Sleek.su

من الامراض الممكن تسبب تساقط امراض الغدة الدرقية و الفطريات (القشرة)، و التساقط دا بقيف بعد العلاج بي فترة.

🔴 البوست دا عشان لو شكيتي انو عندك واحد من الامراض دي تراجعي طبيب ما عشان تعالجي نفسك لانو الاعراض بتتشابه مع امراض تانية و العلاج بيختلف حسب سبب المرض.

1\ امراض الغدة الدرقية:
اعراض زيادة نشاط الغدة الدرقية: نقصان الوزن رغم زيادة الشهية، رجفان اليدين، سرعة ضربات القلب، العصبية و صعوبة النوم، عدم تحمل الجو الحار.
اعراض خمول الغدة الدرقية: الشعور الدائم بالتعب، عدم تحمل البرد، جفاف الجلد، زيادة الوزن، الامساك، الم في العضلات.

2\ القشرة:
القشرة نفسها م بتسبب تساقط الشعر لكن لو سببت حك لي فروة الرأس ممكن تضر بصيلات الشعر و بالتالي تخلي الشعر يتساقط او ما ينمو عشان كدا احسن تتعالج.

اول مرضين ممكن يسببوا تساقط هم نقص الحديد و نقص فيتامين دال، و اتكلمت عنهم اول لانو عدد كبير من الناس بيعانوا منهم. الحاجة الكويسة انو لو المرضين ديل اتعالجوا التساقط ح يوقف في حدود 4-6 شهور( علاج الشعر دايما بياخد وقت عشان النتيجة تظهر).

🔴البوست دا عشان لو شكيتي انو عندك واحد من الامراض دي تراجعي طبيب ما عشان تعالجي نفسك لانو الاعراض بتتشابه مع امراض تانية و العلاج بيختلف حسب سبب المرض.

1\ نقص الحديد و الانيميا:
الاعراض: التعب المستمر، الصداع و لفه الرأس، برودة اليدين و الرجلين، ضعف الاظافر، الرغبة في اكل الثلج او الطين، التهاب اللسان.

الاطعمة المحتوية على الحديد: اللحوم الحمراء، منتجات الدواجن و الالبان، و السمك.

2\ نقص فيتامين دال:
الاعراض: الم في العظام و العضلات، التعب المستمر، مشاكل في التئام الجروح، و ممكن يكون مافي اعراض.

الاطعمة المحتوية على فيتامين دال: التونا، الكبدة، صفار البيض، و زيت كبد الحوت.

طبيعي انو كمية قليلة من الشعر تتساقط كل يوم (تقريبا 100 شعرة) واكتر من 100 لمن الشعر يتغسل او يتسرح بي عنف.في حالات التساقط بكون اكتر من الطبيعي و دي ممكن تكون علامة لي مرض زي الانيميا و اضطراب الغدة الدرقية و هنا لازم زيارة دكتور لي علاج الامراض دي لانها ما بس بتأثر على الشعر و مهم تتعالج.

عشان البوست م يكون طويل شديد ح انزل كل مرضين و اعراضهم في بوست في الهاشتاق الفوق و اللي بتحس الاعراض بتشبه الاعراض العندها تراجع دكتور و ان شاء الله المشكلة بتتحل. ولو وحدة عندها سؤال ممكن ترسل لي في الخاص.

بس اول ح اذكر اسباب للتساقط ممكن ما تعتبر امراض زي بعض الادوية و التوتر.
1\ الادوية:
التساقط بي سبب الادوية يا اما يحصل بعد استخدام الدوا بي ايام و اسابيع و دا غالبا بكون بي سبب ادوية الكيماوي او بعد شهرين لي 4 شهور و دا البعملوه بعض الادوية التانية زي مضادات التجلط و فيتامين A و مشتقاته. الحاجة الكويسة انو التساقط دا بوقف متى ما الزول خلص استخدام الدوا ووقفو.
2\ التوتر:
في حالة التوتر المستمر جسمنا بيفرز مواد ممكن تأثر على الشعر و تخليو يتساقط و الحل هنا انو الزول يحاول يبعد من الحاجات البتسبب التوتر دا.

ليه ما كل الناس البحاولو يطولو شعرهم بنجحوا؟

لانو اغلب الناس م عارفين المشكلة الحقيقية شنو ف بيستخدموا حاجات هم م محتاجين ليها.

اول شي الحالات البكون الشعر م بطول فيها او بيتساقط غالبا بتكون صحية زي امراض الغدة و الانيميا و دي ح اتكلم عنها في البوست الجايي ان شاء الله.

باقي الناس شعرهم بيطول كل شهر و الدليل لو في وحدة صابغة شعرها بعد فترة الجذور ح يكون لونها رجع لي لون الشعر الطبيعي و دا م بيكون لانو الصبغة طلعت لكن بكون دا شعر جديد اصلا م اتصبغ و نفس الزولة دي ممكن يكون شعرها واقف في نفس الطول ف ح تستغرب كيف شعرها طول لكن م طول؟
لو الشعر قام من الجذور بس ما كان صحي و النهايات كانت متقصفة في الحالة دي النهايات ح تتكسر و ح يقعد في نفس الطول ف حتى لو استخدمتي حاجات بتعزز النمو زي اكليل الجبل ما ح تستفيدي لانو كلما الشعر قام ح يتكسر من الاطرف.

الحل هو تصليح الشعر اولا بعدها تعزيز النمو و احسن طريقة هي استخدام المنتجات الضرورية و المناسبة.
ح اتكلم عن الحاجات المفروض تستخدميها بس م ح اتكلم عن براندات معينة لانو الحاجة دي انتي بتختاريها حسب شعرك.

1\ شامبو: مهمتو الاساسية التنظيف ف ما ضروري تجيبي واحد غالي و مغذي وفري لي الحاجات البتفيدك اكتر بس اهم شي انو يكون بينظف الفروة كويس
2\ بلسم: مهمتو يرطب الشعر بس بما انو ح يتغسل برضو م مهم يكون مغذي المهم يكون مناسب لنوع الشعر
3\ بلسم ليف ان : دا ح يقفل الترطيب و يقلل الجفاف و بما انو بيقعد في الشعر ف دا ممكن تصرفي فيو اكتر حاجة
4\ زيت: لي نهايات الشعر عشان يقلل التقصف

ال 4 حاجات دي ح تحافظ على الشعر لكن م ح تصلح الضرر الكان موجود. عشان الشعر يتصلح في منتجات خاصة بالترميم ممكن تجيبيها و بيتعمل معاها ماسكات.

3 بدائل طبيعية لبلسم الشعر:
1- ماسك الزيت و العسل:
4 ملاعق من زيت الزيتون او زيت جوز الهند + ملعقتين عسل
يتخلطوا مع بعض و يتوزعو في الشعر لي مدة نص ساعة بعدين يتغسلو

- العسل بيحفز نمو الشعر لانو بيعمل على تجديد خلايا الجلد لمن يتعمل في فروة الرأس و بيقلل التكسر لانو عندو خصائص مرطبة.
2- ماسك الموز:
موزة مهروسة + ملعقتين زيت زيتون+ ملعقة عسل
ديل ح يتخلطوا و يتوزعوا في الشعر لي مدة ساعة بعدين يتغسلو

- الموز غير انو فيو فيتامينات و مواد مغذية كمان بيقلل التطاير و نفشة الشعر و ممكن يقلل التقصف و التساقط لانو بيحتوي على البوتاسيوم البيحمي بصيلات الشعر.

3- خل التفاح:
ملعقة خل التفاح+ كباية موية
بعد الشعر يتغسل بالموية العادية تتوزع فيو الموية الفيها خل و يتنشف ( افضل يستخدم كل شهر مرة)

- خل التفاح عندو فوائد كتيرة منها انو بيحافظ على ال ph الحمضي بتاع الشعر و بالتالي بيخلي الشعر اقوى و بيحمي فروة الرأس من القشرة و برضو بيخلي الشعر مرطب وصحي.

الجو حـر جِدًا, ربنا يعين ويبرد علينّا ويقينا حر جهنّم يارب!
وفي الجـو دا لازم تنتبهـوا على نفسكم وأهلكم وتاخدوا بالنصائح دي 👇🏼:

• اشـربوا موية كتير بشكل مستمر عطشان ولالا اشرب، واقف قاعـد اشرب!
وأطفالكـم ياجماعة خدوا بالكم مِنهم واتاكدوا إنهم بشربوا موية كل شويـة

• قللوا شاي وقهـوة وركزوا على الي بيعوض فقـد الماء والمعادِن من جسمكم زي؟
- الجبنة بأنواعها
- المـوز مُفيد جدًا بعوض فقد البوتاسيوم
- كتروا فواكـه وخضروات خصوصاً الورقيـة

حاولـوا ما تتعرضوا للشمس بشكل مُباشر
أصحاب الأمراض المزمنـة سكري وضغط انتبهوا على نفسكم وحافظوا على معدلات السكر والضغط

تانـي.. اشربوا موية اشربوا موية كتير
قوم الآن اشرب موية!

#الحر #شمس

الدراسة المنتشرة حاليا و بتثبت فعالية عشبة اكليل الجبل في انبات الشعر تمت عن طريق استخدام الزيت يوميا لمدة عدة اشهر. دا بخلينا نعرف انو الزيت فعال و كمان نحنا عارفين انو فروة الرأس بتمتص الزيوت احسن من الموية المستخدمة في البخاخ.

طيب ليه ما نستخدم زيت اكليل الجبل كل يوم؟ لانو الزيوت لما تقعد في الفروة فترة طويلة بتجمع العرق و الغبار و ممكن تقفل البصيلات و تسبب مشاكل في الفروة ولو الشعر اتغسل كل يوم ح ينشف و يتقصف.

عشان كدا افضل طريقة للاستخدام هي انو الزيت يتعمل قبل 3 ساعات من الغسيل و يتغسل بعدها بي شامبو مناسب للشعر.
ملحوظة: زيت اكليل الجبل من الزيوت الطيارة فلازم يتخفف بي زيت ناقل زي زيت الزيتون او الافوكادو عشان ما يسبب تهيج لفروة الرأس.

الاحسن زيت اكليل الجبل ولا بخاخ اكليل الجبل؟
الجواب بيختلف من زول لي زول حسب نوع الشعر و الهدف من الاستخدام عشان كدا في البوستات الجاية ان شاء الله ح اتكلم عن مميزات و عيوب كل واحد و طريقة استخدامهم