DDMA Kharmang ,Baltistan

NDMA Flood & Landslide Warning | Protect Yourself During Heavy Rains The National Disaster Management Authority (NDMA) has issued a Floo...

عوامی انتباہ

محکمہ موسمیات کے مطابق آج منٹھونالہ اور نالہ طورغن کے علاقے میں شدید بارش کا امکان ہے، جس کے باعث نالوں میں اچانک طغیانی آ سکتی ہے۔

تمام ہوٹل مالکان، سیاحوں اور مقامی شہریوں سے گزارش ہے کہ اپنی اور دوسروں کی حفاظت کو یقینی بنائیں۔ براہِ کرم کسی بھی نالے، دریا، خطرناک مقامات یا لینڈ سلائیڈنگ کے خدشے والے علاقوں کی طرف نہ جائیں اور نہ ہی کسی کو جانے دیں۔

والدین اپنے بچوں پر خصوصی نظر رکھیں، جبکہ ہوٹل مالکان اپنے مہمانوں کو بھی اس صورتحال سے آگاہ کریں۔ کسی بھی ہنگامی صورتِ حال میں متعلقہ انتظامیہ کی ہدایات پر عمل کریں۔

آپ کی احتیاط، آپ کی حفاظت۔

نالہ احمد آباد کھرمنگ میں ڈی ڈی ایم کی جانب سے ایکسویٹر کے ذریعے صفائی کا کام جاری ہے۔
اس اقدام کا مقصد نالے میں جمع مٹی، پتھروں اور کچرے کو ہٹانا ہے۔
صفائی سے پانی کے بہاؤ میں بہتری آئے گی اور رکاوٹیں دور ہوں گی۔
یہ کام ممکنہ سیلاب کے خطرات کو کم کرنے کے لیے کیا جا رہا ہے۔
بروقت اقدامات سے قریبی آبادیوں کو نقصان سے بچایا جا سکتا ہے۔
لوگوں کی جان و مال کی حفاظت اس مہم کا بنیادی مقصد ہے۔
مقامی انتظامیہ اور متعلقہ ادارے اس کام میں بھرپور حصہ لے رہے ہیں۔
عوام کو بھی ہدایت دی گئی ہے کہ وہ نالوں میں کچرا پھینکنے سے گریز کریں۔

ڈپٹی کمشنر /چیئرمین ڈی ڈی ایم اے کھرمنگ معراج عالم صاحب کے حکم پر آج مادھوپور کھرمنگ میں آتشزدگی سے متاثرہ خاندانوں کو فوری طور پر کمبل /رضائی /ٹینٹ/اور دیگر ضروری سامان تقسیم کیاگیا۔

آج مادھوپور کھرمنگ میں گھروں کو آگ لگنے کا واقعہ پیش آیا۔ مختلف علاقوں سے آنے والے لوگوں، ضلعی انتظامیہ، ریسکیو 1122 اور مقامی فلاحی تنظیموں کی مشترکہ کوششوں سے تقریباً 5 سے 6 گھنٹے کی جدوجہد کے بعد آگ پر قابو پا لیا گیا۔