Jojoba - جوجوبا

خلينا نحكي شوية نصائح ومعلومات للتعامل مع الشمعة 🕯️

1. في شي بعلم الشموع إسمه ( ذاكرة الشمعة ) ومعناه انه الشمعة بتحتفظ بشكل الذوبان الأول اللي بتذوب فيه عند أول عملية إشعال للفتيل فبالتالي لازم نعطي الشمعة وقتها لتكون مساحة سطح الذوبان كافية لأنه المرات اللي بعدها بس نولعها رح تذوب بنفس الشكل الأول اللي ذابت فيه
2. شمعة الفنادق أو ما يعرف بشمعة الكاسة عمرها أطول من شمعة القالب أو الأشكال والسبب انه الشمع اللي بتذوب منها برجع بتجمع بنفس الكاسة فبنستفيد منه في المرات اللي بعدها
3. شمعة القالب ممكن يختلف شكلها في الذوبان من شخص لشخص ومش لازم تذوب مع الكل بنفس الشكل لأنه شكل الشعلة ممكن يفرق إذا مايلة أو مستقيمة وكمية الهوا بالمكان بتفرق في مكان الذوبان وتركيز الحرارة
4. الفتيل لازم يكون طولة ٢سم لحد أقصى لأنه كل ما زاد طول الفتيل بزداد الاحتراق وبخرج دخان وبالتالي بقصر عمر الشمعة
5. يفضل نطفي الشمعة بالطفاية الخاصة مش ننفخ عليها لأنه هالشي ممكن يسبب احتراق للفتيل أكثر ويأثر عالشعلة بالمرة اللي بعدها
6. من الأمور المهمة بعد ما نطفي الشمعة نغطس الفتيل في الشمع المذاب ونرجع نوقفه عشان ما تنكسر الشعلة بس تنشف لأنه بتكون متشبعة من رماد الاحتراق ف ممكن تنكسر ولكن إذا كانت غارقة بالشمع بتضل طرية وبالتالي بتزيد من عمر الشمعة
7. الشمعة في علم الطاقة بتسحب الطاقة السلبية من المكان لأنها طاقة نار فلذلك ممكن كثير تلاقي شكل ذوبان الشمعة مختلف بكل مرة بتشعلي فيها الشمعة وذلك حسب طاقة المكان
8. بالنسبة للشموع المعطرة لازم ليفوح العطر تتشعل قريب النص ساعة عالأقل لأنه العطر بفوح من الزيت المتطاير من الشمع المذاب مش من الشعلة نفسها فلازم تاخد وقتها لتتشكل مساحة مناسبة من الشمع المذاب
9. بتقدري تستفيدي من الشمع القوالب كديكور وتستبدلي الشمع العطري بالفوندون ( شموع الفواحات ) لتحصلي على رائحة أقوى ومدته أطول لأن العطر فيه بكون مركز
10. بتقدري لتسحبي رائحة الطبخ من مطبخك تولعي شمعة بالمطبخ ورائحة الطبيخ رح تخف لأنه رح تسحبها النار واستفيد منها في الاحتراق فبالتالي بدل ريحة البصل تكون ريحة شموع 😅
11. وهي أهم نقطة الشمع معروف عنه للاسترخاء فاستخدميه عزيزتي للأجواء الرايقة وخدي وقت خاص فيكِ من ضجة هالحياة وتدللي

🌲🕯

قال شووو !! حظرولي البث 🫤
بالكم صرت مشهورة لهدرجة 🤪
يا بنات احكولكم كلمة مع مارك، احكوله كُلنا أكم بنت سهرانين معها 😏

علي شُغل كتير وتجهيز أكتر من طلبية، ولحتى أجهز وأصور أختاج إلى كثير من الوقت 🥲
بفكر أفتح لايڤ أجهزها 🤔

🥹😁

Shell candle 🐚