Eman Gamal

ازاى تستخدمي مادة الـ Azelaic Acid بطريقة صحيحة عشان تاخدى منه افضل نتيجة؟؟
الـ Azelaic Acid من أفضل المواد للبشرة الحساسة وآثار الحبوب والاحمرار…بس استخدامه بطريقة غلط ممكن يسبب تهيج أو يخلي النتيجة أبطأ 👌

في الفيديو شرحت:✨ الترتيب الصحيح لاستخدام Azelaic Acid وازاي تبدأي بيه لو أول مرة تستخدميه

احفظي الفيديو عشان ترجعي له وقت ما تبدأي تستخدمينه 💙وابعتيه لصحبتك اللى بشرتها حساسة ومحتارة تبتدى تستخدمه إزاي


بشرة حساسة، بشرة وردية، حب الشباب، اثار حب الشباب، اثار حبوب حمراء، اثار حبوب بنية، بشرة حساسة، ترطيب البشرة، مرطب البشرة، ازيليك اسيد ، سكينورين، ازاديرم

مادة واحدة بس… كانت سبب في بشرتها من بشرة باهتة وفيها حبوب لبشرة صافية بتلمع وفيها نضارة

والغريب إنها من أكتر المواد الفعالة اللي ناس كتير لسه مش مقدّرة أهميتها!

الـ Azelaic Acid مش بس للحبوب… ده من المواد اللي فعلًا ممكن تفرق في شكل البشرة وملمسها وآثارها بشكل كبير جدًا 👌

بس استخدامه الصح هو اللي بيحدد النتيجة اكتبيلى في الكومنتات لو مش عارفة طريقة الاستخدام 💙 وطبعا متنسيش تعملى فولو عشان تتابعى باقى الفيديوهات
والأهم؟
للأمانة النتيجة دي ما كانتش بسببه لوحده 👀
هى قالت ان فى مادة تانية هى استخدمتها وفرقت جدا فى نضارة بشرتها هنتكلم عنها ان شاء الله في فيديو تانى 🤍


نضارة البشرة، بشرة صافية، لمعان البشرة، ترطيب البشرة، عناية بالبشرة، حب الشباب، علاج حب الشباب، بهتان البشرة

نستخدم ايه لترطيب تحت العين واحنا بنستخدم كريم الريتينول لأننا لو مرطبناش للاسف الجفاف والخطوط تحت العين هتزيد

بالنسبة لى مش شرط نجيب كريم مخصص لترطيب تحت العين ممكن نستخدم كريم الترطيب لبشرتنا شرط يكون خفيف ومفهوش عطور وده المفروض نعمله سواء بنستخدم ريتينول او لا👌

لو عندك اى سؤال عن استخدام كريمات الريتينول/ الريتينال للعين اكتبهولى فى الكومنتات ❤️

#ريتينول
كريم العين بالريتينول، ريتينال، كريم الريتينال سول ، k_secret ,

لو بتصحى كل يوم شعرك جاف وهايش … يمكن المشكلة مش في المنتجات 👀

بالنسبة لى كنت بتضايق اوى لما أصحى من النوم الاقى شعرى هايش ، وكنت فاكرة الحل انى أغير منتجات الشعر اللى بستخدمها او انى اشترى منتجات أكتر…
لحد ما غيّرت حاجة بسيطة جدًا: كيس المخدة

كيس المخدة القطن بيمتص رطوبة الشعر، ومع الاحتكاك طول الليل بيزود الهيشان والتقصف
لكن لما استخدمت ساتان/حرير، لاحظت إن شعري بقى أنعم ومحتفظ برطوبته الصبح ✨

خطوة بسيطة… بس فعلاً فرقت معايا

جربيها بنفسك، وقوليلي لاحظتي فرق ولا لأ؟ 👀👇


هيشان السعر، جفاف الشعر ، عناية بالشعر، تقصف الشعر، روتين العناية بالشعر. شعر صحي، شعر ناعم

ترند جديد لتنضيف وتقشير البشرة تعالو نشوف مفيد ولا نسيبنا منه😃

استخدام فرشاة الأسنان مع الغسول لتنظيف وتقشير البشرة نفس فكرة فرشة تنضيف البشرة ممكن يسبب تهيج، تحسس، ويضعف حاجز البشرة مع التكرار. وطبعا مش مناسب أبدا للاستخدام اليومي

تنظيف البشرة الصح مش محتاج اكتر من غسول مناسب وأيدينا وشرحت قبل كده ازاى ننضف بشرتنا صح♥️

بشرتك محتاجة عناية صح… مش تجارب.

شوفتي الترند ده قبل كده؟ قوليلي رأيك في الكومنتات 💬
وتابعيني لنصايح اكتر عن العناية بالبشرة وتصحيح ترندات السكين كير🥰

فرشاة تنضيف البشرة، تنضيف الوجه، تنضيف بشرة ، غسول الوجه، تقشير البشرة، تنظيف البشرة، حاجز البشرة

إزاي نختار المواد الفعالة المناسبة لمشاكل بشرتنا؟ 🤍

لو بتشتري منتجات عناية بالبشرة كتير ومش شايفة أي نتيجة، ممكن المشكلة ما تكونش في المنتج نفسه… ممكن تكوني بتستخدمي مكونات مش مناسبة لاحتياجات بشرتك.

قبل ما تشتري أي منتج جديد، اسألي نفسك:
هل بشرتي فعلًا محتاجة المنتج ده؟
هل المادة الفعالة فيه هتعالج المشكلة اللي عندي؟

في الفيديو شرحت أهم المواد الفعالة للعناية بالبشرة اللي بتساعد في علاج أشهر مشاكل البشرة زي:
✨ المسام الواسعة
✨ التصبغات وآثار الحبوب
✨ التجاعيد والخطوط الرفيعة
✨ الحبوب تحت الجلد
✨ الوردية والاحمرار

ممكن كمان تستفيدي من المنتجات الموجودة عندك بالفعل لو عرفتي تختاريها صح 👌

ولو عايزة تتعلمي أكتر عن العناية بالبشرة والشعر، وتعرفي أفضل المنتجات وطريقة استخدامها الصحيحة، اعملي فولو

مسام واسعة، حبوب تحت الجلد ، رؤوس بيضاء. تصبغات البشرة، تصبغات بنية، وردية ، احمرار الجلد، ريتينول ، تجاعيد الوجه، اثار حبوب بنية ، اثار حب الشباب، عناية بالبشرة

طريقة استخدام كريم العين مهمة جدًا، لأن التطبيق الغلط ممكن يسبب جفاف، تهيج، ويخلّي الخطوط تحت العين تبان أكتر بدل ما تتحسن.

في الفيديو وضحت الطريقة الصحيحة لاستخدام كريم العين بالريتينول / الريتينال عشان تستفيدي من المنتج وتتفادي أي تجاعيد أو خطوط تحت العين 👌

✨اهم حاجة:
✔️ استخدمي كمية صغيرة جدًا
✔️ نطبقه على عظمة العين وليس تحت الرموش مباشرة
✔️ نطبقه بالطبطبة بلطف بدون فرك
✔️ لازم معاه ترطيب
✔️ ندخله الروتين بالتدريج

الكريم اللي استخدمته في الفيديو يحتوي على Retinal، ودي مادة أقوى من الريتينول بحوالي 11 مرة في التأثير وأسرع في النتائج، عشان كده:
⚠️ مش مناسب للمبتدئين وطبعا ممنوع اثناء الحمل

لو استخدمتى كريم العين بطريقة صحيحة هيساعد فى تحسين الخطوط والتجاعيد وطبعا التخلص من الهالات💡 .

تابعيني لو عايزة تعرفي الطريقة الصح لاستخدام منتجات العناية بالبشرة بدون أخطاء 🤍

#ريتينول #ريتينال #الهالات

بتسرحي شعرك وهو مبلول ممكن يكون ده سبب انه بيتقطع وبيتساقط.

الشعر وهو مبلول بيكون أضعف وأكثر عرضة للشد والتقطيع، وعشان كده تسريحه بعنف أو من فوق لتحت ممكن يسبب تقصف وهيشان مع الوقت.

الصح؟
✨ ابدئي من الأطراف وفكي التشابك تدريجيًا لفوق
✨ استخدمي مشط واسع الأسنان أو فرشة مناسبة
✨ لو شعرك بيتشابك بسهولة، استخدمي leave-in أو سبراي فك تشابك
✨ وجففيه شوية قبل التسريح

فرق بسيط في الطريقة… لكن بيحافظ على طول الشعر وصحته جدًا.

قوليلي بقى… كنتي بتسرحي شعرك صح ولا لا؟

تسريح الشعر ، تجفيف الشعر، عناية بالشعر، شعر صحي، تساقط الشعر، جفاف الشعر، هيشان الشعر ، غسل الشعر، شعر مبلول

روتين البشرة الوردية او الحساسة
وده الروتين اللي بمشي عليه عشان اهدي بشرتى وقت ما تكون مجهدة او متحسسة من كترة استخدام المواد الفعالة

المنتجات اللى استخدمتها في الفيديو:

✅micellar water sensibio H2O
✅cleansing foaming gel from .saudi

✅Azelaic acid 10% serum

✅moisturizer lunik Centella relief sorbet cream
✅345 relief cream .althea_ar
✅sensibio forte .saudi

✅dark spot correcting glow serum

مهم الروتين يكون بسيط مفهوش مواد فعالة تزود من الالتهابات ❤️وطبعا مهم نتجنب الاسباب اللي بتحفز وبتزود الوردية اللي ذكرتها الفيديو اللي فات
الروتين مناسب للبشرة الدهنية الحساسة

#وردية

احمرار بشرتك المستمر ممكن ما يكونش بشرة حساسة… ممكن يكون وردية

الوردية حالة بتسبب احمرار مستمر فى الوجه مع إحساس بالسخونة أو الحرقان، وأحيانًا حبوب صغيرة تشبه حب الشباب.
المشكلة إنها بتزيد مع عوامل كتير زى الشمس، الحرارة، التوتر، المشروبات الساخنة وحتى البرودة الشديدة.

اللى مهم تعرفيه إن احمرار الوجه مش الشكل الوحيد للوردية، لأن ليها أكتر من نوع… وكل ما يتم تشخيصها بدري، بيكون أسهل نهدّي الالتهاب ونسيطر عليها.

فى الحالات دى، الروتين البسيط واللطيف على البشرة بيكون هو الأفضل، وتجنب المنتجات القوية أو المهيّجة خطوة أساسية.

لو حابة أنزل روتين مناسب للبشرة المعرضة للوردية، اكتبي لى فى الكومنتات 👇
والفيديو هدفه التوعية فقط — ولو الأعراض عندك مستمرة، استشارة طبيب الجلدية بتكون ضرورية.
#وردية #بشرة
وردية، بلاشر طبيعي، بشرة حساسة، روتين للبشرة الحساسة، تحسس الجلد، عناية بالبشرة، ترطيب البشرة

“لو كل عيد بتتفاجئي بحبوب او ببشرة باهتة… غالبًا بتعملي واحدة من الغلطات دي:

1️⃣النوم بالميكب
معظمنا في العيد بيحط ميكب وبنقضي وقت طويل برا البيت، فالميكب مع العرق والدهون وحتى واقي الشمس بيتراكموا على بشرتنا ويسببوا انسداد المسام وحبوب.
عشان كده أول ما ترجعي البيت لازم تعملي double cleansing، يعني تزيلي الميكب الأول بميسيلار ووتر أو cleansing oil، وبعده غسول مناسب.
عشان نضمن أن بشرتنا والمسام نضفوا كويس

2️⃣الاعتماد على الميكب واهمال الروتين
لو اعتمادك بس على الميكب وبتنسي تعملى اى روتين متزعليش لما تلاقي بشرتك جافه وباهتة لان بشرتك محتاجة روتين حتى لو بسيط.
غسول + مرطب كفاية جدًا، والترطيب مهم يعوض الجفاف اللي بيحصل من الميكب والتعرض للشمس والعرق طول اليوم.

3️⃣السكريات الكتير
عارفة إن العيد حلويات وخروجات واكل من بره وطبعا مش هينفع اقولك نمنع ده، بس حاولي يكون في توازن.
كلي أكلك الطبيعى الأول وبعدها قطعة حلويات، حاولى يكون فى وجبة صحية ولو واحدة فى اليوم ، وافتكرى دايما ان السكريات بتزود افراز الدهون وده سبب قوى للحبوب

الخلاصة:
نظفي بشرتك كويس، ما تهمليش الروتين، وخلي الأكل باعتدال… وبشرتك هتفضل هادية طول العيد ❤️❤️

قوليلي بقي بتعملى اى غلطة فيهم؟؟

عيد الفطر، عيد سعيد، احتفالات العيد، حبوب الشباب، حبوب الوجه ، عناية بالبشرة، ، بشرة صافية، بشرة صحية، بشرة باهتة، حب الشباب