Apna Panjab

عِشق گھڑے دا مٹھا پانی ..💝

پی نہ بیٹھیں زہر اے کاکا....💞💞💞
Apna pind.

ھاسے خالص بِلکل سونے ورگے
کیتی بس پِہچانڑں کِسے نیں

"سیاحت"

خوشیاں لَبھدے لوک وچارے
ویکھ رئے سی مست نظارے
ہَسن کھیڈن جاندے پئے سی
رَل کے موج مناندے پئے سی
موت نے آکے گھیرا پایا
موسم نوں وی ترس نہ آیا
پھس گئے برفاں دے وِچکار
ساہ وی ہو گئے ٹھنڈے ٹھار
گلاں کردے رئے "سکندر"
مر گئے لوک مَری دے اندر
اپنیاں گلاں تے کردار
آ کے ویکھ لَوے سرکار...........!

جس ہوٹل دی ۔۔ چاہ نئیں چنگی
سمجھو بہنڑ دی جاہ نئیں چنگی

شہر دا شہر ۔۔۔۔ وی واقف ہووے
ہر دے نال ۔۔۔۔۔ صلاہ نئیں چنگی

رشوت نالوں ۔۔۔۔۔۔۔ پاک نہ ہووے
ایہو جئ ۔۔۔۔۔ تنخاہ نئیں چنگی

پیر ہووے ۔۔۔۔۔۔۔۔۔۔ تے پیڑ نہ مکے
مطلب فیض ۔۔۔۔ نگاہ نئیں چنگی

کجھ سوچ کے ۔۔ فیصلے کیتے کر
مظلوم دی نکلی ۔ ہاہ نئیں چنگی

منڑ تے بہنڑ دا ۔۔۔۔۔۔۔۔ عادی ہٹ آ
دریا دی لگی ۔۔۔ ڈھاہ نئیں چنگی

منزل جتڑیں ۔۔۔۔۔۔۔ دور پئ ہووے
بیلیا پٹھی ۔۔۔۔۔۔۔۔ راہ نئیں چنگی

محفل دے وچ ۔۔۔۔۔۔۔۔۔ زورا زوری
ہر ہک شعر تے ۔۔۔ واہ نئیں چنگی

بشر جے آپ ۔۔۔۔۔۔۔۔۔۔ نکماں ہوویں
لوکاں دی ۔۔۔۔ اصلاح نئیں چنگی

اساں پکھی واس ۔۔۔ مسافر ہاں
ساڈے نال شہزادی نئیں سج دی

مٹھے کھوہ تے ٹھنڈی چھاں
چل اوے چلیے اوس گراں

ہر پاسے ہریالی ہووے
دھرتی پھلاں والی ہووے
گھگو تتر لالی ہووے
تے ہووے ڈھگیاں دی ڑاں ڑاں
چل اوے چلیے اوس گراں

تاریاں دے نل کھیڈ دے ریے
جتھے چن نوں ماما کہیے
دکھاں نوں ونڈ ہاسے دئیے
اک دوجے دے لاگے بئیے
جتھے دل وچ ہووے تھاں
چل اوے چلیے اوس گراں

جتھے لین نہ ٹھگ ونجارے
جھوٹے لائے نہ کوئ لارے
نہ تگڑے نہ کوئی ماڑے
ہووے سب تے سکھ دی چھاں
چل اوے چلیے اوس گراں

ہاڑ سیالیں کٹھیاں گاہنی
جتھے وسدے ہان دے ہانی
جتھے ونڈ نہ پیندی کانی
فجرے گونجے ددھ مدھانی
بن بھاڑے ددھ دیوے گاں
چل اوے چلیے اوس گراں

جتھے ہووے جی نوں جی
فرق ہووے نہ اُنّیی ویہہ
سی ہووے تے سب لئی سی
دھی ہووے تے سب لئی دھی
ماں ہووے تے سب دی ماں
چل اوے چلیے اوس گراں

کھلے ویہڑے منجیاں ڈائیے
وکھو وکھ نہ کندھاں پائیے
اکّو بھانڈے دے وچ کھائیے
ہسیے کھیڈیے نچیے گائیے
پا کے باہنواں دے وچ بانہہ
چل اوے چلیے اوس گراں

غوث قطب ابدال قلندر
ہوون سب اک دائرے اندر
اِکّو مسجد اِکّو مندر
اِکّو نبی اوتار پیغمبر
یا فر ہووے رب دا ناں
چل اوے چلیے اوس گراں

مٹھے کھوہ تے ٹھنڈی چھاں
چل اوے چلیے اوس گراں!
🖤