Voice of bajaur

باجوڑ، ترخو ماموند میں تعلیمی نظام خطرے میں!

گورنمنٹ سکول ترخو ماموند کی بندش کے خلاف طلبہ کا صبح سے شدید احتجاج جاری ہے، جبکہ مین روڈ ہر قسم کے ٹریفک کے لیے بند کر دیا گیا ہے۔ یہ احتجاج اس بات کا واضح ثبوت ہے کہ ہمارے بچوں کا مستقبل داؤ پر لگا ہوا ہے۔

سکول کی وجہ سے طلبہ کی تعلیم بری طرح متاثر ہو رہی ہے۔ آخر ہمارے معصوم بچوں کا قصور کیا ہے؟ تعلیم ان کا بنیادی حق ہے، جسے کسی بھی صورت میں نظر انداز نہیں کیا جا سکتا۔

ہم متعلقہ حکام سے پرزور مطالبہ کرتے ہیں کہ فوری طور پر سکول خالی کرا کے تعلیمی سرگرمیاں بحال کی جائیں، تاکہ طلبہ کا قیمتی وقت ضائع نہ ہو اور ان کا مستقبل محفوظ بنایا جا سکے۔

منجانب۔ اہلیان علاقہ

ان بچوں کا کیا قصور تھا کیوں مارا گیا ۔ ان پول جیسے بچوں کو اپ لوگوں نے اتنا بے دردی سے مارا ہے کیا تمہارے دل کے اندر خوف خدا نہیں ہے کیا تم لوگوں نے مرنا نہیں ہے کیا تم لوگوں نے اللہ تعالی کو جواب نہیں دینا

منڈہ: باجوڑ بائی پاس غنم شاہ کے مقام پر نامعلوم موٹر سائیکل سواروں کی فائرنگ سے دو ٹریفک اہلکار زخمی۔ دونوں کو ہسپتال منتقل کر دیا گیا، ڈاکٹرز کے مطابق حالت خطرے سے باہر ہے۔ پولیس نے تفتیش شروع کر دی.

حالیہ آپریشن کے دوران ماموند اور دیگر متاثرہ علاقوں میں شہید اور زخمی ہونے والے افراد کے حوالے سے صوبائی حکومت کی جانب سے کیے گئے وعدے کے مطابق ان شاء اللہ کل خصوصی امدادی پیکج فراہم کیا جائے گا۔ یہ پیکج ان تمام شہداء اور زخمیوں کو جاری کیا جائے گا جن کے نام متعلقہ فہرستوں میں شامل ہیں۔

وزیراعلیٰ خیبر پختونخوا کی جانب سے کیے گئے اعلان اور کمیٹمنٹ کے مطابق متاثرہ خاندانوں کی بھرپور معاونت کی جا رہی ہے۔ جن شہداء اور زخمیوں کے کیسز کسی وجہ سے ابھی باقی ہیں، ان شاء اللہ انہیں بھی جلد از جلد خصوصی پیکج کی فراہمی یقینی بنائی جائے گی۔

ہم شہداء کے اہلِ خانہ کے غم میں برابر کے شریک ہیں اور زخمیوں کی جلد صحت یابی کے لیے دعاگو ہیں۔ ان شاء اللہ متاثرہ خاندانوں کو تنہا نہیں چھوڑا جائے گا اور ان کے مسائل کے حل کے لیے ہر ممکن اقدامات جاری رہیں گے ۔
ایم پی اے ڈاکٹر حمیدالرحمان

ضلع باجوڑ کا اہم تجارتی مرکز عنایت کلی بائی پاس اب اپنی اصل شناخت کھو چکا ہے، جہاں ناجائز تجاوزات نے اسے ایک گنجان بازار میں بدل دیا ہے۔ اس کے نتیجے میں ہر وقت ٹریفک کا شدید دباؤ رہتا ہے جو مقامی آبادی کے لیے ایک مستقل اذیت بن چکا ہے۔ خدشہ ہے کہ اگر تحصیل ماموند میں کوئی ہنگامی صورتحال پیش آئے تو زخمیوں کو بروقت ہسپتال منتقل کرنا نہایت مشکل ہو جائے گا۔ لہٰذا اشد ضرورت ہے کہ متعلقہ حکام فوری اور مؤثر اقدامات کریں، تجاوزات کا خاتمہ یقینی بنائیں اور عوام کو اس سنگین مسئلے سے نجات دلائیں۔