Ona Vibes Beauty

حلول لمشاكل البشرة والشعر

23/03/2025

الصيف جا 🌞

حاوريكم تكة تعملوها قبل المزيل تخلي ريحة العرق حلوه وكمان ريحة جسمك🌸

بلل/ي قطنة بي ماء ورد واعمل/ي مسك في نفس القطنة وامسح/ي بيه الاندر ارم

وممكن اي مكان بعرق في جسمك
او اي مكان ماحابِ/ة ريحتو

26/04/2024

المنتجات الكورية طالعة #ترند وعاملة ضجة🔥

كل مرة حانحاول نتكلم عن مجموعة او منتج

نبدا بي

فيها ٤ سيرومات
ومستخلص الجينسج
وواقي شمس(بخاخ،كريم، ستيك)
كريم الريتنول لحول العين
مرطب (جل وكريم)
غسول

عندهم منتجات تاني زي الشيت ماسك وكريم مقشر ..

السيرومات هي:
Glow deep serum:🤍
مكون من الالفا اربوتين والارز
بفتح البشرة وبوحد لونها وبرطبها ويديها قلو🌟
الالفا اربوتين بتشتغل على التفتيح والتصبغات واثار الحبوب
هي البديل الآمن للهيدروكينون
يعني البنات العاوزين تفتيح ومادايرين تستعملو هاي كوين او ميلانو اي كريم فيهو هيدروكينون بنصحكم بالسيرومات الفيها الفا اربوتين✅
الارز 🍚 طبعاً معروف فوايدو للبشرة
دا سر جمال بشرة وشعر الكوريين✨

Glaming serum💚
مكون من البانثينول+ الشاي الاخضر
مناسب جداً للبشرة الحساسة والمتهيجة والعندهم احمرار في الوجه ،مهديء للبشرة ومكافح للشيخوخة

Revive serum🤎
بخلاصة الجينسينج+ افراز الحلزون
يعزز مرونة البشرة وبعالج التلف وبديك نضااارة وبرطب

Glow serum🧡
نياسيناميد+ صمغ النحل
دا انسب واحد للبشرة الدهنية والمعرضة لحب الشباب
بشتغل على تنظيم افراز الدهون والحبوب

10/04/2024

Ona Vibes Beauty 🖤🛍️

تهنئكم بحلول عيد الفطر المبارك اللهم اصلح حال البلاد واحفظ العباد وقنا شر الفتن ماظهر منها وما بطن🤲🏻
اللهم احفظ السودان واهله 🤲🏻
واجمعنا بأحبابنا واهلنا في القريب🤲🏻

♥️

26/02/2024

قشرة الرأس 🍁
حاتكلم ليكم عنها باختصار:

🟩الاسباب والعلاج والوقاية:

🟢اسباب القشرة:

في سببين رئيسين اما تراكم الدهون في الفروه او جفاف الفروة الشديد
باقي الاسباب هي:
🔸 (عدوى فطرية)،
🔸 (نقص بعض المواد في الجسم زي الزنك وفتامينB، واوميغا 6) ،
🔸( لخبطة هرمونات بسبب بعض الامراض)
🔸 ( الاصابة بالامراض الجلدية زي الاكزيما والصدفية)

🟢العلاج:

اول شي لازم تعرف/ي سبب القشرة شنو
▪️اذا كان من جفاف الفروة فمحتاجة ترطب/ي الفروة بزيوت خفيفة زي زيت شجرة الشاي او زيت جوز الهند 🥥.
وماتغسل/ي شعرك كتير✖️ عشان مايزيد الجفاف وابعد/ي من الموية السخنة ✖️

▪️ اذا كان سبب القشرة تراكم زيوت ودهون على فروتك حاتغسل/ي شعرك بصورة منتظمة وبشامبو ضد القشرة
ممنوع تعمل/ي اي زيوت او كريم تقيل على فروتك✖️ الا تخليهو ساعة او اقل قبل الغسيل

◼️ اياً كان سبب القشرة في حاجات ثابتة خليها في روتينك🔻

1️⃣ خل التفاح
بتخفف بموية وبتشطف/ي بيهو شعرك بعد الغسيل
2️⃣ السدر
ممكن كـ ماسك او شامبو على الفروة
3️⃣شامبو ضد القشرة
اي شامبو او صابون بحتوي على الكبريت والسالسيلك اسيد
(الصابون مابتعمل في الفروة طوالي بتصنع/ي منو شامبو او بتعمل شكل رغوة 🧼 في الايد اول وبعدها بإيدك على الفروة)
( الشامبو بتعمل في الفروة فقط ومعاهو مساج للرأس 💆🏻‍♂️💆🏻‍♀️ عكس البلسم ممنوع يصل الفروة✖️)
4️⃣ اذا جربت/ي كل حاجة للقشرة وما راحت افضل تقابل/ي طبيب

🟢 الوقاية:

🟰 المحافظة على الفروة دايماً نضيفة
واذا كانت فروتك جافة حاتترطب مرة في الاسبوع بزيت خفيف✔️

🟰ممنوع استخدام الحرارة كتير على الشعر✖️

🟰 افضل انو يكون حاجات التسريح الخاصة بيك استعمال شخصي✔️

🟰 الاكل الصحي والموية الكتير✔️

🟰اذا عندك قشرة ممنوع استخدام اي شي عطري✖️الا بعد تتعالج (زي القرنفل)
وممنوع الزيوت او الماسكات الفيها فلفل 🌶️✖️

🟰 اخر حاجة خلو شعركم يتنفس وياخد شمس شوية✨
مادايما يكون مغمول😑

🖤Ona Vibes Beauty