Danny valdez

𝐌𝐀𝐆𝐊𝐀𝐊𝐀𝐒𝐀𝐁𝐖𝐀𝐓 𝐒𝐈𝐋𝐀𝐍𝐆 𝐋𝐀𝐇𝐀𝐓! | 𝐕𝐏 𝐒𝐀𝐑𝐀 𝐂𝐋𝐀𝐈𝐌𝐒 𝐏𝐑𝐄𝐒𝐈𝐃𝐄𝐍𝐓 𝐌𝐀𝐑𝐂𝐎𝐒 𝐁𝐀𝐂𝐊𝐄𝐃 𝐓𝐑𝐈𝐋𝐋𝐀𝐍𝐄𝐒 𝐈𝐍 ‘𝐃𝐄𝐌𝐎𝐋𝐈𝐓𝐈𝐎𝐍 𝐉𝐎𝐁’ 𝐀𝐆𝐀𝐈𝐍𝐒𝐓 𝐇𝐄𝐑

MAYNILA— Sinagot na sa pamamagitan ng matapang na pahayag ni Vice President Sara Z. Duterte at tahasang itinanggi ang mga paratang laban sa kanya at inakusahan ang kasalukuyang administrasyon ng umano’y paggamit sa mga institusyon ng gobyerno para sa pamumulitika.

Sa kanyang pahayag, binatikos ng Bise si dating senador Antonio Trillanes IV, na aniya’y halos isang dekada nang inuulit ang umano’y alegasyon tungkol sa bilyun-bilyong pisong bank accounts na hanggang ngayon ay wala pa ring napapatunayang pagbabago o bagong ebidensya.

Ayon sa Bise Presidente, ang kaibahan ngayon ay ang umano’y suporta ng makapangyarihang “makinarya” sa likod ng mga akusasyon. Kabilang dito, aniya, ang isang nakaupong Pangulo na kanyang hinamon na sumailalim sa drug test, ilang mambabatas na umano’y tumanggap ng “maleta,” at mga ahensya tulad ng Commission on Audit (C0A) at Anti-Money Laundering Council (AMLC) na pinagdududahan niya ang timing at pananahimik sa isyu.

Iginiit din ni Duterte na ang sunod-sunod na alegasyon laban sa kanya ay nagsimula matapos siyang umalis sa Gabinete, lalo na nang tumanggi siyang pirmahan ang isang pambansang badyet na aniya’y hindi niya kayang ipagtanggol sa publiko.

“Malinis ang aking service record,” diin niya. “Lahat ng aking ari-arian ay idineklara sa SALN at bawat sentimo ay mula sa lehitimong pinanggalingan.”

Sa gitna ng kanyang depensa, ibinaling ng Bise Presidente ang usapin sa mas malalaking isyu sa bansa. Kabilang dito ang umano’y kakulangan ng malinaw na sagot sa pondo ng flood control projects, patuloy na pagtaas ng presyo ng bilihin, kahirapan at kagutuman, direksyon ng usapang pangkapayapaan sa Mindanao, at polisiya sa ugnayang panlabas.

Binigyang-diin din niya ang kahalagahan ng pagtuon sa kapakanan ng mamamayan kaysa sa aniya’y “ingay ng impeachment.”

“Ang tunay na laban ay para sa mga Pilipinong araw-araw na dumadanas ng hirap,” ani Duterte.