Frontrow International in Valenzuela

April 17, 2024 – Naiulat ang pinakamalakas na buhos ng ulan sa United Arab Emirates (UAE) kahapon sa nakalipas na 75 taon. Katumbas ng dalawang taong pag-ulan ang lakas ng ulan na naranasan sa Dubai, na isa sa mga lugar na maraming residenteng Pinoy at Overseas Filipino workers (OFWs).

Nasa isang milyong Pilipino ang naka-base sa UAE at tinatayang 450,000 dito ang naninirahan sa Dubai.

Nagmistulang ilog daw ang mga kalsada sa Dubai — lumutang ang mga sasakyan at pinasok ng tubig ang mga bahay at ilang establisyemento kaya tumigil ang operasyon sa airport at mga istasyon ng tren. Dahil dito, marami ang na-stranded na mga tao sa kalsada at train stations, kabilang na ang mga kababayan nating OFWs.

Patuloy na nakikipag-ugnayan si Sen. Idol Raffy Tulfo sa Department of Migrant Workers (DMW) para imonitor ang kalagayan ng mga Pilipino doon.

Ayon sa DMW-OWWA Migrant Workers’ Office sa Dubai, walang naiulat na sawi o nasagutan na mga kababayan natin sa Dubai. Ngunit naghahanda na ang ahensya upang magdistribute ng relief goods para sa mga nakatira sa apektadong lugar.

Bilang Chairperson ng Senate Committee on Migrant Workers, hangad ni Sen. Idol Raffy Tulfo ang kaligtasan ng mga Pilipino sa UAE, kaya pinapayuhan niya ang ating mga kababayan doon na maging mapagmasid, maging alerto. Maging updated din sa mga balita at sumunod sa mga sinasabi ng awtoridad.

Kung may kakilala kayo na nangangailangan ng tulong dahil sa insidenteng ito, maaring ipagbigay alam at tumawag sa DMW Hotline +63 2 88186047 o mag email sa [email protected].

***

***
UPDATE: As of 7PM ng April 18, ipinarating ng DMW ang masamang balita na tatlong OFWs ang namatay dahil sa matinding baha sa UAE.

Ang dalawa sa kanila ay kinilalang sina Marjorie Saquing Ancheta at Jenny Fajardo Gamboa, mga empleyado ng Eduscan Institue, na parehong nasuffocate sa loob ng sasakyan sa gitna ng baha.

Samantala ang isa pang biktima ay si Dante Espanol Casipag na nagtamo ng major injury at kalaunan ay namatay matapos malaglag ang sasakyan sa sinkhole.

Nakikiramay si Sen. Idol sa mga pamilyang naiwan ng mga kababayan nating OFW at siya ay magpapaabot ng anumang tulong na kanilang kakailanganin.