Hassan writes

جمعہ المبارک

آئینے میں ہر اِک ادا کو دیکھ کر کہتے ہیں وہ
آج یہ دیکھیں گے ہم کس کس کی ہے آئی ہوئی

السلام علیکم صبح بخیر

خود بہ خود ایسے وہ شعروں میں اتر آتا ہے
جیسے مالک بنا دستک دئے گھر آتا ہے

یہ ضروری نہیں ہو گھر کا پتہ تو آئے
اس کو بن آئے بھی آنے کا ہنر آتا ہے

دل سے اٹھ جاتی ہے ہر شے کی محبت اس دم
جب محبت کے کوئی زیرِ اثر آتا ہے

مجھ کو معلوم نہیں آپ کی صورت کیا ہے
مجھ کو ہر شخص میں وہ شخص نظر آتا ہے

میں چھپاتا ہوں بہت نام مگر کیا کیجے
ایک چہرہ میرے لفظوں میں ابھر آتا ہے

لازماً ماں نے مری یاد کیا ہو گا مجھے
ورنہ صحرا میں بھلا سبز شجر آتا ہے

کس کی بن سکتی ہے خود سوچو بھلا اس دل سے
جو بھی کہتا ہوں الٹ اُس کا یہ کر آتا ہے

دوست آساں نہیں برسوں کی ریاضت ہے کہ اب
بہ خوشی سوگ منانے کا ہنر آتا ہے

ہے یہ احساس غلط راہ نکل آیا ہوں
ایسے رستے میں مگر موڑ کدھر آتا ہے

یہ جو انسان ہے خود غرضی میں کم ظرفی میں
جانے کتنوں کو اکیلا ہی بسر آتا ہے

آج پھرتا ہے جو اس شہر میں ہنستا بستا
کل کے اخبار میں وہ بن کے خبر آتا ہے

کیا عجب ہم پہ بھی کچھ دن کو بہار آ جائے
اس کی قربت میں تو پت جھڑ بھی نکھر آتا ہے

یونہی صحرا کا رویہ نہیں روکھا مجھ سے
اس کی دانست میں مجنوں ہی ادھر آتا ہے

جب بھی محفل میں گیا خود کو دغا دینے کو
دو گھڑی میں ہی یہ دل مجھ سے مکر آتا ہے

وہ جو ہنستا ہؤا آتا ہے گلی سے اس کی
اس کو دیکھے بنا شاید وہ گزر آتا ہے

اپنی مرضی یہاں رکھتا نہیں کوئی ابرک
اٹھ کے چل دیتا ہے جب حکمِ سفر آتا ہے

خاک سمجھے گی تری بات یہ دنیا ابرک
تم کو کہنے کا سلیقہ ہی کدھر آتا ہے

اتباف ابرک

وہ تو خوش بو ہے ہواؤں میں بکھر جائے گا
مسئلہ پھول کا ہے پھول کدھر جائے گا

ہم تو سمجھے تھے کہ اک زخم ہے بھر جائے گا
کیا خبر تھی کہ رگ جاں میں اتر جائے گا

وہ ہواؤں کی طرح خانہ بجاں پھرتا ہے
ایک جھونکا ہے جو آئے گا گزر جائے گا

وہ جب آئے گا تو پھر اس کی رفاقت کے لیے
موسم گل مرے آنگن میں ٹھہر جائے گا

آخرش وہ بھی کہیں ریت پہ بیٹھی ہوگی
تیرا یہ پیار بھی دریا ہے اتر جائے گا

مجھ کو تہذیب کے برزخ کا بنایا وارث
جرم یہ بھی مرے اجداد کے سر جائے گا

پروین شاکر

‏کُچھ یہ بھی هے کہ موسمِ عِشق اب نہیں رها
کُچھ هم بھی تھک گئے تِیرے دَر پر کھڑے کھڑے

اس کے نزدیک غم ترک وفا کچھ بھی نہیں
مطمئن ایسا ہے وہ جیسے ہوا کچھ بھی نہیں

اب تو ہاتھوں سے لکیریں بھی مٹی جاتی ہیں
اس کو کھو کر تو مرے پاس رہا کچھ بھی نہیں

چار دن رہ گئے میلے میں مگر اب کے بھی
اس نے آنے کے لیے خط میں لکھا کچھ بھی نہیں

کل بچھڑنا ہے تو پھر عہد وفا سوچ کے باندھ
ابھی آغاز محبت ہے گیا کچھ بھی نہیں

میں تو اس واسطے چپ ہوں کہ تماشا نہ بنے
تو سمجھتا ہے مجھے تجھ سے گلا کچھ بھی نہیں

اے شمارؔ آنکھیں اسی طرح بچھائے رکھنا
جانے کس وقت وہ آ جائے پتا کچھ بھی نہیں

اختر شمار

تم اگر مصروف زمانہ ہو
ہم بھی راہ میں پڑے تھوڑی ہیں

Welcome to our page