Jims Red

"ANG BABAE SA KALSADA"

PART II

Ano kaya ang nangyari sa babae?Paano kung totoong may nangyari sa kliyenteng kausap ko?mga katanungang patuloy na bumabagabag sa aking isipan.

Naisipan kong Sabihin sa katrabaho kong si Janice na noo'y katabi ko lamang at naghihintay din ng kliyente. Ngunit ang tanging naging tugon lamang niya sa akin ay; "Ano kaba Gerwin, huwag ka ngang magpapaniwala sa mga ganyan at baka modus lang, alam mo naman na marami ng mapagsamantala sa panahon ngayon".

Napatango at napabunting hininga na lamang ako sa mga sinambit ni Janice. Hindi ko na lamang pinansin ang pangyayari na naganap kanina, sa isip ko'y baka nga modus lamang yun ng mga taong mapagsamantala.

Lumipas ang dalawang oras at eksaktong mag-aalas tres na ng madaling araw. Sa wakas ay tapos narin ang shift ko at oras na para umuwi. Sabik na akong matulog at humiga sa malambot kong k**a. Malapit lamang sa aming kompanya sa dorm na tinutuluyan ko kaya naman naglalakad lamang ako pauwi at sa ganitong oras ay mahihirapan narin akong maghanap ng masasakyan.

Habang ako'y naglalakad, bigla na namang sumagi sa isip ko ang babaeng naging kliyente ko kanina, para bang di mawala sa aking isip ang boses ng babae na humahagulgol sa pag-iyak habang humihingi ng tulong. "Tulong! Pakiusap tulungan niyo ako!" nang biglang may narinig akong boses na sa pag-aakala ko'y dala lamang ng pangyayaring kanina pa sumasagi sa aking isipan. Ngunit hindi, sapagkat sa pagkakataong ito'y muli ko na namang narinig ang boses ng isang babae, "Tulong! Pakiusap tulungan mo ako!" ramdam kong malapit lamang ang pinanggagalingan ng boses at alam kong hindi na ito isang pagkaraniwang tawag lamang sapagkat ito'y napakalapit sa aking pandinig at nasa paligid ko lamang.

Sinubukan kong lumingon kung saan-saan habang patuloy parin sa paglalakad, nagbabakasakaling mahagilap ng aking mga mata ang babaeng kanina ko pa naririnig. Sa wakas, sa di kalayuang kanto tanaw ko ang dalawang tao na naging dahilan ng aking pagkabalisa. Kitang kita ko kung paano bugbugin, pagsasampalin at paghahampasin ng lalaki ang kawawang babae, ngunit ang nakapagtataka'y tila ba balisa at takot na takot ang lalaki habang binubugbog at pinagtatabuyan ang babae. Wala akong sinayang na oras, dali-dali akong naglakad at tumakbo upang tulungan ang babae.

Patuloy lamang sa paghakbang ng mabilis ang aking mga paa habang sinasabayan ng pagpatak ng mga butil ng pawis sa aking mukha at dinig ko rin ang bilis na pagtibok sa aking dibdib. Nang sa wakas ay malapit na ako sa kinaroroonan ng dalawa ay bigla akong napahinto sa pag takbo.Bakas sa aking mga mata ang takot at pagtataka.

Ang dalawang taong kanina lamang ay tanaw ng aking mga mata sa kantong kinatatayuan ko ngayon ay bigla na lamang naglaho na parang bula, na para bang wala akong nasaksihang pangyayari kanina. Sinubukan kong sampalin ang aking sarili, nagbabakasakaling namamalikmata lamang ako ngunit hindi, totoo ngang wala na ang babaeng dapat sana ay tutulungan ko at ang lalaking kanina lamang ay binubugbog ang kawawang babae.

Sa puntong ito'y para akong binuhusan ng malamig na tubig, ramdam ko ang matinding kaba at kilabot na bumabalot sa buo kong pagkatao. Sinubukan kong kumalma at magpatuloy sa paglalakad, inisip ko na lamang na baka dala lang ito ng gutom at matinding puyat na kanina ko pa pinipigilan.

Sa di kalayuan ay tanaw ko na ang dorm na tinutuluyan ko. Sa wakas ay makapagpapahinga na rin ang pagod kong katawan na kanina pa nananabik ng pahinga. Pagkarating ko sa dorm ay agad akong tumungo sa comfort room at naligo ng saglit bago matulog.Habang ako'y nakahiga sa malapad at malambot kong k**a, hindi parin maalis sa isip ko ang mga kababalaghang naranasan ko kanina, patuloy parin akong binabagabag at binabalot ng kyuryusidad?

Bakit kaya biglang naglaho ang dalawa taong Nakita ko kanina?Totoo ba lahat ng nasaksihan ko?unti-unti na namang nagsisimula ang mga katanungang Hindi ko masagot sagot nang biglang may narinig akong mahinang katok."Tok! tok!Tok!", dining na dinig ko, mahina ngunit alam kong nanggagaling ito sa pintuan.
Tatayo na sana ako upang buksan ang pinto nang may naramdaman akong malamig na hangin na dumaan sa likuran ko, bigla akong napalingon ngunit imposibleng magkaroon ng ganoong kalamig na hangin gayoy hindi ko pa nabubuksan ang aircon sa loob ng dorm at hindi rin nakabukas ang bintana.

"Tok! Tok!"bigla ko na namang narin ang mahinang katok, sa pagkakataong nagpatuloy ako sa pagtayo at tuluyang humakbang papuntang pintuan, habang ako'y papalapit sa pintuan patuloy parin ang mga mahinang katok na habang tumatagal ay pabilis ng pabilis. Nang tuluyan ko ng buksan ang pintuan ay gayon na lamang ang pagkabigla at kilabot na muli ko na namang naramdaman....