The Right Bite with DrNonna

كان يا ما كان…
في دكتورة اسمها نهى 😌

من كام سنة كانت بتقول:
"إبر التخسيس مش لعبة… ومش كل حد محتاجها، ومش كل جرعة ينفع نحددها لنفسنا وقالت على حالات انعدام الرؤية فى ظل ان ماكنش حد لفت نظر الناس ليه ."

وقالت كمان:
الاستخدام المفرط، أو من غير تقييم طبي ومتابعة، ممكن يحول دواء مفيد لبعض المرضى إلى مشكلة حقيقية عند مرضى آخرين.

وقتها محدش كان مهتم أوي…
وبعد كام سنة؟ 👀

بقى فيه ناس بتجيب الـ GLP-1 injections بنفسها،
وتحدد الجرعة بنفسها،
وتزوّد الجرعة عشان "الوزن ينزل أسرع" 🫣

جسمكم مش حقل تجارب يا جماعة! ✋🏻

خلينا نتكلم علميًا شوية…

أدوية زي Semaglutide / Tirzepatide أدوية فعالة ولها استخدامات طبية واضحة، لكن ده لا يعني إنها مناسبة لكل شخص ولا إن الجرعة تُحدد حسب تجارب الناس على السوشيال ميديا.

الـ FDA نفسها حذرت من مشاكل مرتبطة بأخطاء الجرعات، خصوصًا مع بعض الـ compounded GLP-1 products، وسُجلت حالات احتاجت لرعاية طبية أو دخول المستشفى نتيجة أخطاء في الجرعة.

وفيه كمان Warnings & Precautions لازم الطبيب يكون واخد باله منها، منها:

• Gastrointestinal adverse effects مثل nausea, vomiting, abdominal pain & constipation

• تأخير إفراغ المعدة Delayed gastric emptying

• مخاطر مرتبطة بالمرارة والبنكرياس

• Hypoglycemia خصوصًا مع بعض أدوية السكري

• ومضاعفات مرتبطة بـ Diabetic Retinopathy عند بعض مرضى السكري، خصوصًا مع التحسن السريع في مستوى السكر.

أما موضوع الغدة الدرقية، فالمعلومة المهمة إن الـ FDA تضع Boxed Warning بخصوص أورام خلايا C في الغدة الدرقية، والدواء ممنوع لمن لديهم تاريخ شخصي أو عائلي لـ Medullary Thyroid Carcinoma (MTC) أو MEN2. اللى ممكن بكل بساطه يكون ليه تاريخ عائلي وماتكشفش لاي سبب . اصلا امراض الغده الدرقيه نفسها يعتبر بالنسبه لباقي الامراض شئ حديث نسبيا .

والمعلومة دي تحديدًا لا تعني أن كل شخص يستخدم الـ GLP-1 سيصاب بسرطان الغدة؛ الخطر الموثق في التحذير مرتبط بما ظهر في الحيوانات، وما زالت أهميته لدى البشر غير محسومة.

يعني ببساطة…

الدواء مش وحش.
لكن استخدام الدواء غلط ممكن يكون وحش.

والأهم من إن الميزان ينزل بسرعة:
إننا نعرف مين محتاج الدواء، وليه، وبأي جرعة، وإمتى نزودها، وإمتى نوقفها، وإيه اللي محتاج متابعة.

فلو هتستخدم GLP-1…

استخدمه كـ MEDICATION
مش كـ TREND. 🫶🏻

ومتخليش تجربة شخص على TikTok أو Instagram تبقى الـ medical protocol بتاعك.

جسمك مش حقل تجارب.
والجرعة مش "كل ما زادت… كل ما نزلت أسرع". ✋🏻

هل توافقون الرأي؟

🍒 البربارين مش «سحر التخسيس»!

لو بتاكلي الزرشك/البرباريس المجفف وسمعتي إنه بيحرق الدهون وينزّل الوزن بسرعة… استني بس دانا شوفت فبوست تسويق ليه انه الحارق الجبار 👀

الحقيقة إن فيه فرق كبير بين:
🌿 ثمرة البرباريس المجففة Barberry
💊 ومكمل البربرين Berberine

البربرين مادة فعالة موجودة طبيعيًا في بعض النباتات، واتعملت عليها دراسات بجرعات وتركيزات محددة.

أما ثمرة البرباريس المجففة نفسها Barberry ، فكمية البربرين اللي فيها متغيرة ومش ثابتة، وبالتالي مش صح نقول إن «معلقة برباريس = جرعة بربرين» أو إنها هتدي نفس تأثير المكمل.

🍒 طيب نرميها؟
طبعًا لأ!

ممكن تدخل في نظام غذائي متوازن، وطعمها الحامض جميل جدًا مع السلطات والأكل، وبتحتوي على مركبات نباتية مفيدة.

لكن:
❌ مش حارق دهون
❌ مش بتفك مقاومة الإنسولين لوحدها
❌ مش هتخسس من غير عجز سعرات ونظام مناسب
❌ ومفيش كمية سحرية منها تنزّل الوزن

والأهم 👇🏻
لو المنتج المجفف مضاف له سكر، فأنتِ ممكن تاكلي «فاكهة مجففة مُحلاة» وإنتِ فاكرة إنك بتاكلي حاجة للتخسيس 😅

الخلاصة:
🍒 البرباريس = غذاء ممكن يكون جزء من نظام صحي.
💊 البربرين = مركب فعال له استخدامات ودراسات مختلفة.
🔥 ولا واحد فيهم «سحر التخسيس» اصلا يعني 🫣.

ابعتِي البوست لحد كل ما يشوف البربارين المجفف يقول:
«ده بيخسس!» 😂

واوعى تكون فولور هنا وتسيب حد يسرح بيك👌💣


#البرباريس #الزرشك #البربرين #التخسيس

بتحسي إن جسمك مش متعاون معاكي؟ 🤍

تعب مستمر، انتفاخ، ثبات وزن، أو حتى صعوبة في التركيز...
أوقات كتير المشكلة مش في قوة إرادتك، لكن ممكن يكون جسمك بيعاني "التهابات مزمنة منخفضة الدرجة" .

اسحبي الصور واقريها كويس👇

لو حاسة إن الكلام ده بيوصفك.🩷

اكتبي في التعليقات "التهابات" 👇

وهبعتلك تفاصيل تحدي الـ30 يوم لتقليل الالتهابات، وخطوات عملية تساعدك تبدئي رحلة تهدئة جسمك وتحسين صحتك.

📌 ومتنسيش تعملي "شير" للبوست، يمكن يكون سبب في إن حد يلاقي إجابة كان بيدور عليها. 🩷

#التهابات #صحة

تعالوا نحكي شوية بعيد عن التغذية 🤗

أنا من الناس اللي بتحب تقرأ أوقات في علم النفس والطب النفسي، مش عشان أشخّص الناس 😅.. لكن عشان أفهم البشر أكتر.

وقابلني مصطلح استوقفني جدًا، لأني كنت بشوفه في الواقع كتير، لكن أول مرة أعرف إن ليه اسم وتوصيف نفسي.

Psychological Manipulation
أو التلاعب النفسي.

ومن الأساليب اللي اتكلموا عنها، حاجة اسمها Love Bombing أو Excessive Flattery.

ودي ببساطة إن الشخص يبالغ جدًا في مدحك وإظهار إعجابه بيك قدام الناس، لدرجة تخلي أي حد يشوفه يقول: "بص بيحبك وبيقدرك إزاي!"

لكن بينك وبينه...
الكلام غير الكلام.
التصرفات غير التصرفات.
وممكن يرمي كلمة او نظره او حتى حركة يحاول يكسرك أو يضايقك أو يقلل منك بشكل غير مباشر.

ولو جيت يوم تتكلم أو تشتكي...
تبقى إنت اللي غلطان!
"إزاي؟! ده طول عمره بيقول عليك أحسن كلام!"

طبعًا... مش كل حد بيمدح يبقى متلاعب نفسي، ومش من حقنا نحكم على نوايا الناس من موقف واحد.

لكن لما يبقى ده " أسلوب متكرر "، وفيه فرق كبير بين الصورة اللي بيصدرها قدام الناس، وبين معاملته الحقيقية ليك... ساعتها لازم تدق جرس إنذار.

للأسف الواحد بيقابل النوعية دي، والحمدلله ببقى فاهمة الشخصيات دي من تصرفاتها... لكن أول مرة أعرف إن السلوك ده ليه توصيف نفسي معروف.

وفي النهاية...
أسأل الله أن يرزقنا قلوبًا سليمة، ويكفينا شر الحقد، والحسد، ومرض القلوب. 🤍
قولولى قابلت الاشخاص دي فى حياتكم 🫣و لو حابين نعمل سلسلة فضفضه كده 🤗🤗

وماتنسوش ان 🥰🥰

بمناسبة تكرار الأخبار عن ظهور الكوبرا وحالات اللدغ في بعض مناطق محافظة الشرقية... 🐍

افتكرت موقف عمره سنين...

جدتي - رحمها الله - كانت دايمًا تردد جملة بسيطة:

"الشيح في البيت مليح."🌿

وفي يوم سألتها: ليه يا تيتة؟

ابتسمت وقالت إن زمان ، كانوا يغَلّوا الشيح ويمسحوا بيه الأرضيات، ويحطوا أغصانه عند مداخل البيوت، ويملوا بيه الشقوق والفتحات في الأرض، وكانوا بيعتقدوا إنه بيبعد الثعابين عن البيوت.

طبعا حالا بحثت : هل للكلام ده أساس علمي؟
انتم عارفين د. نونا مابنتكلمش الا بال evidence-based 👌🏻

الحقيقة أن نبات الشيح (Artemisia) يحتوي على زيوت عطرية ومركبات طيارة ذات رائحة نفاذة، وقد أثبتت بعض الدراسات أنها تساعد في طرد بعض الحشرات والآفات.

أما بالنسبة للثعابين، فهي تعتمد على التقاط الجزيئات الكيميائية الموجودة في الهواء والبيئة المحيطة بها، لذلك افترض بعض الباحثين أن الروائح القوية قد تجعل المكان أقل جذبًا لها.

لكن حتى الآن، لا يوجد دليل علمي قوي يؤكد أن الشيح يمنع دخول الثعابين أو يطردها بشكل مضمون.

قد يكون ما لاحظه أجدادنا ناتجًا عن استخدام الشيح مع الاهتمام بنظافة المكان، وسد الشقوق، وإزالة الحشائش ومكافحة القوارض، وهي إجراءات ثبت بالفعل أنها تقلل من وجود الثعابين.

لذلك...
🌿 نحترم الموروث الشعبي ونستفيد منه وممكن نطبقه ، لكن لا نعتمد عليه وحده عندما يتعلق الأمر بالسلامة.

إذا كنت تعيش في منطقة زراعية أو ظهر بها ثعابين مؤخرًا:
✔️ أغلق الشقوق والفتحات.
✔️ أزل الحشائش والمخلفات وأماكن اختباء القوارض.
✔️ لا تحاول الإمساك بأي ثعبان أو قتله.
✔️ وفي حالة اللدغ، توجّه فورًا لأقرب مستشفى، فسرعة الحصول على العلاج هي العامل الأهم في إنقاذ الحياة.

رحم الله جدتي 🩷

قد لا تكون كل نصائح الأجداد مثبتة بالأبحاث، لكنها كانت دائمًا تدفعنا للبحث والتعلم، وهذا أجمل ما في العلم؛ أنه يحترم الخبرة، ثم يختبرها بالدليل . 🤍🌿

🗯🗯ملحوظة 🗯🗯
ينطبق نفس الحال على الثوم والبصل و النفتالين 👌🏻

🗯🗯🗯شير يا جماعة الخير علها المنجية 🗯🗯🗯

احبكم فالله و لا تنسوا الدعاء لجدتى ولامواتنا المسلمين🩷

#الشرقية #مصر

ليه الميزان بيعاندك رغم إنك ملتزمة؟ 🤔

الحقيقة قد تكون بعيدة تماماً عن "السعرات" اللي بتحسبيها. أحياناً، المشكلة الحقيقية بتكون "احتقان ليمفاوي" بيخلي جسمك في حالة التهاب دائم، محبوس فيه السوائل، وموقّف الحرق! 🚫💦

الجسم بيبان "سمين" وهو في الحقيقة "محتقن وملتهب". تابعي الصور عشان تعرفي إزاي الحركة والليمف هما مفتاح الحل الحقيقي لجسمك. 💡✨

وقولولى فالكومنتات 🗯
👈🏻👈🏻 كم مرة حسيتي إن جسمك 'منفوخ' ومشدود فجأة رغم إن أكلك زي ما هو؟
👈🏻👈🏻هل لاحظتي علاقة بين قلة الحركة وزيادة إحساسك بالثقل؟ 💧

يالا شاركونى تجاربكم 👇