Zahid Javed Kashmiri

اٹھ کہ گلشن کو تیری جرات کی طلب ہے
ہر پھول میں پوشیدہ تیری ہی سبب ہے

تو بہت روکے گی لیکن میں جدا ہو جاؤں گا
زندگی اک روز میں تجھ سے خفا ہوجاوں گا

تو مصلے پر میری نیت تو باندھے گی مگر
میں نماز عشق ہوں تجھ سے قضا ہوجاؤں گا

چاہتوں کے دائرے میں آؤ دوڑیں ایک ساتھ
تونے مجھ کو چھو لیا تو میں تیرا ہوجاؤں گا

آخری سیڑھی پہ جا کر تو پکارے گی مجھے
اور میں نیچے کھڑا تیری صدا ہو جاؤں گا

سانپ اور سیڑھی کے الجھے کھیل میں اک روز میں
درمیانی مرحلے میں ،،،،،، لا پتہ ہو جاؤں گا

بے وفائی کا دیا اس نے حسن طعنہ مجھے
اور اب میں احتجاجاً بےوفا ہو جاؤں گا

حسن عباس رضا