para sa kondisyon ng hirap sa pagdumi.

5. Iregular na tibok ng puso. Maaari ding gamitin ang maasim na katas ng bunga ng katmon para matulungan at maisaayos ang tibok ng puso.

Baka makatulong po kami
Dok A
09391255598

MGA DAPAT NATING MAUNAWAAN TUNGKOL SA PROSTATE CANCER

Ang prostate cancer ay isa sa mga sakit na karaniwang tumatama sa mga kalalakihang Pilipino ngayon. Ito ang ikalawang sanhi ng pagkamatay ng mga lalaki. Sa kabila nito, marami pa rin ang hindi lubusang nakaaalam kung ano ang prostate cancer.

Ano ba ang prostate? Ang prostate ay isang glandula. Sa mga kalalakihang nagkakaedad, ang prostate ay singlaki ng itlog ng manok. Makikita ito sa ilalim ng urinary bladder. Ang function nito ay mag-produce ng bahagi ng semelya (semen).

Kailan ba nagkakaroon ng prostate cancer? Ang prostate cancer ay karaniwang tumatama sa mga lalaking ang edad ay mahigit 50. Hanggang sa kasalukuyan, ang dahilan ng prostate cancer ay hindi pa malaman. Tumatama ito sa mga kalalakihang marami nang naka-sex, may history ng sexually transmitted diseases, sa ang diet ay kinapapalooban ng karne na may mataas na fat at doon sa mga ang trabaho’y sobra ang exposure sa cadmium.

Paano ba malalaman ng lalaki kung mayroon na siyang prostate cancer? Hindi agad nalalaman kung mayroon nang prostate cancer dahil wala itong sintomas sa simula. Hanggang sa makaranas ng mga sumusunod: madalas na pag-ihi hanggang sa maging mabagal ang tulo ng ihi na may kasamang dugo.

May mga paraan ang doktor kung paano malalaman kung mayroong prostate cancer. Magsasagawa ng re**al exam ang doktor sa pasyente. Sa re**al exam, ipapasok ng doktor ang daliring may glove sa re**um upang madama ang gland kung ito ay matigas o lumalaki.

Ang iba pang examinations na maaaring isagawa ay ang diagnostic ultrasound, computerized Tomography scans, Magnetic Resonance Imaging at ang Nuclear medicine bone scan.

Ang prostate cancer ay maaaring malunasan kung ito ay made-detect nang maaga at dagliang gagamutin. Hindi dapat mag-urung-sulong ang mga kalalakihang may prostate cancer kinakailangan natin itong maagapan.

Baka makatulong po kami
Dok A
09391255598