Yoga with Jad

كل عام ونحن طيبين ♥️♥️

ربنا يحفظ السودان و أهل السودان
والرحمة والمغفرة لشهداء الوطن …

صباح الخير عليكم♥️🔥
الوضعية دي من وضعيات اليوغا المنتشرة و الاكثر سهولة لأي شخص
الوضعية دي اسمها
Salutation seal pose 🧘

لو انت من الناس البفتشوا علي الهدوء و تعزيز التواصل الداخلي ده خيار ممتاز بالنسبة ليكً✅

لانو في الوضعية دي تحديدا الناس بتكون مركزة علي النفس و مغمضة عيونها و متصلة بدواخلها
♥️
طبعا ده غير الفوائد البتتمثل في انها تعزز القلب بتحسن التركيز والحس المعرفي وبتخفف من التوتر والقلق

ده غير انها بتشتغل علي عضلات الفخذ و الأوراك والركبتين ✅

جربوها وتدومي رأيكم 🧘🔥♥️

صباح الخير ♥️

مع جية رمضان في ناس كتير بتعاني من مشاكل المعدة و سوء الهضم
دي وضعيات بتساعد الناس البتعاني من المشاكل دي✅♥️

رمضان كريم 🌙♥️

عارفين انو في رمضان طاقتنا الروحية بتكون في السماء فوق "بصوت محمد ود فاطنة "🔥🔥😉

ولانو في رمضان ممكن تحصل مشاكل كتيرة لينا زي سوء الهضم و الخمول و عدم انتظام النوم

كل الانت محتاج ليه كلاس بتاع يوغا ✅😌☯️

رمضان كريم 🌙♥️

🔴بتعاني من depression “إكتئاب " و ما عارف تعمل شنو ؟

🔴عندك أرق و م بتقدر تنوم بالليل بسهولة ؟

🔴بتعاني من صداع دايم وألم في الرقبة الظهر ؟

🔴حاسي انك م عندك اتصال داخلي مع نفسك ومحتاج انت تقدر تتواصل مع نفسك ؟

كل ده ممكن يحصل بس اذا انت دخلت اليوغا كنظام روتيني في حياتك اليومية ✅❤️

وعشان كده عملنا ليكم جلسات بتاعت يوغا فيها تمارين جسدية وتمارين استرخاء وتمارين تنفس وتأمل

🔥♥️

كل ده في كلاساتنا في مجمع النصر السكني غرب عفراء مول ✅

تسجيل الكلاسات عبر الواتساب ♥️👍

🔴 الشد العضلي او ال " muscle cramps “

طبعا المعروف والطبيعي انو اثناء الحركة الطبيعة للجسم بكون في حركة في العضلات …ف العضلات بتكون في حالة بتاعت انقباض وانبساط …بس مرات للأسف العضلة ممكن تنقبض و م تنبسط وهنا تحديداً بكون الشد العضلي حصل ✅

🔴طيب هل الشد العضلي عندو اسباب معينة ؟
ايوه في اسباب كتيرة يمكن م اقدر أحصرها ممكن تكون سبب في الشد العضلي زي التوتر و الجهد المرهق و التحريك الخاطئ للعضلة وطريقة التنفس الخاطئة ✅

🔴كيف بيحدث الشد العضلي ؟
المنطقة بتاعت العضلات منطقة مليانة بالاوعية الدموية فلما العضلة تنقبض و م ترتخي بحصل ضغط علي الاوعية الدموية البتغذي العضلة و بينقطع الامداد الدموي عن العضلة ف بيتسبب في الم حاد و بتحس انك م قادر تحرك العضلة

في الشد العضلي بنستخدم كمادات دافئة للمنطقة و ممكن نستخدم مسكنات فموية ♥️

صباح الخير ♥️♥️♥️

منو ما عنده خلفية عن اليوغا وعايز يجربها ؟؟
عشان الناس الحابة تدخل دائرة اليوغا وتبدأ تعرف عنها✅
انا عاملة كلاس مجاني و باقي خانات محدودة

ح اختار ٥ اشخاص من البوست ده ان شاء لله والاختيار حيكون من الناس العاملة متابعة للصفحة فقط ♥️
المطلوب انك تعمل لايك و كومنت و شير للبوست ✅

المكان و الزمن محددين في الصورة
اليوم ح نحددوا لاحقاً

الاختيار حيكون خلال ١٦ ساعة
تاقوا اصحابكم يمكن تمشوا مع بعض 😉♥️🧘‍♂️🧘

🔴مسابقات مسابقات🥳🥳

مساء الخير ♥️♥️♥️♥️♥️
اعتقد اغلب الناس لما تجي تمارس يوغا الموضوع البكون واقف ليها هو موضوع سجادة اليوغا "yoga mat” ….
وعشان اليوغا مات دي م متوفرة شديد هنا او سعرها ممكن يكون غالي شوية فأنا عاملة سحب علي سجادتين بتاعت يوغا 🧘‍♀️
وبكده ما بيكون عندكم عذر 😎

🔴شروط دخول السحب :
✅اعمل فلو الصفحة
✅تاقي اتنين من اصحابك ولازم يعملو فلو هم كمان

🔴الاختيار حيكون بعد ٢٤ ساعة فقط

🔴الوضعية دي من الوضعيات الحلوة جدا واسمها
🔴Tree pose🧘‍♀️
✅بتمدد القدمين بتساعد
في تمديد وتقوية الأربطة والأوتار في قدميك.

✅بتحسن التوازن لانها بتتطلب توزيع الوزن والموقف المناسبين، مما يمكن أن يساعد في توفير الاستقرار للفخذين والوركين والحوض.

✅بتقوي قلبك.

الوضعية دي بتساعد علي الهدوء والاسترخاء و بتقوي تواصلنا السمعي لانو بنكون مغمضين عيوننا وبتدينا ميزة الصبر ♥️

طريقة اليدين ممكن تختلف من شخص لاخر في ناس برفعوا يديهم بصورة افقية وناس بصورة رأسية

اثناء التمرين لازم نلتزم بطريقة التنفس الصحيحة "شهيق من خلال الانف زفير من خلال الفم"
♥️

اذا في اي شخص عندو اي سؤال ممكن يتفضل في الكومنتات 👍

Good morning ♥️♥️♥️♥️

طولنا المرة دي
دي تمارين خفيفة ممكن تتعمل بالصباح او نهاية اليوم ح تساعدك في الاسترخاء 🧘‍♀️♥️✅

صباح الخير ☀️
🔴بحصل شنو لما ادخل تمارين اليوغا في النظام اليومي بتاعي ؟؟؟

ببساطة لأننا ممكن نكون مارين بفترة عصيبة علي مستوي العالم الخارجي ولانو في توتر سخيف جدا حاصل والحياة اليومية مليانة ضغوط هائلة
اليوغا ممكن تكون من الحاجات العلاجية "وركزوا في علاجية دي " بالنسبة لينا .
اليوغا من اكتر الرياضات المتاحة لجميع الفئات وممكن تتعمل بصورة فردية و تأثيرها النفسي مداه بعيد جدا✅

طبعا كل الكلام بتاع انو اليوغا ممكن تكون علاج لكتير من الاضطرابات النفسية ولكتير من المشاكل الجسدية كلام مأخوذ عن دراسات وبحوث اتعملت خصيصا عشان تعرف فوائد ممارسة اليوغا 🧘‍♀️♥️
التغيير ببدأ من حاجات بسيطة ممكن تدخلها في يومك وتأثيرها ممكن يكون عظيم شديد
منتظرين شنو عشان تبدأو تمارسوا يوغا ؟🧘