Uzman Elahi Journalist

خاک کچھ بھی نہیں، کمال رکھا ہے
اے خدا! تو نے سنبھال رکھا ہے

اپنی ہستی سے کر کے وابستہ
ہر مصیبت کو ٹال رکھا ہے

میں تو کب کا مٹ گیا ہوتا
تیری رحمت نے پال رکھا ہے

جو وقت ملا ہے زندگی میں، وہ خدمتِ خلق میں گزاریں

چراغِ خیر جلا کے رکھیں، جہاں تک ہو سکے سنواریں

👈بڑے بھائی آصف رضا صاحب، ڈپٹی کمشنر قصور اور ان کے ہمراہ عدنان دریشک صاحب، ایکسین ڈرین لاہور، آپ دونوں کا تہہ دل سے شکریہ کہ آپ نے میری درخواست پر میرے آبائی گاؤں اوراڑہ نو اور اوراڑہ کہنہ کے مین روہی نالہ کی صفائی کا کام شروع کروایا۔

یہ اقدام نہ صرف میرے آبائی علاقے بلکہ اہلِ علاقہ اور گردونواح کے لوگوں کے لیے بھی یقیناً بہت فائدہ مند ثابت ہوگا۔ آپ کی جانب سے عوامی مسائل کے حل کے لیے بروقت اقدامات قابلِ تحسین ہیں۔

اللہ پاک نے مجھے جو بھی وسائل اور استطاعت عطا فرمائی ہے، میری ہمیشہ یہی کوشش اور نیت رہے گی کہ ان شاء اللہ انہیں عوامی خدمت، فلاح و بہبود اور اپنے علاقے کی بہتری کے لیے استعمال کروں، تاکہ میرے علاقے اور اہلِ گاؤں کو زیادہ سے زیادہ فائدہ پہنچ سکے۔

اللہ پاک ہم سب کو اپنی مخلوق کی خدمت کرنے کی توفیق عطا فرمائے۔ آمین

عید الاضحیٰ ہمیں قربانی، ایثار، محبت اور انسانیت کا درس دیتی ہے۔
یہ مقدس دن ہمیں سکھاتا ہے کہ اللہ کی رضا کے لیے اپنی خواہشات کو قربان کرنا ہی اصل کامیابی ہے۔

اللہ تعالیٰ ہم سب کی عبادات، قربانیاں اور دعائیں اپنی بارگاہ میں قبول فرمائے، اور ہمارے گھروں کو خوشیوں، رحمتوں اور برکتوں سے بھر دے۔
عید الاضحیٰ مبارک 🌙🐐✨

Alhamdulillah ❤️🏆

Honored to receive the Award of Excellence at the Daily CNN Lahore Annual Awards Ceremony.This achievement is the result of hard work, dedication, consistency, and above all,the prayers and support of my parents, teachers, and elders who always believed in me and encouraged me throughout my journey. ✨

I feel truly grateful to Allah Almighty for blessing me with this honor and giving me the strength to reach this stage. 🤍

Special Thanks To

👉Manzoor Ch Sb Chairman, Daily CNN Lahore

👉Ms.Tayyaba Manzoor Ch Chief Editor,Daily CNN Lahore

👉Mansoor Mumtaz Sb Editor,Daily CNN Lahore

For their continuous support, trust, and encouragement.This recognition motivates me to continue working with even more passion, honesty, and responsibility.🤝🤲🌹

یہ محلوں یہ تختوں یہ تاجوں کی دنیا
یہ انساں کے دشمن سماجوں کی دنیا
یہ دولت کے بھوکے رواجوں کی دنیا
یہ دنیا اگر مل بھی جائے تو کیا ہے

ہر اِک جسم گھائل ہر اِک روح پیاسی
نگاہوں میں اُلجھن دلوں میں اداسی
یہ دنیا ہے یا عالمِ بد حواسی
یہ دنیا اگر مل بھی جائے تو کیا ہے

یہاں اِک کھلونا ہے انساں کی ہستی
یہ بستی ہے مردہ پرستوں کی بستی
یہاں پر تو ہے جیون سے موت سستی
یہ دنیا اگر مل بھی جائے تو کیا ہے

جوانی بھٹکتی ہے بدکار بن کر
جواں جسم سجتے ہیں بازار بن کر
یہاں پیار ہوتا ہے بیوپار بن کر
یہ دنیا اگر مل بھی جائے تو کیا ہے

یہ دنیا جہاں آدمی کچھ نہیں ہے
وفا کچھ نہیں دوستی کچھ نہیں ہے
جہاں پیار کی قدر ہی کچھ نہیں ہے
یہ دنیا اگر مل بھی جائے تو کیا ہے

جلا دو اِسے پھونک ڈالو یہ دنیا
میرے سامنے سے ہٹا لو یہ دنیا
تمھاری ہے تم ہی سنبھالو یہ دنیا
یہ دنیا اگر مل بھی جائے تو کیا ہے

✍️ ساحر لدھیانوی

Invitation By Award Ceremony Big Bro Zubair Ahmad Khan CEO Afira Zubair Foundation/Zubair groups of Companies

Host
Uzman Elahi Nation News Lahore

تصویر گوجرانوالہ کے کمشنر آفس کی ہے

۔ کرسی پر بیٹھی یہ صائمہ ہے۔ وہی صائمہ جس کا باپ رحمت گوجرانوالہ کے پاس ایک چھوٹے سے گاؤں "نوشہرہ ورکاں" میں دو ایکڑ زمین پر ہل چلاتا تھا۔

آج صائمہ اسسٹنٹ کمشنر گوجرانوالہ تعینات ہوئی ہے۔ جس لڑکی کو کبھی لوگ کہتے تھے "کسان کی بیٹی کلکٹر کیا بنے گی"، آج وہی لڑکی فائلوں پر دستخط کر کے شہر کے بڑے بڑے فیصلے کرتی ہے۔

*از قلم علی بٹ:*

صبح 9 بجے، AC آفس گوجرانوالہ۔
صائمہ نے آ کرسی سنبھالی ہی تھی کہ چپڑاسی نے بتایا، "میڈم، ایک بزرگ ملنے آئے ہیں۔ کہتے ہیں آپ کے گاؤں سے ہیں۔"

صائمہ نے سر اٹھایا۔ سامنے ابا رحمت کھڑے تھے۔ وہی میلی قمیض، پاؤں میں ٹوٹی ہوئی چپل۔ ہاتھ میں گنے کا ایک تحفہ۔

رحمت کی آنکھیں نم تھیں۔ "بیٹا، تیرے دفتر کو دیکھنے آیا ہوں۔ ساری زندگی کھیت دیکھا، آج بیٹی کا دفتر دیکھ لوں۔"

صائمہ کرسی سے اٹھی اور دوڑ کر ابا کے گلے لگ گئی۔ پورا عملہ دیکھتا رہ گیا۔

اس نے ابا کو اپنی کرسی پر بٹھایا، خود ساتھ والی کرسی پر بیٹھ گئی۔ "ابا، یہ کرسی آپ کی محنت سے ملی ہے۔ آپ نے اپنی دوائی چھوڑ کر میری فیس بھری تھی نا۔ آج یہ AC کی کرسی آپ کی ہے۔"

اس دن گوجرانوالہ کے کمشنر آفس نے ایک نئی تاریخ دیکھی۔ ایک غریب کسان اسسٹنٹ کمشنر کی کرسی پر بیٹھا تھا، اور اس کی بیٹی فخر سے اس کے ساتھ کھڑی تھی۔

باہر کھڑے لوگ کہہ رہے تھے، "نوشہرہ ورکاں کے رحمت کی بیٹی نے پورے گوجرانوالہ کا سر فخر سے بلند کر دیا۔"

*سبق*: گوجرانوالہ ہو یا کوئی بھی شہر، عزت ڈگریوں سے نہیں، ہمت سے ملتی ہے۔ اور بیٹیاں بوجھ نہیں، رحمت ہوتی ہیں