Diet_Maker 2020

الكيتو دايت
كلامنا النهارده عن نظام الكيتو
ايه هو🤔 وينفع اعمله وايه مخاطره؟!!!
زي مافي لبس موضه كمان الدايت اصبح موضه وبقينا نقلد بعض فيه من غير منفهم انا ياترى ده مناسب ليا او اللي انا بعمله ده صح ؟😔
ومن ضمن الانظمه الغذائيه المتبعه لتخفيض الوزن الكيتو دايت واصبح منتشر وليه صفحات خاصه بيه وكمان مطاعم خاصه بيه بتقدم وجباته .
الكيتو ببساطه ان هغير طبيعه جسمي من انه يعتمد على الكارب كمصدر للطاقه اللي بيستخدمها ويستخدم مكانها الكيتونات
مفهمتش انت بتقولي ايه ؟🤔
بالراحه كده ربنا خلقنا بنعتمد على الكاربوهيدرات كمصدر اساسي للطاقه وبناخدها من العيش والرز والفواكه والخضار والالبان والجسم بيبتدي يحولها الي جلوكوز ويستفيد منها ولكن في انظمه الكيتو بنمنع كل الاكل ده تماما وبنعتمد على الدهون والبروتينات بشكل كامل وبكده بنحول جسمنا يحرق الدهون
شيفاكي يالي ابتسمتي وقولتي ده حلو اوووي دا انا هحرق الدهون😈
بس ركزي شويه كده انت هتحرقي دهون بس هتتحرمي من حاجات كتير اوووي وعناصر غذائيه مهمه صح ولا ايه .
يعني ايه معملوش ولا اعمله 🙄؟!!
الكيتو بنلجاله في حالات معينه وهو اتعمل اساسا لمرضى الصرع والمصابين بمشاكل ماثره على المخ والزهايمر وحالات معينه بنقابلها في الدايت
الدكتور بيدخله للمريض وبيلاحظه وبيبقى شايفه ومتابعه وبيعوض جسمه بالعناصر اللي هتنقص ومتابع حالته الصحيه وبيعرف امتى يخرجه منه .
بلاش من نفسنا نجيب نظام ونمشي عليه علشان نمشي على موضه الدايت
ليه اعرف نفسي من الدايت المتوازن الجميل اللي فيه كل حاجه ربنا خلقها
هل هقدر اخلي حياتي ماشيه كلها بنظام الكيتو
نسال ونستشير قبل مندخل نفسنا في اي حاجه .
خسوا بصحه وامان ❤❤
دمتم بخير 😍

سؤال النهارده ؟
احسب ازاي وزني المثالي ؟🤔🤔
في اكتر من طريقه ومقياس بنحدد بيهم **
المقياس الاول :-
اول طريقه بسهوله وهنعملها بالبيت بمعادله حسابيه بسيطه جدا هناخد الوزن ونقسمه على مربع الطول بالمتر
يعني ايه مش فاهمه
ناخد مثال صغير لو وزنك ٧٠ وطولك مثلا ١٦٥ سم هنقسم ٧٠ ÷ (١.٦٥× ١.٦٥) = ٢٥.٧
طيب ايه الرقم اللي طلع ده
ده معدل كتله الجسم حسب المقياس العالمي والطبيعي تطلع النسبه بين ١٨.٥ الي ٢٤.٥ ودي النسبه المثاليه.
اذا المثال اللي ادناه فوق صاحبته محتاجه تخس شويه علشان توصل معدل كتله جسمها للمثالي .
المقياس التاني:-
المقاسات
لازم نفهم ان كل جسم ليه طبيعه لتوزيع الدهون بتختلف من شخص للتاني علشان كده مهم جدا ناخد مقاسات الجسم وخاصه اثناء فتره النزول بالوزن
الميزان مش المقياس الوحيد للنزول لازم نفهم كده كويس
المقاسات بناخدها من منطقه الدراع والفخد والوسط ومنطقه الحوض ودوران الصدر .
المقياس الثالث:-
زي مااحنا شايفين في الصوره بالبوست
شكل جسمي وتوزيع الدهون فيه بيختلف من سيده الي اخرى
اذا مينفعش افضل اخسر وزن وانا بخس جامد من فوق بس او من منطقه الارداف بس لازم يبقى فيه تناسق وعاده بيبقى للجسم منطقه تجمع للدهون وبترجع للوراثه فبتحتاج نوقف دايت وننزلها بالاجهزه الموضعيه زي الكرايو والليبوليزوالحقن الموضعي زي الميزوثيرابي.
وممكن بسهوله جدا اجهزه حديثه زي ميزان inbody بيطلعلك وزنك ونسبه الدهون والعضلات والمياه ولكن معظم الاجهزه مش دقيقه اووووي لازم ليها معيار معين علشان تطلعلك النسب صحيحه .
دي بعض الطرق يارب اكون افدتكم ❤

سؤال النهارده كلنا بنساله لنفسنا
ياترى انا محتاجه انزل وزني ولا لاء وياترى لو بدات دايت يبقى التارجت بتاعي ايه ؟؟!
لو بصينا للصوره هنلاقي خمس سيدات وكلهن عندهم نفس الوزن هل الشكل واحد!!!!!!
هل كلهم محتاجين ينزلوا وزنهم زي بعض ؟!
اكيد الجواب لا وهنا نبقى وصلنا لمعلومه مهمه جدا الوزن غير كاف ابدا لتحديد هدفي.
علشان اعرف وزني المثالي ويكون عندي مقاييس صح
في اكتر من معيار هنقيس بيه سواء كنا بالبيت او عند الدكتور هنزلكم الطريقه البوست الجاي
تابعونااااااا❤❤❤

وزنك زاد 😱
القعده غيرت شكل جسمك💔
محتاره تبدائي ازاي او منين والدايت بالنسبه ليكي فكره صعبه 🙄😭
دا كان زماااان دلوقتي تقدري تعملي النظام الخاص بيكي لوحدك !!!!!!!!
لوحدي ازاي يعني ؟🤔
ايوه خاص بيكي بيتصمم على نوع الاكل اللي بتحبيه واسلوب حياتك وظروفك وبطريقه سهله جدا وصحيه وده لانك هتابعي مع دكتوره متخصصه هتوجهك وتساعدك خطوه بخطوه
كل اللي عليكي تتواصلي معانا اون لاين واحنا هنساعدك
متردديش احجزي وابدأي معانا 🏃‍♀️