Houssam Eddine Zeroual

🔚 نهاية موسم 2025-2026 💚

بعد موسم طويل دام تقريباً عام كامل، وصلنا لآخر محطة.

موسم كان فيه تحديات، لحظات زوينة، لحظات صعيبة، نجاحات وتعثرات… ولكن قبل كل شيء كان موسم مليء بالتعلم والتجارب اللي كتخليك تكبر مهنياً وإنسانياً.

كان عندي الشرف نكون جزء من فريق الرجاء الرياضي، ونخدم مع مختلف الفئات، من U23 حتى الفريق الأول، بالإضافة إلى فريق الفوتسال.

النتائج كانت مختلفة من فئة لفئة، ولكن الحاجة اللي بقات ثابتة هي الخدمة اليومية، الالتزام، والرغبة ديال الجميع باش يعطيو أفضل ما عندهم.

بغيت نشكر الطاقم الطبي كامل على الثقة، روح الفريق، والاحترافية اللي خدمنا بها طول الموسم. فخور بزاف أنني كنت جزء من هاد المجموعة، وكنآمن أن النجاح كيبدأ دائماً بخدمة جماعية وتواصل وثقة بين جميع أفراد الطاقم.

شكراً كذلك للاعبين، والأطقم التقنية، والإدارية، على الثقة والتعاون طوال هاد الموسم.

الحمد لله على كل تجربة، وعلى كل درس تعلمتو.

دابا وقت الراحة شوية… ومن بعد نرجعو بطموح أكبر، وإن شاء الله موسم جديد أحسن من اللي فات. 💚⚽

تجربة جديدة تزادت فالمسار ديالي 🇵🇹

شاركت فـ stage FIFA مع المنتخب U18 فـ tournoi ديال لشبونة، أسبوع كان عامر بالخدمة، التركيز وواحد الريتم عالي بزاف 🔥

لعبنا 3 ماتشات:
بداية ما كانتش سهلة بخسارة ضد البرتغال 3-1
ومن بعدها ردة فعل زوينة وربحنا أمريكا 2-1 🇺🇸
وكملناها برباح آخر ضد إيسلندا 2-1 🇮🇸

تجربة فيها تعلم كبير، خدمة يومية وأجواء ديال niveau عالي 👊

كنشكر بزاف ستاف على الثقة 🙏
وكذلك الشكر الكبير لفريق الرجاء على الدعم ديالو 🤍💚

فخور نكون جزء من هاد التجربة 🙏
وإن شاء الله الجاي يكون حسن 💪🔥