رحيق Rahiq

قلنا الفحوصات ما بتثبت شي، طيب السؤال الان
كيف أميز عسل الحمضيات الطبيعي؟
حواسك، مش أي اختبار تاني

اللون: دهبي فاتح، أفتح من السدر بكتير. أضعف علامة، لأنه المغشوش ممكن لونه يعملوا مثل الدهب

الريحة: هون بتبدأ تعرف، زهر الليمون واضح لما تفتح المرطبان أول مرة، مين شمّ شجرة حمضيات مزهّرة بيعرفها فوراً.

الطعم: حلاوة خفيفة مش ثقيلة، وبتضلّ بحلقك لمسة حامضة بعد ما تبلع، هاي اللمسة أصعب شي يتقلّد.

التبلور: بيضلّ سايل شهور، ولما يتبلور بيتبلور ناعم مثل السمنة مش خشن، لأنه الفركتوز فيه أعلى من الجلوكوز.

عندك مرطبان بالبيت ومش متأكد منه؟ افتحه وشمّه؟ أو تفضل وزورنا لنقيمه لك

رحيق من عائلة شركة سمور للنحل ومنتجاته
للاستفسار وحجز كيلو، أرسل لنا رسالة على واتساب او عبر التواصل المباشر 0595509780
غزة — النصر، غرب جامعة القدس المفتوحة

5 فحوصات بيتية للعسل

وكلها ما بتثبت شي

1. حطيته بالمي وما ذاب يعني أصلي؟ لا ما بيعني شي
2. المي والإصبع: الاتنين بيقيسوا اللزوجة، وشراب السكر المكثّف بينزل ككتلة أحسن من العسل الأصلي
3. عود الكبريت: بيقيس الرطوبة، عسل سليم برطوبة ١٩٪ ما بيشتعل، وشراب مجفّف بالمصنع بيشتعل من أول مرة
4. اليود: بيكشف النشا، وغش اليوم شراب رز وقمح - ما فيه ذرة نشا، بيطلع سليم حتى لو المرطبان نصّه شراب
5. التبلور: ظاهرة فيزيائية بحتة، في عسل بيتبلور بشهور وفي بيضلّ سايل سنين، وكلها طبيعية

اللي بيكشف الغش فعلاً مطياف نظائر بمختبر، وحتى هو بيمسك نوع واحد من الشراب مش كلهم،
الاتحاد الأوروبي فحص ٣٢٠ شحنة عسل على حدوده، ٤٦٪ منها طلعت مشكوك فيها، بمختبراتهم، مش بمطبخ
فشو بيضلّ للزبون؟
مش الفحص بل الاسم

سمور اللي اسمه على المرطبان، بيعرف تماماً إنه بغزة لو غشّ مرة بتضيع سمعته.
ولأنه واثق من عسله، بيعطيك 7 أيام ضمان.
اكتبلنا في التعليقات وبصراحة: أي فحص فيهم كنت مصدّقه؟

رحيق من عائلة شركة سمور للنحل ومنتجاته

غزة النصر غرب جامعة القدس المفتوحة
تواصل مباشر 0595509780