Jawad Ali Al-Burhani

قرآن کے مطابق اللہ کے ذکر کا انداز!

اہل سنت و جماعت پوری دنیا میں عرب ہو ،ترکی ہو ، چچنیہ ہو، سوڈان ہو یا افریکا ہو اللہ کا ذکر ایسے ہی کھڑے ہو کر اور جھوم جھوم کر کرتے ہیں جیسا کہ صحابہ کرام رضوان اللہ علیہم اجمعین کا بھی انداز تھا اور اسی انداز کا حکم اور تذکرہ قرآن اور حدیث میں ہے.

اللہ نے صحابہ کرام رضوان اللہ علیہم اجمعین کو قرآن کریم میں حکم دیا کہ "جب تم لوگ نماز سے فارغ ہو جاؤ تو اللہ کا ذکر کرو کھڑے ہو کر، بیٹھ کر اور لیٹ کر" (النساء 103)

اور اسی طرح اللہ سبحانہ و تعالی نے صحابہ کرام کے ذکر کے انداز کے بارے میں قرآن کریم میں فرمایا ہے کہ "وہ لوگ جو اللہ کا ذکر کرتے ہیں کھڑے ہو کر، بیٹھ کر اور لیٹ کر" (آل عمران 191)

اور نبی کریم ﷺ نے فرمایا کہ "اللہ کا ذکر کرو اس کثرت سے کہ لوگ تمہیں دیوانہ کہیں" (مسند احمد)

اور سیدنا علی کرم اللہ وجہہ فرماتے ہیں کہ "میں نے اصحاب رسول اللہ ﷺ کی علامات میں سے دیکھا کہ جب وہ ذکر اللہ کرتے تھے تو ایسے جھومتے تھے جیسے درخت ہوا میں جھومتے ہیں" (ابن کثیر البدایۃ و النھایۃ)

اہل بیت رسول ﷺ کے روحانی سلسلہ طریقہ برھانیہ میں بھی اللہ کا ذکر قرآن و سنت کے مطابق اسی انداز میں کھڑے ہو کر اور بیٹھ کر اور جھوم جھوم کر کیا جاتا ہے جیسے صحابہ کرام رضوان اللہ علیہم اجمعین کیا کرتے تھے.