Jojo Beauty

مساء السعادة عليكم
حابين نبدأ بأي منتج ي جميلات😍

السلام عليكم معاكم 🤛👊
اي واحدة عندها آثار حب شباب و حب شباب (اكني) او تصبغات الكريم والصابونة دي حاجة قمة الرهابة والجماااال 😌
الكريم يصفق والصابونة تطبل وبقشو ليك التصبغات ويدقوها دق العيش والمفعول من الاسبوع التاني بتلاحظي الفرق
اهم حاجة يالسمحة الترطيب الترطيب 😘
ويكون عندك روتين كامل للاهتمام ☺️
والسماحة شنو 😒👊

#تعديل

الرهيبين ديل موجودين في الصيدليات 😘

طريقة استخدام الكريم
ساعة ونص الصباح وساعة ونص المساء ونغسل بالصابونة حقتو
ونكون حريصين على الترطيب ثم الترطيب 😘

مساء الخيييييير☺️😌

البانثينول (B5)
من ارهب الفيتامينات المغذية للبشرة وبرطب البشرة بطريقة حلوة شديد ولو عندك احمرار بشيلو وبغلف البشرة بطريقة ممتازة ودائما في تراكيب الترميم والترطيب بتلقي اول واحد قاعد في الصف 😌
والحاجة الظابطة فيهوو بنفع مع كل انواع البشرة
جيبو النوع دا بالذات وبنفس التركيز
في منو كذا نوع لكن دا الافضل 👌
في منو جل لكن بعض الناس بتحسسو منو وبعمل تهيج وحبوب
ورطبي على قدر م تقدري في اليوم وممكن تعملي معاه جل الوفيرا او كريم 😘 وبالعافية على بشرتك ☺️
وقلنا السماحة شنووووو 👊 اجتهاااااد🚶‍♀️

جميعكن جميلات ❤️...
على اختلاف لون البشرة ،طول القامة ، الوزن ،نبرة الصوت ، ملامح الوجه ، درجة الذكاء ، لغة الكلام ، على اختلاف كل شئ وجه الشبه بينكن الجمال ...جميعكن أخذتن نفحة لطف و أنس من أمنا حواء ...جميعكن لديكن قلوب الأمهات التي لا تجف من منابع الحب والرقة 💕💕
جميعكن حواء لطيفة ومؤنسة لآدمها ❤️

النياسيناميد (Niacinamide) أو فيتامين B3، له العديد من الفوائد للبشرة، ويُعتبر من أكثر المكونات فعالية ولطفًا في العناية بالبشرة.

🎀فوائده🎀
1. تقليل حب الشباب والرؤوس السوداء ويساعد على تقليل إفراز الزيوت في البشرة، مما يساهم في تقليل ظهور الحبوب.

2. تفتيح البشرة وتوحيد لونها ويساهم في تقليل البقع الداكنة والتصبغات الناتجة عن الشمس أو آثار الحبوب.

3. تقوية الحاجز الواقي للبشرة ويحسن من وظيفة الحاجز الجلدي، مما يساعد في تقليل فقدان الرطوبة وزيادة ترطيب البشرة.

4. مضاد للالتهابات ويهدئ البشرة المتهيجة ويقلل من الاحمرار

5. مقاومة التجاعيد والخطوط الدقيقة ويعزز من إنتاج الكولاجين ويحسن مرونة البشرة مع الاستخدام المستمر.

6. تصغير المسام مع تقليل الدهون وتحسين ملمس البشرة، يساعد النياسيناميد في تقليل مظهر المسام الواسعة.

فوائد الزنك
_ واقي شمس طبيعي
_ تهدئة البشرة المتهيجة
_ علاج حب الشباب
_تقليل اللمعان (يمتص الزيوت الزايدة في البشرة)
_ حماية حاجز الجلد

يعني شيلي السيروم وانتي مطمئنة
وفي واقي شمس فيهو المكونين ديل نياسيناميد وزنك

🎀طريقة الاستخدام🎀
قبل تطلعي بنص ساعة اعملي السيروم وانتظري ينشف وبعدها اعملي واقي الشمس

🌹 فوائد الكركدي للشعر❣️
1. تحفيز نمو الشعر وبالتالي تطويله.
2. علاج قشرة الشعر.
3. تنظيف الشعر من الاوساخ.
4.مقاومه الشيب المبكر.
5. إنبات الشعر في مناطق الفراغات وتكثيف الشعر.
6. تقويه جلد الفروة.
7. علاج التلف الذي يصيب الشعر.
8. يعطي الشعر لمعة.

بتعمل بطريقتين
تونر
ماسك
🌹التونر🌹
تغلي ملعقة كبيرة من الكركدي وتصفي بعد يبرد وتختي في بخاخ تعملي منو صباح ومساء في الفروة والاطراف

🌹الماسك🌹
ملعقتين من الكركدي مع كاسة زبادي صغيرة
وتختي الماسك على فروة الرأس لمدة ربع ساعة او 20 دقيقة وتغسلي شعرك بالموية عادي☺️

😘اهم حاجة ي مجيهة بعد تعملي التونر او الماسك ترطبي شعرك ب كريم التسريح حقك او الكركار حقنا الواحد دا 😘

مما راقني

في إبتلاء إسمه (عدم التوفيق).. إنك تبقى مامتوفق في حاجة محددة في حياتك برغم إنك سعيت وبذلت كل جهدك...🤍🦋

والحقيقه إن البلاء دا ماببقى في جانب واحد بس ده ممكن يكون في حاجه زي (عدم التوفيق في الأهل، عدم التوفيق في الشغل، عدم التوفيق في حياتك الشخصية، عدم التوفيق في الأصدقاء، عدم التوفيق وغيرهم كتير)...🤍🦋

والحقيقه إن ده ممكن ما يكون ليه علاقة بإن ربنا راضي عنك ولا لا، انت ممكن تكون شخص قريب من ربنا و بتقرأ قرآن وسوي من جواك ولا بتأذي زول ولا بتحقد على زول ولا بتعاين لحياة زول، هو الموضوع يظهر مضحك و ممكن نهظر كلنا ونضحك بس قلبك بيوجعك لما تقعد مع نفسك كل يوم تراجع حياتك و تلاقي إنك ما عملتا حاجه تستاهل إن الحياة تظلمك في كل جوانبها بالشكل دا، بس اوعك تبطل تسعى، اوعك تبطل تشتغل حتى وانت في أكتر وقت محبط فيه اشتغل واتعب وخليك واثق إن ربنا ما بينسى تعب زول، ربنا كريم جدًا جدًا...🤍🦋

أتمنى من كل قلبي إن ربنا يعوض أي زول مر بالمرحلة دي، أكيد ربنا كان له حكمة، وحكمة ربنا دايمًا خير...🤍🦋

الحمد لله...🤍🦋

كيف حالكن ي مجيهات 😘

🔥ترطيب الشتاء الرهيب🔥
_ 3ملاعق كبار زبدة شيا
_ ملعقة كبيرة زبدة كاكاو
_ملعقة كبيرة ودك
_ ملعقة كبيرة زيت سمسم
_ملعقة كبيرة زيت لوز مر
ملعقة كبيرة زيت جوز هند او جنين قمح

#الطريقة
نسيح زبدة الشيا والكاكاو والودك في حمام مائي او على نار هادئة شديد وننزلهم من النار بعد يبردو شوية نضيف الزيوت ونلخبط كويس🥰


بليل لمن تجي تنومي
ما تطلعي بيهو الشمس
ووداعا لقشرة الشتاء😌
#ملحوظة
لو بتدخني الترطيب دا ظاااابط شديد مع الدخان😌👌