Abeer Sinder

مجموعة صغيرة من أشيائي المفضّلة من سندر وكل البراندات اللي حطّيت فيها قلبي ✨

اعتبروها دعوتكم الرسمية عشان تجرّبوا اختيارات عبير المفضّلة… لأني مستحيل أقدّم لكم منتج ما أستخدمه وأحبه وأؤمن فيه بنفسي 🤍

L O C K S ™️ Kali Beauty SNDR HAIR CARE

من اول يوم وإنتوا اكبر داعمين ليا، ومن يوم ما بدأت سندر وإنتوا معايا في كل خطوة… وعشان كذا كان مرة يهمني إنكم تكونوا اول ناس يعرفوا الخبر دا 💜

قررت اسوي إيفنت صغير وخاص مرة تتعرفو فيه على سندر و نحتفل فيه سوا بعيد ميلادي وبمناسبة اليوم الوطني 🇸🇦✨

العدد محدود لـ50 شخص بس، لأني ابغى نقضي وقت حلو وقريب مع بعض نتصور و نتكلم و ننبسط . و طبعا مجهزين لكم هدايا، مفاجآت، واشياء مرة حلوة! وكمان حيكون معانا ناس كلنا نحبهم و نتابعم دايما😍

ما شاء الله التذاكر قربت تخلص وما بقي عدد كبير! رابط الحجز موجود في البايو، وحتلاقوا تذاكر الإيفنت في بوتيك سندر هير 🎟️

احفظوا التاريخ: 22 سبتمبر 💜🇸🇦

اهم شيء… شكرًا لأنكم دايمًا معايا. وجودكم ودعمكم يعني لي أكثر مما تتخيلوا، ومتحمسة مرررة اشوفكم ونحتفل سوا! ✨

وصلني iPhone 18 Pro حرفيًا خلال 15 دقيقة بس مع Amazon Now! 🤯📱

ودحين تقدروا تطلبوا iPhone 18 Pro وPro Max، وكمان أحدث إصدارات Apple زي Apple Watch Series 12 وApple Watch Ultra 4 وAirPods 5، وتوصلكم حرفيًا خلال 15 دقيقة بس!

وبما إن Amazon موزّع معتمد من Apple، فأصالة المنتجات مضمونة ✅
ولو عندكم بطاقة Amazon الائتمانية، تحصلوا على كاش باك إضافي 6%!

الكميات محدودة، والخدمة متوفرة في مناطق مختارة في دبي، أبوظبي والرياض

دخلت الـ ٣٤ 🎂🎉…

السنة دي عيد ميلادي احساسو مختلف… مو قاعدة اتمني اصير إنسانة جديدة، انا قاعدة أحتفل بالمرأة اللي تعبت كثير عشان أوصل لها.
الام، الزوجة، الحالمة، سيدة الأعمال… ولسّه بداخلي البنت اللي كل يوم تتعلم، تتطوّر، وتختار نفسها أكثر.

أدخل عامي الـ34 وانا أنعم، أقوى، أوعى، وممتنة أكثر من أي وقت فات. ممتنة لكل درس، لكل نعمة، ولكل نسخة مني ساعدتني اوصل لهنا… وممتنة لكم لأنكم كبرتوا معايا وعشتوا معايا فصول كثيرة من حياتي.

لسنة مليانة أحلام أكبر، مفاجآت حلوة، ونسخة مني تشبهني أكثر ومن غير اعتذار.

كل عام وأنا بخير ♥️✨
19.09 🎉✨

كثير مننا كبرو كدا صح؟

ما كنت فعلًا أعرف شعري. كنت أعرف كيف أفرده، كيف أخليه مرتب، كيف أخليه بالشكل اللي تعودت عليه… لكن ما كنت أعرف طبيعته الحقيقية، ولا أفهم احتياجاته، ولا أعرف كيف أتعامل معاه زي ما هو

ما كان في أحد يعلّمنا عن طبيعة شعرنا، عن الترطيب، عن الانكماش، عن الجفاف، عن النفشة، عن الكيرلز والكويلز… ولا كيف ممكن شعرنا الطبيعي يكون جميل جدًا لما نبطل نحاربه ونبدأ نفهمه ونحبه.

كل ما كبرت، علاقتي بشعري بدأت تتغير.

بدأت أتعلمه.
أجرب.
أغلط.
أكتشف إيش يناسبني وإيش لا.
وأهم شيء… بدأت أحب شعري مثل ما هو.

وقتها استوعبت إن شعري مو شيء لازم “أسيطر عليه” أو أخفيه أو أغيره طول الوقت… هو جزء مني، جزء من هويتي، ويستحق العناية والحب والفخر.

ومن هنا بدأت فكرة SNDR.

SNDR بالنسبة لي عمره ما كان مجرد بزنس أو منتجات على رف.

هو جزء من قصتي.
جزء من رحلة طويلة مع نفسي وشعري وهويتي.

كنت أبغى أصنع منتجات تخلي رحلة العناية بالشعر الكيرلي، الكينكي، الويفي والجاف أسهل وأجمل. منتجات تخليكم تستمتعو بشعركم بدل ما تحسو إن العناية فيها عبء أو معركة يومية.

ومع الوقت، صرت أم… وصار عندي أطفالي، وهنا أخذ الحلم معنى أكبر بكثير.

SNDR KIDS انولد من أطفالي.

من إني أشوف شعرهم وأفكر: أبغاهم يكبروا وهم فاهمين شعرهم من البداية. أبغاهم يعرفوا كيف يعتنوا فيه، وكيف يحبوه، وكيف يكون عندهم ارتباط حلو وصحي مع شكلهم الطبيعي.

ما أبغاهم يحتاجوا سنو

بمناسبة عيد ميلادي الـ34… مسويالكم خصم 34% على منتجات SNDR! 🥳💜

قلت لازم تنبسطوا وتحتفلوا معايا، ودي لسه أول مفاجأة لكم! 👀✨

وإذا شعرك كيرلي، كينكي، ويفي أو جاف… سندر حتصير منتجاتك المفضلة ! ابغاكي تدلّعي شعرك وتلاحظي الفرق بنفسك 😍 ( الرابط فالبايو 🤫)

أحبكم مرررة! 💜🎂

من اخت لأختها : لا تستني الظروف تجبرك تبدأي ..♥️
خلي دايما عندك شي يخصك.. مو خوفا من المستقبل.. حبا و احتراما لنفسك