Ryk Public News

☆چیف سیکرٹری کو دی گئی درخواست میں☆
(لیاقت گیلانی) اور اس کی مبینہ غیر قانونی سرگرمیوں کے اہم نکات درج ذیل ہیں:
​1. جعلی رسیدوں کا استعمال:
لیاقت گیلانی تحصیل صادق آباد، کوٹ سبزل اور سنجر پور کے علاقوں میں "پروفیشنل ٹیکس" کے نام پر دوکانداروں،اینٹوں کے بھٹوں پٹرول پمپس اور توڑی پریس سمیت ہر کاروباری سے رقوم وصول کرتا ہے۔ شدید شبہ ہے کہ یہ رسیدیں جعلی ہیں اور یہ رقم سرکاری خزانے میں جمع کرانے کے بجائے ذاتی جیب میں ڈالی جا رہی ہے۔
​2. نقشہ جات کی منظوری میں فراڈ:
مذکورہ شخص ہر نئی تعمیر ہونے والی عمارت پر جا کر شہریوں کو بلیک میل کرتا ہے۔ نقشہ پاس کرانے کے بہانے لاکھوں روپے رشوت وصول کی جاتی ہے، مگر عملی طور پر کسی کا نقشہ پاس نہیں کرایا جاتا۔ یہ سراسر دھوکہ دہی اور اختیارات کا ناجائز استعمال ہے
​لیاقت گیلانی کے خلاف فوری طور پر کرپشن اور اختیارات کے ناجائز استعمال پرانکوائری شروع کی جائے
​اس کی جاری کردہ تمام رسیدوں کا آڈٹ کیا جائے تاکہ سرکاری خزانے کی چوری پکڑی جا سکے
​اسے فوری طور پر ملازمت سے معطل کر کے تمام لوٹی گئی رقم کی ریکوری کی جائے

ڈی پی او راجن پور محمد عمران کا سود خوروں کیخلاف اعلان جنگ.سود خور ،سور کے بچے ہیں 🐷، ہم انہیں لتر ماریں گے ،انہیں گندہ کریں گے اور بازاروں میں لکھ دیں گے یہ سود خور ہیں

عوامی خدمت کا سفر: سردار صالح محمد خان جونا کی کوششوں سے ڈنڈھی روڈ کی تعمیر شروع
​صادق آباد:غلام یاسین جونا کی خصوصی رپورٹ
اہل علاقہ کا دیرینہ مطالبہ پورا ہو گیا۔ سردار صالح محمد خان جونا کی خصوصی کاوشوں اور دوڑ دھوپ کے نتیجے میں ڈنڈھی روڈ پر تعمیراتی کام کا باقاعدہ آغاز کر دیا گیا ہے۔
​اس اہم منصوبے کے لیے فنڈز ایم پی اے ممتاز علی خان چانگ کی جانب سے فراہم کیے گئے ہیں، جس سے علاقے میں خوشی کی لہر دوڑ گئی ہے۔ روڈ کی تعمیر سے مقامی آبادی کو درپیش سفری مشکلات کا خاتمہ ہوگا اور معاشی سرگرمیوں کو فروغ ملے گا۔
​عوامی حلقوں نے سردار صالح محمد خان جونا اور ممتاز علی خان چانگ کے اس مشترکہ اقدام کو سراہتے ہوئے اسے علاقے کی ترقی کے لیے سنگ میل قرار دیا ہے۔

صحافی منیر لنگاہ اور سی ٹی ڈی کا مبینہ اختیارات کا ناجائز استعمال۔

کچہ آپریشن میں بڑی کامیابی: ایک کروڑ کا انعام یافتہ ڈاکو تنویر اندھڑ ساتھی سمیت گرفتار
​ڈی پی او رحیم یار خان کی سربراہی میں پولیس اور ملٹری انٹیلیجنس نے کچہ کے علاقے میں جاری گرینڈ آپریشن کے دوران ایک بڑی کامیابی حاصل کر لی ہے۔ راجن پور کے دشوار گزار پہاڑی علاقے میں کی گئی ایک مشترکہ انٹیلیجنس بیسڈ کارروائی کے دوران خطرناک اندھڑ گینگ کا سرغنہ تنویر اندھڑ اور اس کا قریبی ساتھی ظفری جھبیل قانون کی گرفت میں آگئے ہیں۔
​حکومت کی جانب سے گرفتار ہونے والے ان خطرناک ڈاکوؤں پر کروڑوں روپے کے انعامات مقرر تھے:اندھڑ کے سر کے پر 1 کروڑ روپے اور وہ (45 سنگین مقدمات میں مطلوب)۔
​ظفری جھبیل کے سر پر 50 لاکھ روپے اور وہ (38 مقدمات میں مطلوب)۔
​ڈی پی او رحیم یار خان، عرفان علی سموں کے مطابق، کچہ آپریشن کے آغاز سے اب تک جرائم پیشہ عناصر کو بھاری نقصان پہنچایا جا چکا ہے:
​69 ڈاکو ہلاک کیے جا چکے ہیں۔
​97 زخمی ڈاکو گرفتار ہوئے۔
​229 ڈاکوؤں نے اب تک پولیس کے سامنے ہتھیار ڈال کر سرنڈر کیا ہے۔
​ڈی پی او کا مزید کہنا تھا کہ ہتھیار ڈالنے والوں کو قانون کے مطابق عدالتوں میں پیش کیا جائے گا اور جب تک کچہ کے علاقے سے آخری ڈاکو کا خاتمہ نہیں ہو جاتا، یہ آپریشن بلا تعطل جاری رہے گا۔
​رونتی کے کچے میں پولیس کا گشت اور بحالی کے کام
​دوسری جانب، سندھ کے علاقے رونتی کچہ میں بھی امن و امان کی صورتحال برقرار رکھنے کے لیے آپریشن اور بحالی کا کام تیزی سے جاری ہے۔
​ایس ایس پی گھوٹکی انور علی کھیتران نے نفری کے ہمراہ کچے کے دشوار گزار راستوں پر پیدل مارچ کیا تاکہ مقامی آبادی میں اعتماد بحال کیا جا سکے۔ پولیس حکام کا عزم ہے کہ ان علاقوں میں ریاستی رٹ کو ہر صورت برقرار رکھا جائے گا اور شرپسند عناصر کی پناہ گاہوں کو مکمل طور پر ختم کر دیا جائے گا۔