kp wildlife update

اگر ایک ہی محکمہ میں کام کرنے والے ملازمین کے ساتھ ترقی، مراعات اور مواقع کے معاملے میں یکساں سلوک نہ ہو تو اس سے احساسِ محرومی جنم لیتا ہے۔

محکمہ جنگلی حیات کے فیلڈ اسٹاف برسوں سے مشکل حالات میں اپنی ذمہ داریاں نبھا رہے ہیں۔ ضرورت اس بات کی ہے کہ ترقی اور سروس اسٹرکچر کے معاملات میں شفافیت، انصاف اور میرٹ کو یقینی بنایا جائے تاکہ ہر ملازم اپنی محنت کا مناسب صلہ حاصل کر سکے۔

انصاف صرف ایک فرد کا حق نہیں بلکہ پورے ادارے کی مضبوطی کی بنیاد ہے۔

انصاف میں تاخیر کیوں۔
وائلڈ لائف واچر کو اسکا جائز سکیل عدالتی حکم کے باوجود کیوں نہیں دیا جا رہا؟؟؟؟

Forest KPK Wildlife Department Khyber Pakhtunkhwa Forestry Environment & Wildlife Department Khyber Pakhtunkhwa

Junaid khan – New Secretary Forest, Environment & Wildlife KP.

وزیراعلی خیبر پختونخوا محمد سہیل آفریدی کا غیر قانونی شکار کے خلاف بھرپور کریک ڈاؤن کا حکم
”غیر قانونی شکار اور جنگلی حیات کی تجارت میں ملوث افراد کو فورا گرفتار کر کے سخت قانونی کاروائی کی جائے، خیبر پختونخوا حکومت جنگلی حیات کے تحفظ کو بین الاقوامی معیار کے مطابق یقینی بنائے گی۔“ محمد سہیل آفریدی

🌿 وائلڈ لائف اور فارسٹ ملازمین کے درمیان سکیل ڈیسپریٹی کا خاتمہ — ایک تاریخی پیش رفت
پشاور ہائی کورٹ نے ایک اہم مقدمے میں وہ فیصلہ سنا دیا ہے جس کا وائلڈ لائف ڈیپارٹمنٹ کے ملازمین طویل عرصے سے انتظار کر رہے تھے۔ عدالت نے وائلڈ لائف اور فارسٹ ملازمین کے درمیان سکیل اور مراعات میں پائے جانے والے فرق (ڈیسپریٹی) کو ختم کرنے کے احکامات جاری کیے ہیں۔ یہ فیصلہ نہ صرف انصاف کی جیت ہے بلکہ اُن تمام محنت کشوں کے لیے حوصلہ افزا پیغام ہے جو قدرتی وسائل کے تحفظ میں دن رات کوشاں ہیں۔
کئی برسوں سے وائلڈ لائف ملازمین یہ مؤقف رکھتے تھے کہ اُن کی ذمہ داریاں، خطرات اور خدمات فارسٹ ملازمین کے ہم پلہ ہیں، مگر اس کے باوجود اُنہیں گریڈ اور مالی مراعات میں واضح فرق کا سامنا ہے۔ عدالت نے ان دلائل کو تسلیم کرتے ہوئے حکم دیا کہ وائلڈ لائف اسٹاف کو ان کی خدمات کے مطابق ایک گریڈ کا اضافہ دیا جائے تاکہ سکیل ڈیسپریٹی ختم کی جا سکے۔
یہ فیصلہ خیبرپختونخوا حکومت کے لیے بھی ایک پیغام ہے کہ قدرتی وسائل کی حفاظت میں شامل تمام محکموں کے ساتھ برابری اور انصاف کے اصولوں پر عمل کیا جائے۔ وائلڈ لائف کے اہلکار دن رات جنگلات، پہاڑوں، اور خطرناک علاقوں میں نایاب جانوروں کے تحفظ کے لیے جانفشانی سے کام کرتے ہیں۔ ان کی قربانیوں اور خدمات کا اعتراف کرنا دراصل ماحول اور حیاتیاتی تنوع کے تحفظ کا اعتراف ہے۔
اگر حکومت اس فیصلے پر فوری عمل درآمد کرتی ہے تو یہ نہ صرف وائلڈ لائف محکمے کے ملازمین کا دیرینہ مطالبہ پورا کرے گا بلکہ دیگر محکموں کے لیے بھی ایک مثال قائم کرے گا کہ انصاف تاخیر سے سہی، مگر ہوتا ضرور ہے۔