Soul Healing by Reiki

Have a Nice Sunday 🌹❤️❤️
Soul Healing Family ....
Heal your Soul Heal Your Pain 🙂

السلام علیکم سول ہیلنگ فیملی 🌹❤️🌹
رمضان المبارک کا چاند مبارک
اللہ پاک سب کو روزے رکھنے کی توفیق ہمت عطا کریں خیر و عافیت صحت تندرستی سکون والا رمضان گزرے آمین ثمہ آمین
۔اپنے اردگرد کے لوگوں کا خیال ضرور رکھے جس کے بس میں جو ہو وہ ضرور کرے بہت مشکل حالات ہیں اس وقت ہر طرف اللہ پاک آسانیاں عطا کرے اور آسانیاں تقسیم کرنے کا شرف عطا کریں آمین ثمہ آمین ۔
اپنی دعاؤں میں اپنے ان مسلمان بہن بھائیوں بچوں کو ضرور شامل رکھے جو اس وقت اپنی زندگی کا مشکل ترین رمضان گزار رہے ہیں ۔۔اللہ پاک ان کے حال پر رحم و کرم کرے آمین ثمہ آمین۔

اسلام علیکم
نئے سال کی ابتدا مبارک
اللہ رب العالمین پورے عالم پر رحم و کرم فرمائے صحت تندرستی خیر برکت سکون عافیت خوشیوں سلامتی عزت محبت والی ذندگی اپنے پیاروں کے ساتھ عطا کرے بنا محتاجی کے آمین ثم آمین ۔سال گزشتہ سبھی کے لیے اپنے ساتھ بہت کچھ لایا کچھ نئے سبق حاصل ہوئے کچھ عہد کئے گے کچھ پیاروں کو رخصت کرنا پڑا ۔کچھ سے دائمی جدائی کچھ سے عارضی طور پر جدائی ملی ۔🙂

پورا سال زخموں کو رفو کرتے کرتے بہت کچھ سیکھنے کو ملا کاش کے لفظوں پر اتنی دسترس حاصل ہوتی جیسے میرے اکثر احباب رخ کتاب کو ہے خوبصورت دلوں کو چھو لینے والے مرہم کی مانند لفظ لگتا ہے لفظ جیسے ان کے غلام ہوں ❤
بطور ہیلر ٹوٹے دل، بیمار ذہن کمزور قوت ارادی غرض ہر طرح کے لوگوں سے مختلف واقعات سننے کو ملتے عجیب و غریب کہانیاں ہر کہانی کچھ سوچنے پر مجبور کردیتی
اپنے کچھ پیارے دوستوں کے الفاظ نئے سال کی مناسبت سے مجھے بہتر لگے زخمی روحوں کو مرہم کی صورت پیش کرو سیدہ فاطمہ کہتی ہے۔
تعلق ہی آپ کو زخمی کرتے ہیں اور تعلق ہی آپ کو ہیل کرتے ہیں۔۔۔ فاطمہ کی بات پر بہت سال پہلے کہی کچھ پڑھا یاد آیا تھا آدمی آدمی کی دوا ہے یہ جملہ کافی سال بعد اپنے معنی مفہوم سمجھا گیا ۔
محبت ہی انسان کو کرچی کرچی کر دیتی ہے اور محبت ہی کرچیاں جوڑ کر نیا انسان بناتی ہے ۔
ہماری بہت پیاری سی میٹھے لہجے والی دوست نیر تاباں کچھ اپنے انداز سے ٹوٹنے سمیٹنے کو اپنے لفظوں میں بیان کرتی ہے۔نیر کہتی ہے
پائریکس کا کوئی برتن ٹوٹا دیکھا ہے کبھی؟ ریزہ ریزہ ہو جاتا ہے۔ عام کانچ کے برتن کی طرح بڑی ٹکڑیوں میں نہیں ٹوٹتا، بالکل کرچی کرچی ہو جاتا ہے۔

مجھے بہت اچھا لگتا تھا پائریکس کا کوئی کپ کبھی ٹوٹا دیکھوں۔ باریک رنگ برنگ کرسٹلز جیسے آس پاس بکھر گئے ہوں۔ اس کی ایک قسم ہیٹ پروف ہوتی ہے یعنی بیکنگ کے لئے استعمال ہوتی ہے۔ مجھے لگا ہیٹ پروف تو ہے ہی۔ دودھ انڈیل کر برتن سیدھا چولہے پر رکھ دیا۔ ایک خاص وقت تک اس نے ہیٹ برداشت کی، اسکے بعد چھناکے سے ٹوٹ گیا۔ پورے کچن میں گہرے نیلے رنگ کی باریک کرچیاں بکھر گئیں۔دودھ تو چولہے پر بہہ گیا اور باقی ہر طرف رنگین حسین کرچیاں۔۔۔

محبت کے نام پر بعض لوگ دل ٹوٹنے کی جس اذیت میں مبتلا رہتے ہیں، کبھی انکی حالت مجھے پائریکس کے ٹوٹے ہوئے برتن جیسی لگتی ہے۔ کرچی کرچی ٹوٹی ہوئی، جا بجا بکھری ہوئی۔ مسلسل کرب میں اور پھر بھی کرچیوں کو سینے سے لگائے رکھنا۔

انتظار ختم کیوں نہیں ہوتا؟ امید جاتی کیوں نہیں؟ کیوں دل ایک سِل کے نیچے ہے؟ کیوں ہر ہر سانس اٹک کر آتی ہے؟ کیوں سکون کی نیندیں روٹھ گئی ہیں؟ ڈراؤنے خواب پیچھا کیوں نہیں چھوڑتے؟ یہ بکھری ہوئی کرچیاں کیوں سینے سے لگا رکھی ہیں؟

اگر نکاح ممکن ہے کیجیے۔ ورنہ محبت کے نام پر اپنے جذبات، احساسات، وقت، توجہ کسی بے قدرے کے حوالے نہ کریں۔ اب جو ہو چکا اس سے آگے بڑھیں۔ یہ جو ہاتھ خالی کیے ہیں اللہ نے، یقین مانیں وہ آپکو اس سے بہتر اور بڑھ کر عطا کرنے والا ہے۔ بس اپنا محور درست کر لیں۔

اس سال کا بوجھ یہیں اتار پھینکیں۔ ہلکے ہو کے نئے سال میں داخل ہوں۔ یہ کرچیاں جتنی بھی خوبصورت سہی، انہیں سنبھال رکھنا مناسب نہیں۔اللہ آپکو لا حاصل کی تمنا سے نکال لے اور آپکا دل سکون سے بھر دے۔آمین ثمہ آمین
نیر کی طرح میں بھی یہی کہونگی مجھے کانچ کے برتن بہت پسند ہے لیکن کانچ
کا ٹوٹنا کرچیاں بکھری دیکھنا ان کو سمیٹنے کا عمل مشکل لگا ہمیشہ وجہ بہت احتیاط سے یہ کام کیا جاتا ہے اگر کہی ذرا سی بھی کرچی لگی رہ جائے وہ چبھنے کا اندیشہ رہتا اور یہی کام ایک ہیلر کرتا ہے سمیٹنے کا عمل ۔جوڑنے کا دورانیہ کتنا طویل ہو خبر نہیں ہوتی
اللہ سب کے دلوں کو اطمینان بخش سکون سے مالامال کر دے آمین ثمہ آمین ❤
اللہ آسانیاں عطا فرمائے اور دوسروں کو آسانیاں تقسیم کرنے کا شرف عطا کرے آمین ثمہ آمین۔۔۔۔۔

اسلام علیکم

عید مبارک سول ہیلنگ فیملی ♥️🌹♥️
اللہ رب العزت ہر سال اپنے پیاروں کے ساتھ ایسی بہت ساری عیدیں گزارنا نصیب کریں صحت تندرستی کے ساتھ آمین ثمہ آمین۔ ۔۔
شکر گزاری کریں ہر حال میں موجودہ نعمتوں کی یہ میسر ھمیں۔۔۔اسانیاں بانٹے اپنے اردگرد رہنے والوں میں تو رب العزت آپ کو بھی اسانیاں عطا کریں گے ۔۔