Tan The Barber

Hindi ako takot masapawan.
Dahil ang tunay na confident, marunong pumalakpak sa tagumpay ng iba.🤝✂️

Sino nga ba si Zinc Always Fade / Tan the Barber? 💈✂️

Ako yung dating barbero na minaliit, nagtanong, nahirapan, at ilang beses ding nagduda sa sarili.

Dati, madalas kong tanungin ang sarili ko:

“Paano ba ’to?”
“Paano ginagawa ’yan?”
“Ano ba ang tamang diskarte?”
“Bakit ang hirap?”

Dumating ako sa point na hinihiling ko lang na sana may isang taong willing magturo sa akin. Sana may mag-guide. Sana may mag-share ng kaalaman nang hindi ako iparamdam na wala akong alam.

Pero wala. Kaya madalas akong magtanong tanong at salamat dahil nakilala ko ang mga gumagabay sakin ngayon, kilala nyo na kung sino kayo mga kuya.

Kaya ngayon, ako na lang ang tumutupad sa mga hiling ng dating ako—pero para sa ibang tao.

Bakit ako nagtuturo nang libre?

Dahil sa bawat taong nanonood, nagtatanong, at gustong matuto, nakikita ko yung dating sarili ko.

Hindi ko nakakalimutan kung saan ako nagsimula.
Kaya kung may kaalaman akong pwedeng ibahagi, bakit ko pa itatago?

Hindi ko sinasabing alam ko na ang lahat. Aspiring barber educator pa lang ako. Patuloy pa rin akong natututo habang nagtuturo.

Ang goal ko hindi lang maging magaling na barbero.

Gusto kong maging barbero na may naiiwang kaalaman, inspirasyon, at pagkakataon para sa iba.

Kung dati hinihiling kong sana may magturo sa akin…

ngayon, gusto kong ako naman ang maging taong hinihintay ng ibang nagsisimula. 🤝

— Zinc Always Fade / Tan the Barber 💈

“Wala namang tira.”
“Ang bagal mo naman gumupit.”
“Antok na customer mo.”
“Ipit-ipit pa, i-rarazor mo rin naman pala.”

Mga ganitong komento ang madalas kong mabasa habang naggugupit. Pero habang sila abala sa paghusga sa bawat galaw ko, mas nakafocus ako sa isang bagay—kung masaya ba at satisfied ang client ko.

Hindi ako naggugupit para sa validation ng ibang barbero. Hindi ko kailangang patunayan ang sarili ko sa kanila. Ang trabaho ko ay magbigay ng serbisyo na ikakatuwa at ikasasatisfy ng kliyente ko.

Kaya kung mabagal man ako para sa iba, basta tama para sa client ko, hindi ako magmamadali.
Dahil sa huli, hindi naman ibang barbero ang uuwi na may bagong gupit—CLIENT KO. ✂️❤️

Basta masaya ang client, tuloy lang.
Hindi lahat ng opinyon kailangang pakinggan. 💯