nurse.ibraheem

Look at me ,,
The eyes...
The eyes are never the mirore of the mind ,
they are the miror of the soal , the are the mirore of the heart & never the mirore of the brain ..

And about what we do on hospitals ,
its just assessment.

Something to release your tension .

عارف مين ده يلي في الصورة 👇👇
احزر ؟
مش عارف .
انا اقلك مين .. مهواا انا موجود ليش 😎

فعليآ فعلياآ لو اجيت وحسبتها انا وياك كدة على جنب من غير ما حداا يسمعنا ده يلي في الصورة بيطلع انت .
انا
😯😦
ايوه انت .
انتظر عزيزي المتابع ارجع ازكرك هوا انا موجود ليه .. انا افهمك يا عزيزي المتابع .

الجهاز العضلي موجود مشان تتحرك انت (انت يلي تحت فالصورة )
الجهاز المناعي مشان حمايتك انت ( تنساش انو انت يلي تحت فالصورة )
القلب موجود مشان تعيش انت ( مش رح افكرك انو انت يلي تحت ف الصورة 😅)
وقيس كداا على باقي الاجهزة ..مثلا الغدد في جميع انحاء جسمك يلي بحفزها انت (الجهاز العصبي ) على حسب حاجتك انت .

مشان كدة اي حداا بسالك من ماذا تتكون انت احيكلو من حبة خلايا دماغية وحبة احبال شوكية .
بمزح ... احكيلو كبشة كبيرة من هدول ومن هدول .🤓
واذا جاوبك ب لاء , اعملو اشارة ف هاد المنشور او شير . 😎.

دي مشكلة التعليم النظامي ( ال systemic ) يلي بتفصل في الاجزاء وما بتتذكر ابداا كيف هاي الاجزاء مترابطة او حتى تخليلك فرصة لحتى تنظر للموضوع من منظور اخر .

الكل دائما اكبر من مجموع الاجزاء .
فكرة وحبيت اوصلهلكم .
#دمتم .
#فكرة #متابع #صحة #تعلم #غزة #فلسطين #شارك

One thing I could do it that would make us a very close friends and I made you wait me to do it , but I did the opposite of it even it didn't need too much effort ,it was just like a hand move 😆..why ..?!
Bcz I love challenges and you started the challenge deep inside you and i don't accept the less I always love the more and more...
And please, please don't be poor, pathetic and stupid , please challenge me , show your best at least to be my friend not my close friend because one close friend never told you, you are my friend and then put you behind him ,take over anything and everything even in the order of Sandwiches and never take your opinion in a very nondecisional things , one true friends always support one another, made concessions and concerns in the details that no one else can observe bcz he know you from inside ,know what are you think ,feels and worried ...
You start with others waiting me to follow you like a lot of others but i never follow the herd even in a football game even it was you who lead..
That is the simple hand move change all my thinking, all my close friends and definitely me & your life ...now we are adults and you are there and I am here...and of course Not being my close friend or at least my friend doesn't mean your are my anime at all .
If i did that maybe we can and maybe we can't ..who knows..!!
That really simple thing in my past life did a huge impact in my all decision and on my all life....

Hope you will find yourself and being the best in the things you do right now .
To M.O.

We all have a such simple things that no one else no about it except of ourself and you its deep inside us that changed our lifes ...
that is mine ..tell me yours ..
Trust me I will be not judgmental.
Use this hashtag 👇.

حبوب الجسم .. من الاشياء يلي ممكن تزعجنا خلال عملنا او حتى وقت راحتناا ، لكن المشكلة انو ممكن تحصل ف اي منطقة من الجسم لو كنت فعمر( ١٢ _١٩ )عام وكمان كتير اسباب ممكن تسبب ظهور هادي الحبوب و كتير شائع ظهورها ف منطقة الاكتاف والظهر ..
لهيك خلينا نعرف شو هي هاي الاسباب بوجه السرعة ..🤗..
اول شي : التغيرات الهرمونية يلي ممكن تصير ففترة المراهقة ويلي غالبا لتكون هي السبب المباشر لظهور الحبوب .
تاني شي : بعض الادوية يلي بتكون اعراضها الجانبية مسببة لظهور الحبوب واهم هاي الادوية مضادات الاكتئاب ( antidepressants) .
ثالث شي : ال stress . يلي ما في مرض ف ه الدنيا ما بكون من احد اسبابه الضغوطات النفسية ...
رابع شي : رداسات علمية اثبتت انو نظام الاكل وبعض العوامل الوراثية فيها تكون عامل مسبب للظهور الحبوب . ..
هلقيت وبعد معرفناا بعض الاسباب الشائعة يلي ممكن تحص معنا جميعاا خلينا نعرف كيف نحل مشكلة ظهورهاا ..👇👇
** غالباا حل هاي المشكلة ما بحتاج تدخل طبي وكل يلي بتحتاجو فقط لبعض التوجيهات يلي فيك تعملها ف البيت لحتى تتخلص منها ..
وهين اهمهاا ::
١. الاستحمام بعد العمل مباشرة .
٢. استخدام مقشرات الجلد ، يلي بتحتوي على حمص السالسيلك لحتى نتخلص من ( dead skin ) الجلد الميت .
٣. اردتاء ملابس تكون واسعة وماصة للعرق وبالخص اثناء العمل تو الرياضة .
٤. زيت شجرة الشاي . كتير من المستحضرات للعناية بالجلد بتحتوي على هاد الزيت لهيك لازم تتاكد انو يكون هاد الزين مكون لاي كريم رح تشتريه .
٥. الشعر وبالاخص للفتيات: لازم يتم ربطة للاعلى ، وكمان لما يتم غسل الشعر من الشامبو او الكريمات ضروري ما تخلي الكريمات او الشامبو تصل منطقة الظهر اثناء غسله ( عقد الشعر للامام وغسله ).
٦. الاكل الصحي : مع انو صعب جدا حدا يفسر كيف الاكل بياثر ولكن بتبقى القاعدة المشهورة ..( you are what you eat ?) كتير دراسات اثبتت انو الاطعمة العالية ب ( glycemic index ) ممكن تكون سبب في تدهور هاي الحبوب ..مثل الخبز الابيض ، الرز ، البطاطا . .
في الناهية متل ما حكيت ف البداية 😅 حبوب الظهر غالبا ما بتحتاج لادوية او تدخل جراحي او طبي .ولكن في حال كانت الحبوب كبيرة او جربت هاي الخطوات وما زبطت معك وقتها فقط فيك تتوجه لطبيب اخصائي جلد dermatologist لحتى يعمل الفحوصات الازمة والاجراءات ليساعدك على التخلص من هاي الحبوب . .
دمتم .

هل فعلا فحص ال PCR مقياس حقيقي للكشف عن فيروس كورونا ، وهل فعلاا انا ما رح كون مصاب لو طلعت النتيجة سلبي . Negative ؟! ..🧐🤨
خلينا نشوف ونعرف ...👇👇

اول شي .ال PCR اختصار لpolymerase chain reaction ( تفاعل حلقة البوليميرز) .
هاد الفحص بيكشف عن ال RNA يلي بيطوره الفايروس ليساعده ف التكاثر.. طبعاا الفايروس بيتكاثر داخل خلايا الجسم الحية وبيستخدم المادة الوراثية الخاصة فيها لحتى يكون الخصائص الجينية الخاصة فيه ويكون فايروسات جديدة ..لكن ..
ليش مع كل رسالة بيكتبو نتيجة السلبي لا تعني بالضرورة انك غير مصاب بالفيروس ..مع انو سلبي ..يعني الفحص ما بصلح ابدا للكشف عن الفايروس 🧐؟! .
هلقيت اوضحلك ..👇👇
لكل فحص او اختبار مخبري بكون اله حاجه اسمها ال sensitivity وال specificity .
١.الsensitivity : قدرة الفحص على اثبات الحالات المرضية.
٢. الspecificity : قدرة الفحص على نفي الحالات الغير مريضة .
وهاد الشي بخلينا نتفرع لشي اسمه الfalse negative يلي معناها الحالات المرضية يلي طلع فحصهم سلبي ولكن هاد الفحص خاطئ وف الحقيقة هو مصاب ..
وعلى حسب الدراسات العلمية وجدو انو نسبة الfalse negative لهاد الفحص (PCR) هي 30% يعني لكل مئة فحص نتيجته سلبي هناك ثلاثين نتيجة فحص خاطئة يعني هدول الثلاثين فعليا مصابين ولكن الفحص مو قادر يكشفهم ..
طيب ي حكيم ..🤨🤨
هلقيت من كل مئة حالة بدو يطلع ٣٠ حالة مصابة وما حدا مكتشفهاا؟!
شو هاد خربت البلد هيك ..؟!🧐.لا ما خربت البلد ولا شي ..تبع معي ..
فحص ال. PCR يعتبر رخيص وسريع وفينا نعملو لاكبر عدد ممكن من الدولة وكمان فينا نوفره للدول يلي مستواها الاقتصادي متدني .
ومع هيك في فحص تاني بنستخدمه للكشف عن الاجسام المضادة يلي كونها الجسم لحتى يقاوم هاد الفايروس..بنسميه ال( antibody test )..هاد الفحص بنعملو مشان نشوف هل انت طورت اجسام مصادة للفيروس ام لاء وهاد طبعا يعني انو تم شفائك من المرض ..فينا نعملهاا على المئة شخص ونشوف مين فعليا تم شفائه ومين لسا مريض من غير ما تظهر عليه الاعراض ، يعني هيك بنكون قللنا عدد الحالات يلي هيه false negative .🙂..
ف النهاية ..لاتنسو ابدا تلبسو الكمامة 😉 .
دمتم ...


#كورنا #صحة

اذا كنت ناصح او نحيف لازم جدا تقراأ هاد المنشور..
اول شي اذا كنت فاهم القواعد الاساسية لاي شي فيك تتفرع بباكتر من طريقة لكن لازم تكون ضمن هذه القواعد ..لهيك خلينا نعرف شو هاي القواعد ونوضحهاا ....
١. السعرات الحرارية : ضروري تعرف قديش انت بتستهلك من السعرات الحرارية وكمان قديش انت بتحتاج من السعرات الحرارية وبائاً عليها بتقدر تحدد السعرات الحرارية يلي بتلزمك يعني اذا كنت حابب تنصح لازم تقلل السعرات الحرارية والعكس ...وهين لازم اوضح شي يلي هوا اغلبنا ما بيقرأ المعلومات الصحية يلي على علبة الغذاء وقديش فيها سعرات وهاد الشي بخليناا نستهلك سعرات حرارية اضافية من غير ما نكون ملاحظينها ابداا.
٢. موضوع الكربوهيدرات : مافي نظام غذائي سواء لزيادة الوزن او نقصانه بيخلى من موضوع الكربوهيدرات ، لما نقلل الكربوهيدرات مستويات الجوع مباشرة رح تقل وبالتالي بطريقة غير مباشرة رح تقلل عدد السعرات الحرارية اللازمة ، وكان فائدة للتقليل من الكربوهيدرات انو بقلل الانسولين ف الدم وبالتالي رح يساعد الكلية على التخلص من السوائل الزائدة ف الجسم ، لهيك انك تقلل الكربوهيدرات بشكل كبير ممكن يسبب بانقاص وزنك لاكثر من ٤ كيلو خلال اول اسبوع فقط .
لكن هل الشخص النحيف لازم يزود الكربوهيدرات ف نظامه الغذائي ؟!
انه يزود الكربوهيدرات بشكل مفرط لااء ولكن تكون موجودة ف النظام الغذائي فهاد الشي ضروري جداا ولكن يفضل تناول الكربوهيدرات المعقدة يلي موجودة ف الحبوب الكاملة ، الخبز ، البقوليات .ونقلل من السكريات البسيطة .
٣. الرياضة : اي نظام غذائي بتشكله او مختص غذائي يوصفه الك خالي من الرياضة فهاد نظام فاشل جدا جدا سواء لزيادة الوزن او انقاص الوزن . الرياضة بتحافظ على قوامك وبتثبت وزنك اما لو ما مارست الرياضة مع النظام الغذائي رح تلاقي انو بتنقص وزن بصعوبة وانك تحافظ على الوزن اصعب واصعب ولكن لو مارست الرياضة رح تلاقي الامور اسهل واريح وانظم ، لكن هل نفس التمارين بتكون لزيادة الوزن او انقاص الوزن ؟؟!
طبعاا لاا... لو كنت حابب تنقص وزنك لازم تركز على التمارين يلي بتحرق السعرات الحرارية مثل رياضة الركض او قفز الحبل ..اما لو كنت حابب تزود من وزنك فلازم تمارس رياضة بناء الجسم ( body building ) مثل تمارين الضغط وتمارين الارجل .

٤. تناول البروتين ، الدهون ،و الخضروات : وركز معي هين انا قلت الخضروات مو الكربوهيدرات لانو الخضروات بتحتوي على كربوهيدرات قليلة وهي المطلوبة ، لازم كل وجبة تحتوي على هاي العناصر الثلاتة يلي هي بروتين ودهون وخضروات وما يكون فيه مصدر اساسي للكربوهيدرات، اما بالنسبة للدهون اياك تتناول الدهون اللحمية دائما الجأ للزيوت النباتية هي افضل بشكل كبير وكمان فيك تتناول ثلاث وجبات ف اليوم على هاد النظام وهاد الشي رح ينقص وزنك من ٢٠ _٥٠ جرام كل يوم .
🧐🤨طيب انتَ ليش كاتب البروتين والدهون مهم جدا لانقاص الوزن ؟! هلقيت اخبرك ..؟! 👇👇
لانو تناول الاغذية الغنية بالبروتين او الدهون بتساهم بشكل كبير لتخليك حاسس بالشبع لفترات اطول بكتير ورح تقلل عدد الوجبات الخفيفة (snack) واهمها الوجبات الخفيفة يلي بتصير ف الليل ، وهاد الشي بخليك تتماسك بشكل اكبر ف نظام الدايت يلي انت ماشيه عليه .
طيب شو بالنسبة للاشخاص يلي عندهم نحافة ؟!
غالبا مشكلة الاشخاص يلي عندهم نحافة بتكون ف شعورهم بالجوع بتكون قليلة حداا وكمان العمليات الحيوية ف الجسم بتكون بشكل اسرع لهيك بحتاجوو لسعرات حرارية بشكل اكبر من العادي .
لهيك ضروري جدا نتناول من ٣الى ٥ وجبات كاملة يوميا غنية بشكل كبير بالبروتينات والدهون والكربوهيدرات ، وما نعتمد بشكل كبير على حاسة الجوع عندهم ، لازم تاكل الوجبات بشكل منظم حتى لو مو حاسس بالجوع .
٥. السوائل : القهوة والشاي هدول بساهمو بحرق السعرات الحرارية ولكن ما بدنا ننسا عصائر الفواكه الطبيعية يلي غنية بفيتامينات ومعادن بتحمينا من نقصانهاا ولا تروحو لبعيد ..الماء ي جماعة الماء يساعد بشكل كبير على حرق السعرات الحرارية وكمان نقطة مهمة في كل مرة بتحسو فيها ف الجوع بين الوجبات الاساسية فيكو تشربو هاي السوائل لتساعد ف الشعور بالشبع ....
هلقيت رح اعطيكم بعض التوجيهات المهمة ...
١. حالياا ومع تطور العلم في مراكز متقدمة فيها تحدد الك نظام غذائي متكامل بنائاً على الشيفرة الوراثية الخاصة فيك ...وهاد الشي يخلينا ننتبه لانو كل شخص بيستجيب لنظام غذائي غير عن الشخص الاخر لهيك ابدا ما تمشي على نظام شخص اخر حتى لو هوا استجاب معو .
٢. الرجيم ابدا مو حرمان من الاكل ولكن عبارة نظام غذائي منظم .
٣. وجبة الفطور اساسية جداا لكل نظام غذائي .ابداا مو لازم تفوتهاا ...
هادي معظم القواعد العامة يلي لازم تكون ف بالك دائما لحتى تكون نظام متكامل لوحدك ومن غير مساعدة احد .
رح اعمل ستوري مثبت لبعض الاغذية والتمارين يلي لازم تتناولها وفيكو تطورو منها يلي يرحكم ويتناسب معكم .

دمتم🤗🙂.

اذا كنت حابب تحسب طولك الشبابي يلي هوا اقصى طول بيصل الو الانسان ..او حابب تعرف طول ابنك لما يصير بعمر العشرينات ..تبع معي الله يخليك ..😊👇👇

العوامل الوراثية هي العامل الرئيسي يلي بتحدد طولك ف المستقبل وكيفية زيادة طولك على فترات عمرك ..لهيك بنحتاج معادلة تربط هاد الشي مع الواقع ..
المعادلة بسيطة جداا وهي كالتالي ...😉👇👇

١. طول الاب(سم) + طول الام(سم) .
٢. نقسم الطول على ٢ .
٣. نضيف على الناتج ١٣ سم اذا كان ولد ، بنطرح ١٣سم اذا كان بنت .
شفتوو بسيطة جداا 😃.
احسبوهاا وخبروناا 😀.
الله يطولكم ...دمتم 😀.
#صحة #جمال #حلول #معلومات

خلينا نطرق لموضوع بخص النساء اكثر ..خلينا نعرفكو على شي اسمو تكيس المبايض ..
وهل ممكن العلاج منه وهل هو فعلياً سرطان ،طيب شو هي اعراضه ، وانواعه !! .نيجي وحدة وحدة ...😉
اول شي شو هوا تكيس المبايض ..؟!
تكيس المبايض عبارة عن اكياس مملوئة إما بسائل او بتكون صلبة بتكون موجودة على سطح المبيض او داخل المبيض نفسه .

**
مع انو موجود انواع كثيرة لتكيس المبايض الا انو في نوعين مشهورات يلي بيندرجو تحت اسم ال functional cyats يعني التكيس الوظيفي ..وهماا
١. Follicle cyst : ( التكيس الجُريبي ) : معروف انو البويضة بتكون موجودة ف جريب صغير بتتغذى وتنضج فيه لحتى ما يتم افرازهاا خلال نهاية ال٢٨ يوم .احيانا هاد الجريب ما بيطلق البويضة وبتبقى البويضة داخل الجريب مكونة التكيس . واحياناً ما بكون الو اي اعراض وكمان بيتم الشفاء منو خلال شهر لثلاثة اشهر .
٢. Corpus luteum cyst : ( تكيس الجسيم الاصفر ) : ف الطبيعي لما يتم اخراج البويضة من الجريب هاد الجريب يتقلص ويتحول لجسم اصبر صغير ..ولكن ف حال لم يتم التقلص وتم تسكير مكان خروج البويضة هين يمتلئ الجسيم بالسوائل مكوناً التكلس وغالبا بيتم التخلص منه تلقائيا خلال اسابيع من غير تدخل طبي . ..وملاحظة مهمة تكلس الجسيم الاصفر ممكن يستمر تعبئته
بالسوائل ليصل حجمه ٤ انشات وممكن تسبب نزيف والم ..
""** غالبا هدول الانواع بتكون حميدة يعني مو سرطان ابدا وكمان كل الانواع الاخرى نادرة الحدوث بتكون حميدة ايضاً.
.طيب تمام هلقيت خلينا نعرف شو شو اعراض تكيس المبيض ..!؟
١. الالم ... يلي ممكن يكون ف كتير مناطق منهاا البطن ، الحوض ،اسفل الظهر ، الم قبل وخلال الدورة الشهرية ..وكمان ممكن يصير الم ف الثدي .
٢ . الغثيان والتقيؤ .
٣. نمو الشعر على الصدر والوجه والفخذين بشكل سريع وغير طبيعي .
٤. ظهور حب الشباب بكثرة .
٥. بقع داكنة وسماكة في الجلد خاصةً في الرقبة والابطين.
**
لاحظو معي على الاعراض فوق رح تلاحظو انها اعراض شبابية مثل حب الشباب ، ظهور الشعر ، وسماكة الجلد وهاد دليل على انو الهرمنات الذكورية( الاندروجين ) عند المرآة المصابة اكثر من الهرمنات الانثوية (الاستروجين ) وهاد الشي يعتبر [ السبب ] الرئيسي لهاد المرض .
.هلقيت عرفناا السبب والانواع والعراض هلقيت خلينا نعرف كيف بيتك الكشف عنوو..
١. ظهور الاعراض يلي ذكرتهم فوق .
٢. التحاليل المخبرية لحتى نثبت انو الهرمونات الذكرية عالية ف الدم .ولحتى نثبت انك ايضا مو حامل .
٣. الموجات فوق الصوتية ( ultrasound ) .
٤. ممكن نستخدم التصوير المقطعي المحوسب ( CT_scan )

** غالباا ..ولانو التكيس ممكن يتم الشفاء منو تلقائيا خلال اسابيع او اشهر رح يحتاج الطبيب للموجات فوق الصوتية بشكل مستمر ومتتابع من غير اي علاج لحتى نشوف حجم وشكل التكيس وهل هوا سرطان ام لا وهل رح يحتاج عملية جراحية ام لاء .

** العلاج...قبل ما نفوت ف العلاج بشكل مفصل ..في مفهوم خاطئ عند اغلب الناس يلي هوا انو المرأة المصابة بالتكيس ما فيها تحمل تاني ولكن هاد المفهوم خاطئ جدا ..وفي حالة التزمت المراة بطرق العلاج بشكل جدي وحذر ف الغالب رح يتم الشفاء منو من غير مضاعفات اخرى .

هلقيت نفوت بطرق العلاج ...
١. موانع الحمل الهرمونية. مثل حبوب التحكم ف الحمل ، وكمان ممكن يوصف الدكتور ادوية لتحفيز البويضات وبعدها بفترة رح يحتاج يعمل تصوير للبويضات .
٢. نظام غذائي مع ممارسة الرياضة لانقاص الوزن للحجم الصحي والمثالي ..هين لازم المرأة تبعد عن الاطعمة الغالية بالكربوهيدرات .
٣ . عملية ( كي المبيض ): اما عن طريق منظار ( laparoscopy ) لو كان التكيس صغير او اثبتنا انو مو سرطان ..... او عن طريق عملية جراحية (laparotomy) في حال كان التكيس كبير او تم اثبات انو سرطاني ...
دمتم .

في حدا فيكو تسآل لو للحظة ليش غرفة العمليات دئماً بتكون باردة ..!!؟؟؟
الجواب بسيط جداا....
لانو بنحط المكيف ( التدفئة المركزية ) على درجة حرارة منخفضة 😅🤣😂..
بمزح بمزح هههه.
تعو لاخبركوو 🙃👇👇..

اول شي ..☝
معروف جداا انو غرفة العمليات مزودة بإضاءة خاصة غير اضاءة السقف ويلي هي اضاءة سرير العمليات الخاص.. واحيانا الجراح بيحتاج لاضاءة اخرى ..لكشاف متنقل للحصول على اضاءة افضل ..
كل هاي الاضاءة فيها تزود درجة الحرارة للجراح والفريق ككل وبالتالي رح تسبب تعرق وارهاق ..

** كمان الفريق بيلبس قفازات ، كمامات ،رداء معقم ، غطاء للشعر ،غطار للراس بشكل كامل ،ونظارات وقائية واحيانا بيلبسو واقي رصاصي للحماية من الاشعة وكمان مابدنا ننسى ساعات العمل الطويلة يلي بتحتاج لقدرة بدنية وذهنية باستمرار كل هاي الامور فيها ترفع حرارة الجسم وتسبب ارهاق وتعب وتعرق..لكل الفريق ف غرفة العمليات .

تاني شي ..✌
السبب الوقائي ..يلي هوا انو انخفاض درجة الحرارة رح يحمي المريض من العدوى ..معروف انو البكتيريا بتتكاثر في درجة حرارة الغرفة ..لهيك لو تم تخفيض درجة الحرارة رح يتم تثبيط نمو البكتيريا وهيك بنكون حميناا المريض من العدوى .

** الا انو كتير دراسات بترجح السبب الاول على السبب التاني ..
مستندة على التالي ..
انو انخفاض درجة الحرارة للجسم بتسبب تضيق للاوعية الدموية وبالتالي بتقلل الدم الواصل للانسجة بشكل عام ( وهاد يلي بنشوفه من شحوب ف الوجه في الطقس البارد ) ولمكان العملية بشكل خاص ..وبالتالي رح يزود احتمالية الاصابة بالعدوى بشكل كبير جداا،
في بعض العمليات الخاصة يلي بتحتاج لدرجة حرارة منخفضة متل عمليات القلب المفتوح ..درجة الحرارة الخاصة بالمريض بيتم قياسهاا بشكل دوري خلال العملية ومشان نحمي المريض من فقدان الحرارة بشكل كبير فيناا نستخدم غطاء معقم ونغطي فيه المريض .
دمتم .
.

ُالولادة من اكتر الأمور يلي بتفرحنا وطبعاا الام بتكون فرحتها الاكبر بيناا..
بس احيانا بتدخل الام بشي بنسميه ال postpartum depression.
يعني اكتئاب ما بعد الولادة.. فشو يعني اكتئاب ما بعد الةلادة وكم مدته وكيف فينا نعالجو وكمان شو دور الاهل والاصدقاء والام نفسها ف العلاج.؟!؟!؟! 🤔🤔

اكتئاب ما بعد الولادة بعرض الام لافكار ومشاعر بتخليها ماا تتعامل مع طفلها او زوجها او نفسها بشكل جيد...

ماا تتعامل مع نفسها بشكل جيد شو معناة ه الكلام..؟🤔
معناتو انو الام بسبب هادي الافكار والمشاعر رح يصير عندها بعض المشاكل يلي اهمها :
1. القلق و التوتر يلي ممكن يوصل لدرجة البكاء.
2. فقدان شهية وهاد الشي رح ياثر عليها وعلى المولود لانو غالبا الام بتكون مرضعة بعض الولادة.
3. الارق : قلة نوم بشكل كبير بسبب التفكير الزائد.
4. الهيجان وسرعة التعصب من ابسط الامور.
طيب تمام هلقيت قديش ممكن يستمر الاكتئاب...؟!
غالبا بتكون مدة الاكتئاب اسبوعين فقط ولكن ممكن تستمر لمدة اشهر اذا ما كان العلاج بدا خلال اول اسبوعين او العلاج غير مجدي.

طيب طيب هوا اصلا ف الاساس ليش بصير مع الام الاكتئاب مع انو كل ام بتحب يكون عندها طفل تربيه على ايديهاا ويناديها ماما؟؟..

غالبا الاكتئاب ما بصير من سبب واحد مع انو احتمالية حدوث اكتئاب عند المرأة هوا حالة واحدة بين كل عشرة حالات الا انو ممكن يكون فيه بعض الاسباب يلي ممكن تزود احتمالية حدوثه مثل :
١. انو يكون تعرضت الام او احد من افراد هائلتها لاكتئاب قبل هيك.
2. انو تكون الام تعرضت لضغوطات نفسية كبيرة خلال فترة قصيرة.
3. حدوث الحمل والولادة رشكل غير متوقع ومن غير اي جهوزية.
4. عدم مساندة الزوج لزوجته في ابسط امورها.
5. انو يكون الام فقدت امها وهي صغيرة.
وهين لازم انوه على شي مهم انو هدول الاسباب مو شرط انها تكون موجودة لحتى يصير عند. الام اكتئاب يعني ممكن يصير عندك اكتئاب " لا سمح الله" من غير ما يكون عندك اي سبب من هاي الاسباب..

طيب شو بالنسبة للهرمونات هل ممكن تاثر فالموضوع؟!.
الهرمونات يلي بقصد فيهن الاستروجين و البرجسترون يلي بتنخفض بشكل مباشر بعض ولادة الطفل.. هين رح احكيلكم انو.. لاء .. ما باثر انخفاض الهرمونات على نفسية المرأة ابداا.

طيب هلقيت العلاج...؟؟! 👇
غالبا الحالات فيها تتحسن من غير اي تتدخل خلال اسبوعين وفي بعض الحالات لمدة اشهر وهاد الشي رح يخلي الام في معاناه لمدة اطول وكمان رح يحرمها من تجربة الامومة الجديدة.. لهيك كل ما كان العلاج اسرع كل ما كان افضل..

اول شي : العلاج النفسي..
كتير من الناس او بالاخص من الاهالي ما بٱمنوا بالعلاج النفسي او بفكرو انو العلاج النفسي مو مفيد او انو رح يترك وصمة على بنتهم..
وهاد الشي خطأ تماما العلاج النفسي هوا الحل الاول لهيك حالات وغالبا لوحده بكون كافي ومو بس هيك الام يلي معرضة للاكتئاب فيها ترجع احسن من الاول وكمان احسن من يلي ما تعرضو للاكتئاب ف التعامل مع نفسها وفي تربية طفلها.
هين لازم انوه على شي مهم انو مقدم العلاج النفسي غالبا بتكون قابلة/ممرضة او دكتور.. واحنا ك اهل او اصدقاء فينا نقدم دعم نفسي للام غير يلي هي ممكن تقدمه لنفسها يلي تعتبر من اهم الطرق للعلاج النفسي.. مثل :
١. انو الام تحكي كل شي عن مخاوفها او بتشعر فيه سواء لزوجها او طبيبها النفسي.
٢. التقرب من العائلات الحديثي الولادة وربط علاقات معهم ومشاركة التجارب والخبرات.
٣. اهتمام الام بنفسها من جميع النواحي مثل الاكل وايضا ممارسة الرياضة مثل تمارين الاسترخاء او ممارسة اليوجا.
٤. الدعم النفسي من الاهل ويلي غالبا بكون لوحده كافي لو كان الاهل متعلمين ومتفهمين.
** نقطة مهمة لازم احكيهاا انو ما بعد الولادة مباشرة والاطمئنان على المولود طبياا دائما يفضل وضع الطفل على صدر امه وبالتالي ملاعبته وتقبيله من قبل الام هاد الشي رح يزيل كل تعب الحمل والاولادة ورح يحمينا من الاكتئاب وكمان رح يعزز شي بنسميه ال mother child bond يعني العلاقة ما بين الطفل والام يلي تعتبر من اقوى علاقة على سطح الارض لحتى الان.
تاني شي العلاج الدوائي.
في بعض الحالات الحادة ممكن نستخدم العلاج الدوائي يلي غالبا بكون ادوية مضادة للاكتئاب antdepressant medication. رح يوصفها طبيبك الخاص وكمان نقطة مهمة بالنسبة لهادي الادوية.. انها ممكن تسبب دوخة و اعراض اخرى لهيك لازم تخبري الطبيب بكل عرض جديد حصل معك بعد تناول الادوية لحتى تقدرو تحددو الدواء الانسب الك.
**بالنسبة لكيفية التوجه للعلاج النفسي حاليا في فريق عمل رائع متخصص ف هاد الشي وموجود ف قطاع غزة لاي حدا لازمو هالشي باستطاعتو التواصل معي على رسائل الصفحة.

دمتم سالمين.

'** الصورة لرنين مغناطيسي لعالمة الاعصاب الامريكية ( ريبيكا واتسون) وهي تقبل طفلتهاا. فقبلتها احدثت تفاعلات كيميائية في مخ الطفل الذي افرز كمية كبيرة من هرمون #الاوكسيتوسين وهو هرمون الحب والعاطفة والتعلق بالشخص الاخر.