AEYN Cosmetics

” ڈیجیٹل لٹیروں کی نشانیاں “
ڈیجیٹل دنیا کے ایسے فراڈیے جوعوام کوڈیجیٹل چونا لگا کر پتلی گلی سے نکل لیتے ہیں۔
ان کی پہچان نہایت آسان ہے۔ سیانا بندہ انہیں دور سے پہچان لے گا مگر مسئلہ ہے کہ یہ فراڈیے سیانے بندے کے پاس جاتے ہی نہیں ہے ان کے لیے سادہ لوح عوام ہی کافی ہے جو ان کی چکنی چپڑی باتوں پر فورا ایمان لے آتی ہےحالانکہ ایسے فراڈیوں کی پوسٹس دور سے چیخ چیخ کر کہہ رہی ہوتی ہے کہ مجھ سے دور ہی رہنا کیونکہ میں ڈیجیٹل نوسر باز (Scammer) ہوں۔
ان فراڈیوں کے جال سے بچنے کےلیے ان کے طریقہ ہائے واردات ملاحظہ ہوں:
1. اگر کوئی ڈیجیٹل ڈاکو آپ سے کہے کہ آپ نے کچھ پیسے دے کر Ads دیکھنے ہیں یا ایڈز دوسرے گروپس میں پوسٹ کرنے ہیں تو رک جائیں اور اس کی باتوں میں ہرگز نہ آئیں کیونکہ وہ آپ سے فراڈ کر رہا ہوتا ہے۔
2. اسی طرح اگر کوئی آپ سے کسی ویب سائٹ پر انویسٹمنٹ کرنے کا کہتا ہے تو یہ بھی کنفرم فراڈیہ ہے لہذا بڑھتے قدموں کو روک لیجیے۔
3. اگر کوئی آپ کو مزید لوگوں کو جوڑ کر ٹیم بنانے کی بات کرتا ہے تو وہ بھی یقیناً فراڈ ہے ایسے میں آپ خود تو پھنس جائیں گے بلکہ اپنے ساتھ ساتھ دوسروں کو بھی لے ڈوبیں گے۔
4. اگر کوئی آپ کو کام دینے سے پہلے یا بعد میں کسی بھی طرح کی رجسٹریشن فیس مانگے تو سمجھ جائیں کہ یہ بھی آپ کو دھوکہ دینے والا ہے۔
اور ایسے فراڈیوں کے مشہور زمانہ پوسٹس بھی ملاحظہ فرمائیں۔
*مجھے چاہئیں ایسے سٹوڈنٹس جو پڑھائی کے ساتھ آن لائن ارننگ کرنا چاہتے ہیں۔
* مجھے چاہئیں گھر کے اندر رہ کر پیسے کمانے والی فیملیز ۔۔
* اگر آپ کے پاس انڈرائیڈ موبائل ہے تو آپ ماہانہ لاکھوں کما سکتے ہیں۔
* ایسی ایپ جس سے گھر بیٹھے روزانہ 2ہزار روپے کمائیں۔۔
یعنی کام نہ ہونے کے برابر مگر رقم بہت موٹی دینے کو تیار ہیں۔۔
کیوں بھلا۔۔۔؟
یہ حاتم طائی یا ایلون مسک کے مامے ہیں یا آپ اس دنیا کے آخری تنگ دست انسان ہیں جس پر ان کو ترس آ گیا ہے۔
ہرگز ایسا نہیں ہے۔
یہ آپ کو کام کم اور زیادہ پیسے کا لالچ دیں گے تاکہ آپ اچھی طرح پھنس جائیں اور پھر ہوتا کیا ہے کہ آپ لالچ میں آ جاتے ہیں اور یہ اپنا الو سیدھا کرکے نکل لیں گے آپ لوگ شارٹ کٹ کے چکر میں اپنی اصل رقم لٹا بیٹھیں گے لہذا اپنے دماغ کی بتی جلائیں اور ایسے فراڈیوں سے کوسوں دور رہیں ۔
یہ ڈیجیٹل دور کے عروج اور گوگل کا زمانہ ہے آج کل کے کوے بھی سیانے ہو گئے ہیں۔ وہ بھی پیاس بجھانے کے لیے گھڑے میں کنکریاں ڈالنے کرنے کے بجائے سیدھا پیسے اڑا کر کوک پینے چلے جاتے ہیں یاد رکھیں کہ کامیابی کا کوئی شارٹ کٹ نہیں ہوتا ہے ۔
جینوئن لرننگ کریں بہترین اور جدید ترین کورسز میں مہارت لیں محنتی اساتذہ سے شب و روز استفادہ کریں ۔

Welcome to "AEYN COSMETICS". here you can get some beneficial beauty products which enhance your beauty