Kwento ng Bayan Ngayon

Inihayag ni Vice President Sara Duterte na hangad ng kanilang pamilya na sa Pilipinas pumanaw ang dating Pangulong Rodrigo Duterte sakaling mangyari ang pinangangambahang sitwasyon habang ito ay nakakulong sa detention facility ng ICC sa The Hague, Netherlands. Ayon kay VP Sara, napag-usapan na nila ng kanyang ama ang posibilidad na ito at nagbilin na rin umano si FPRRD ng mga dapat gawin kung sakaling siya ay pumanaw habang nasa kustodiya ng ICC.

Padila vs Chua

Sa impeachment trial, sumang-ayon si House Prosecutor Joel Chua sa paglilinaw ni Sen. Robin Padilla na ang confidential funds ay hindi awtomatikong ibinibigay sa lahat ng ahensya ng gobyerno. Ayon kay Chua, nakadepende ang paglalaan nito sa mandato at pangangailangan ng bawat ahensya, kaya hindi ito maituturing na pangkaraniwang pondo.

Planong rocket launch ni PBBM huwag umanong hadlangan

Iginiit ni Palace Press Officer Usec. Claire Castro na hindi dapat maging hadlang ang mga kritiko sa planong rocket launch ni Pangulong Ferdinand Marcos Jr. Ayon sa kanya, bahagi ang rocket program ng mas malawak na plano para sa pag-unlad ng bansa at hinikayat ang publiko na suportahan ang mga layunin ng Pangulo para sa pag-asenso ng Pilipinas.

Rocket na ipapadala sa kalawakan parte sa pag-asenso ng bansa ayon kay Usec Castro

Isang maikling tugon na “Common Sense” ang ibinigay ni Presidential Communications Office (PCO) Undersecretary Claire Castro nang tanungin ng media kung ano ang magiging benepisyo ng planong pagla-launch ng rocket na binanggit ni Pangulong Ferdinand Marcos Jr. sa kanyang State of the Nation Address (SONA). Ang pahayag ay agad na naging usap-usapan sa social media, habang patuloy na hinihintay ang mas detalyadong paliwanag ng pamahalaan tungkol sa layunin at inaasahang pakinabang ng naturang plano.

Ilang Minority nakiusap kay Erwin Tulfo na huwag na umanong ituloy ang Flood Control Probe

Ibinunyag ni Sen. Erwin Tulfo na may ilang senador mula sa minorya na umano'y nakikiusap na ihinto na ang imbestigasyon ng Senate Blue Ribbon Committee sa mga flood control projects. Ayon kay Tulfo, ikinagulat niya ang kahilingang ito dahil ang ilan sa mga naturang senador ang nauna umanong nagsulong ng imbestigasyon. Hindi niya pinangalanan ang mga tinutukoy na senador, at sa kasalukuyan ay wala pang opisyal na pahayag ang mga minority senators hinggil sa alegasyon.

PBBM, magpapadala ng rocket sa kalawakan ゚

Inanunsyo ni Pangulong Ferdinand “Bongbong” Marcos Jr. sa kanyang ikalimang SONA ang planong pagtatayo ng kauna-unahang spaceport ng Pilipinas sa Cagayan. Nakaplano rin ang unang sounding rocket launch test ng bansa sa susunod na taon, sa pakikipagtulungan sa isang South Korean aerospace company.