Venus Beauty products

السلام عليكم الانسات والسيدات الجميلات🤗🤗

زي ما موضح في الوصف دا قروب بعني بالتركيبات الصيدلانية التجميلية 😍🔥

اللي هي ح اكون بعملها انا د.مي التاج(صيدلانية)😚💛

وما بس متوقف على التركيبات..لا لا ح نهتم بكل تفاصيل البشرة والجمال والعناية الصحيحة بالبشرة💅🏽💆🏼‍♀️ والتوجيهات المهمة والحاجات المفروض نتجنبها وكل التفاصيل المهمة عشان نصل لبشرة نضرة وصحية وخالية من كل المشاكل..زي بشرة الاطفال 👶🏻💕

📛السؤال الحاجة البتميز شغلنا عن غيرو شنوو؟؟!!🧐

زي ما عارفين في ناس كتيرة بتشتغل تركيبات (صيادلة وللاسف غير صيادلة برضو😔)

الحاجة المختلفة شنو؟؟
✅ طيب اولا الحاجة البتميز شغلنا عن باقي الناس الما دارسة الصيدلة..انو ك خريجة صيدلة شغل التركيبات دا جزو من مجال خبرتتا ودراستنا✅ وفي الكلية عندنا مادة كاملة بتتكلم عن الشغل بتاع تصنيع الادوية والتركيبات والفورميلات درسناها نظري 📚وعملي..وبنكون عارفين كويس اي مادة بنشتغل بيها خصائصها شنو و وظائفها الاساسية شنو والكميات والنسب المحددة المفروض تتضاف بيها👌🏽
ولو عندها اثار جانبية ولو في مواد تانية عندها معاها تفاعل سيء فما مفروض تتضاف معاها في تركيبة واحدة✖️✖️
وبنكون عارفين برضو الحاجات البتنفع مع الحوامل🤰🏼 او المرضعات 👩🏼‍🍼والما بتنفع معاهم..وكمان الظروف المفروض تتخزن فيها المواد الخام🌝🌚.وكمان الظروف المفروض تكون متوفرة اثناء الشغل..والشغل بادوات نظيفة ومعقمة⚡⚡..وغيرها تفاصيل كتيرة لو زول ما صيدلي ودارس الحاجات دي ما ح يعرفها ولا يهتم بيها ودا بأدي لنتايج سيئة وخطيرة جدا😰..

✅ تانيا احنا ما ح نقعد نعمل كمية تركيبات ونعبيها كلها سوا ونبيعها وخلاص😵 لا لا دا شغل بتاع كلفتة (مع احترامنا لكل الناس الشغالة كدا😞) لكن انا شخصيا ما مقتنعة بالطريقة دي شغلنا حيكون زي شغل الكلنك او العيادات الشغالة بمعاير عالمية🤍...فاا ح نكون ماشين بمدأ ال individualization او التفرد ودي حاجة العالم كلو ماشين في اتجاه انو يشتغل بيها في مجالات كتيرة(حتى برة في محلات شغالة انها تعمل ميكاب ليك انت مخصوص..حسب لون بشرتك ونوعها والخواص العاوزاها)😙

طيب يعني شنو individualization او تفرد 🤔🤔

يعني اي تركيبة ح تكون معمولة مخصوص لاي زول براه من الالف للياء 😻 حسب نوع البشرة والحالة الانتي عايزة تعالجيها وحسب العمر وعوامل تانية كتيرة حسب..ممكن نخت في الاعتبار ظروف شغلك او جدولك الزمني..اي تفصيلة بتكون مهمة وبتفرق وبنختها في الاعتبار لما نعمل ليك التركيبة عشان تصلي للنتيجة المرضية بالنسبة ليك باحسن طريقة😇

وعشان الشغل يكون منظم وبيرفكت ح يكون عندنا دفتر📒 مسجلين فيه بيانتك وبيانات بشرتك والمشكلة الجيتي عايزة ليها حل والتركيبة العملناها ليك..واهم شي اهم شي المتابعة بتاعتك معانا😚

تالت شي ح نكون متابعين معاك اول باول بالذات في الحالات الشوية صعبة 🤗🤗 زي الكلف والتصبغات وحالات الacne او الحبوب الشديدة 😞 لازم تتابعي وتلتزمي بالتوجيهات التزام صارم 🙅🏻‍♀️حتى بعد المشكلة تتعالج لازم تكون في متايعة وقائية عشان ما ترجع تاني😩 ..لانو في انواع بشرة لتسباب كتيرة (ح نذكرها لاحقا ) بتكون معرضة لمشاكل معينة تكتر من غيرها فلازم يكون في روتين وقائي عشان نحافظ على النتيجة الظابطة الوصلنا ليها 😌..

وعشان نشجعكم👏🏼👏🏼 وعشان عارفين الناس بتكسل😴😴 ف اي زولة تكون متابعة معانا كويس وملتزمة بالتوجيهات ح نعمل ليها تخفيضات خاصة لقدام لما تطلب تركيبات تانية💃🏽💃🏽

📛دي الحاجات المهمة الفي البداية ومعلييش يعني طولت عليكم في الكلام لكن عشان الحاجات تكون واضحة للناس🥰🥰

واخيرا اتمنى نصل مع بعض لنتائج حلوة ومرضية وانا واثقة انو ح نصل ليها بأذن الله وبدعمكم وبمواظبتكم💛

📛يلا الناس تحاول تضيف اكبر عدد وتترقب للمسابقات والفعاليات والتخفيضات🥳🥳

طبعا الشغل اسي ح يكون في الأبيض 😘
لكن لقدام ح نعمل طلبيات للخرطوم🤩🤩

فينوس للتركيبات الصيدلانية الامنة والفعالة جدا
ادارة د.مي التاج خريجة كلية الصيدلة جامعة الخرطوم وحائزة على شهادة دورة تركيبات معتمدة على يد د.بشير الالماني من مركز كارير للتدريب