Happines Box

الناس لو حبت ليها إنسان بتطلب ليه بوكس السعاده وبتمشي عديل تصارحو مش تقعد زي الإسعاف واااااي واااااي الكراش .🙂🙂

عبير زعلانه من حبيبها .. حبيبها عايز ينط من اعلى برج الكهرباء عشان عبير رفضت ترد على مكالماتو
المهم هسي جهزنا ليها هديه زابطه تراضيها عشان حبيبها ينزل ويرجعو لينا الكهرباء 🤣🔥

وانتي ي سجم الرماد لو زعلتي لمن طرقشتي حبيبك ما بنط من البنبر ساي عشانك😏

مطلوب عروس طالبة جامعية زهجت من القراية وجرجرة المواصلات، لعريس مرتاح يقيم في قطر. والعرس هناك.💍❤️ والشيله مغلفة من Happines Box🔥🔥

لو زهجتي من القرايه اظهري في التعليقات 🤣❤️

اها تعالن ي بنات ورونا ملخص العيد شنو ؟🤣🤍
طلعتي بـ حبيب ولا خطيب ولا عيديه ولا بوكس سعاده مننا ؟

لو ما طلعتي بـ واحد من ديل ح اقول ليك من عمايلك .. البنات اتظبطن للعيد وانتي قاعده زي الدحيش 🤣🤣🤣🤣🤣🤣🤣

منزله بوست كاتبه {{{ واااي بعد العيد جا والامتحانات كبست خلاص😭😭😭}}}
اخونا الكاشف لقى البوست وطبعا لو حاول يواسيها بالكلام ح يلقى نفسو مبلكنو في كل الميديا تاني الا يتواصل معاها بـ فتحة المكيف 😂😭
رسل لينا وحكى الحاله اللي هو داخل فيها 😂 وعلى حسب الفهمنا منو عايز حاجه تطلعها من جو الامتحانات ❤
جهزنا ليها بوكس الامتحانات و كان عبارة عن مجموعه دووڤ ل حبسه الامتحانات ( الامتحان الما قاريه ليه اتزبطي ليه 🙈) طقم الساعه ل قشرة اخر يوم وهي ماشه تلاقيهو ❤ وسلسل فضه ❤ وشويه شوكلاتات تتسلا بيهم اثناء القرايه 🙈❤ بعد سلمناها وعدتو انها ح تكون بروف الدفعه 🔥💃

اها وانتي جاب ليك شنو ل حبسه الامتحانات؟ 🤣🤣🤣🤣🤣🤣🤣🤣🤣🤣🤣🤣🤣🤣

🫰🔥
❤

تهنئكم أسرة متجر صندوق السعادة بحلول عيد الفطر المبارك 🌙
تقبل الله طاعاتكم، وأعاده عليكم وعلى أحبابكم بالخير واليُمن والبركات.
كل عام وأنتم السعادة، وعيدكم مبارك! ✨🎁

✉️❤️

في وحده الله يطراها بالخير ماف زول شغال بيها..قامت طلبت مننا بوكس السعاده على اساس جايبو ليها حبيبها عشان زعلانه منو وتمغرز صحباتها في الاستوري 🙂 بعد شويه لقينا الاخت منزله منشور في صفحتها كنت زعلانه منوو شديد، قام جا بالعربية البرادو بالليل
و دق لي تلفون..قال لي اطلع جنب الباب وكان الوقت متاخر وقلت ليه الجابك شنو زي الساعات دي؟
و أهلي نايمين قال لي تطلعي ولا اجي ادق ليك الباب!
ف قلت ليه طيب لما طلعت قام قال لي اركبي قمت ركبت في العربية وكان جاايب بوكس السعادة من ناس Happines Box فيه شوكلاتات كتااار ودبدوب كبييييير وخاتيهم في المقعد الورا قام حضنني وقال لي ساامحيني ي ننوستي.😒

امشي ي كذاابه ي طلاسه... ده مندوبنا حق التوصيل وصل ليك طلبك وانتي كتبتي فيه روايه عدييل 😏 امشي ي ام جيقه ماف زول شغال بيك

اكبر متجر هدايا سوداني 🫰🇪🇬
🔥

الواحد تلقاه مفرفش ومهجج مع المسيحيين في الكريسماس وطالب هدايا من Happines Box لـ حبيبته 🤣
وفي عيدنا منكد علينا وكاتب "إقترب العيد ولنا في القبور أحبة"

اكبر متجر هدايا سوداني 🇸🇩🫰

إتخيلي الليله يتصل عليك مندوب التوصيل ويقول ليك ما تكوني اشتريتي حاجات العيد🤣❤️❤️ جايبين ليك سد مال عدييل 🥱 شعورك ح يكون شنو ؟؟؟

اكبر متجر هدايا سوداني 🇸🇩
Happines Box

انا متزوج لي واحده أخلاقها في نخرتها 24 ساعه زهجانة ومرة من ذات المراير قلت أغير ليها جو شويه وكان مزاجي رايق طلبت ليها بوكس السعاده من Happines Box جيت من الشغل وهي كانت عند ناس أمها وقبل ما أطلع من الشغل أتصلت عليها قلت ليها أسبقيني علي البيت ووصلت انا قبليها لما دقت الباب عشان افتح ليها وزي ماقلت ليك حبيت اعمل فيها الزوج المثالي والراقي داك وخاتي البوكس وراي 🤣♥ فتحت الباب وقعدت أغني ليها والجميل وصل ده شنو النور والحلاوة الانتي فيها دي ناس بيتكم ديل دخلوك جلسة تجميل ولا ده شنو النور الطالع من وشك ده على اساس تتخجل وبعدها اطلع ليها بوكس السعاده من وراي🥺 نزلت ولدها في الأرض وختت يديها في نصها وقالت لي خالد إنت عوقه؟🤣🤣🤣🤣🤣🤣🤣🤣

اكبر متحر هدايا سوداني 🇸🇩