Clinc D Mahmoud

العناية بالمنطقة الحساسة للرجال

من اهم الاجزاء الفي جسمنا وللاسف اكثر الاجزاء اهمالا المنطقه دي بالظبط زيها زي الوجه مثلا بتحتاج عنايه لانها معرضه للالتهابات والامراض والتصبغ والسواد والروائح المزعجة

وللاسف الواحد مننا بيهملها كأنها ما جزء من جسمه لحد ما يجي وقت العرس ويفكرو فيها ويفتشوا عن التركيبات والخلطات لعلاج المنطقه بس احب اقوليكم انو دمار سنين ما بتصلح في اسابيع

وانو الجزء دا خاص بيك انت لانه هو جسمك ما جسم الطرف التاني عشان ننتظر انو نعرس حتى نهتم بالمنطقه دي

اهم حاجة الاهتمام بالنظافه الشخصية والحلاقة ونوع الملابس الداخلية .

في النظافة الشخصية لازم تستخدموا غسول لتنظيف المنطقه على الاقل مرتتين ف الاسبوع ، لانو ما ينفع برضو الافراط في استخدام الغسول للمنطقه دي ، وبالنسبه للمتزوجين بفضل بعد كل علاقة انو يغسلو المنطقه بغسول مناسب.

واهم شي ننتبه لنوع الغسول انه ما يحتوي على نسبه كحول لانها بتزيد من اسمرار المنطقه ، غسل المنطقه بالغسول ولكن ما بشكل مفرط حيسعاد على ازاله الخلايا الميته ومنع الالتهابات.
وكمان الملابس حاولو انها ما تكون ضيقه عشان يكون في تهويه.

ثاني حاجه الحلاقه ثم الحلاقة قبل ما تكون من ضمن روتين العنايه بس هي من الحاجات الوصانا بيها الرسول لازم تتم حلاقة شعر المنطقه في فتره اربعين يوم، الحاجه دي حتقلل من التعرق وبالتالي الروائح وتراكم الفطريات والبكتريا، وبتقلل من الالتهابات والحكه.
الطريقه الصحيحه للحلاقه اننا نبلل المنطقه قبل الحلاقه بماء ساخن الحاجه دي حتسهل عملية الحلاقه وبتفتح المسام

لازم تعرف نوع ماكينه الحلاقه البتناسبك ويفضل انكم ما تحلقو بالشفرات والموس حاولو احلقو بالمكنه وتستخدمو مرررطب بعد الحلاقة ، علشان تخففوا من اسمرار المنطقه والحساسية الممكن تجيها .

الملابس الداخلية لازم تكون قطنية ١٠٠٪ عشان تسمح بدخول الهواء وتمتص العرق وكمان ما تعمل سواد واسمرار ف المنطقه مع الاحتكاك.
وكمان لازم تتغير كل كم شهر ما ممكن الواحد فينا يكون بستخدم الملابس الداخلية لما تتقد وبرضو ما برميها وكمان يا جماعه لازم الملابس الداخليه تتكوي الحراره بتساعدنا نتخلص من البكتريا والفطريات.
تجفيف المنطقة :
لازم نجفف المنطقه بعد الحمام بطريقه كويسه شديد اما باستخدام مناديل او تكون مخصص بشكير يكون فقط للمنطقه الحساسه يعني ما البشكير البتجفف بيهو جسمك حتستخدمو للمنطقه الحساسه.
الترطيب مهم جدا وللترطيب يفضل انو نستخدم زيوت طبيعيه ذي زيت جوز الهند او اللوز المر او زيت الزيتون وكمان زيت شجره الشاي بيرطب وبيشتغل كمضاد للفطريات كمان.
طيب في ناس عندها مشكله فطريات او ريحه في المنطقه الحساسه حتجيبو غسول وحتجيبو كريم مضاد حيوي
ومضاد للفطريات وحتبدو بالروتين الفوق دا ويفضل انكم تغيرو ملابسكم الداخليه.
وحتي الداخلين علي زواج وما عندهم مشاكل بنصحهم انو الفتره الأولي يكون معاهم كريم مضاد للفطريات .

📌موضوع تساقط الشعر أسبابه 🤦‍♀️

📌أولا اهم اسباب تساقط الشعر...؟
‏
1 - أسباب صحية وسوء التغذية 🤦‍♀️
مثل اضطراب الهرمونات والغدة الدرقية
كسل الغدة (انخفاض هرمون الثايروكسين)
ونقص الفيتامينات والمعادن الضرورية لصحةونمو الشعر من الجسم خصوصا الحديد و فيتامين B و D و E
تناول بعض الأدوية
والتهاب الجلد الدهني لفروة الرأس
و التدخين

2- الوراثة وتساقط الشعر 🙁
يرجح السبب إلى جينات متوارثة من الآباء والأجداد
ويتسبب في تساقط الشعر بشكل كثيف

3- الضغط النفسي والإجهاد: 🥺

4- استخدام شامبو غير مناسب للشعر 😠
ما يؤدي الى تلف وتساقط الشعر، لذا من الضروري إختيار نوعية جيدة ومراقبة مدى تفاعل الشعر مع الشامبو والافضل يكون طبيعي خالي من السولفات

5- المبالغة في تصفيف الشعر
استخدام ادوات تصفيف الشعر الساخنة بشكل مبالغ،مثل الأستشوار و"البيبي ليس" 🤷🏻‍♀️

6- المبالغة في صبغات الشعر
من المعروف أن كثرة استخدام صبغات الشعر تضعف الشعر وتضاعف من تساقطة مع الوقت لاحتوائها على مواد كيماوية، ومن الأفضل اختيار الصبغات الخالية من مادة الامونيا

🌸 P-Shot لعلاج سرعة القذف وضعف الانتصاب

علاج الضعف الجنسي بالبلازما
البي شوت هو علاج طبيعي مصنوع من عينة من دم الرجل ذاته، حيث يتم إزالة خلايا الدم الحمراء الكبيرة من خلال عزل عينة الدم، مما يترك البلازما التي تحتوي على كثافة عالية من الصفائح الدموية.
يحتوي على الخلايا الجذعية المحفزة التي لديها القدرة على أن تتطور إلى عدة أنواع مختلفة من الجلد لتحل محل تلك التي قد تكون ناقصة في العدد، أو في الوظيفة كما أنه يحتوي على بروتينات عامل النمو التي يمكن أن تحفز الخلايا على التكاثر وإصلاح الأنسجة، وزيادة حجم وإمدادات الدم، وتجديد هيكل الأنسجة ووظيفتها ويتم إجراء الحقن باستخدام إبرة صغيرة جدا، ولن تكون مؤلمة ولكن يمكن أن تكون غير مريحة في الأول فقط.
وقد أثبت العلاج بإبر البلازما فعاليته لأنه طبيعي 100 بالمئة وليس لديه أية أضرار جانبية، ويتم تنفيذ علاج إبر البلازما خلال إجراء مع القليل جدا من الألم ما بعد العلاج.
وتظهر النتائج عادة في غضون 6 إلى 16 أسبوع , لتحقيق النتائج المطلوبة في القضاء على ضعف الانتصاب كليا ، القضاء على سرعة القذف ، زيادة في حجم العضو الذكري أيضا.

🛑البوست دا مهم للرجال والنساء
طيب يا جماعه نجي نشوف الكارثه البتحصل عندنا بخصوص منتجات البيبي هير وبخاخات الشعر
في جزء كبير منهم بيستخدمو ماده اسمها فيناستيرايد finasteride
طيب قبل ما نعرف هي شنو وبتشتغل كيف الماده دي يا جماعه 🛑خطره جدا ومحظور استخدامها للنساء الا في حالات وممنوع استخدامها أو حتي مجرد انك 🛑تلمسيها في فتره الحمل لانها بتعمل 🛑تشوه للجنين علي طووووول قادرين تتخيلو انو بس لو لمستي الحبه دي من برا ساي الجنين حيتولد مشوه ومشاكل تانيه كتيره حنتكلم عنها عشان كدا يا جماعه رجاء اعملو حسابكم واعرفو مصدر الحاجه البتجيبوها ماهو ما ممكن عشان شعر تضر نفسك بالطريقه دي. طيب نجي نعرف هي شنو اصلا:
🛑الفيناسترايد هو مادة بتعمل على تثبيط الإنزيم ألفا ريدوكتاز – 5. الإنزيم دا مسؤول عن تحويل الهرمون الذكري تستوستيرون إلى مشتقه الفعال ديهيدروتستوستيرون DHT .
طيب الوكاله التنظيمية للأدوية ومنتجات الرعاية الصحية MHRA في آخر دراستهم لقو في ارتباط بين الماده دي وسرطان الثدي في الرجال والنساء واثبتو انو فعلا مشوه للاجنه وكمان تأثيرو علي الرجال بانو بيقلل الرغبه الجنسية وضعف الانتصاب وتضخم الثدي وبتعمل خلل في الحيوانات المنويه والدخول في حالات اكتئاب .
ف رجاء رجاء ما تجيبو اي حاجه وتستخدموها وتضرو بيها نفسكم ووقتها ما حيكون في حلول .

عيد مبارك عليكم شايفين حراره الشمس الفتره دي
الخطوات دي عشان نقلل نسبة الاسمرار والضرر البتسببو الشمس بنسبه80% مثلا
1-لازم نستخدم واقي شمس مناسب لنوع بشرتنا
2-نستخدم واقي الشمس قبل التعرض للشمس ب نص ساعة
3-واقي الشمس بيتجدد كل ساعتين
4-يتجدد يعني يتمسح بماء ميسيلار او مزيل ميكب و يتخت من جديد
5-مش عشان عاملين واقي شمس نمشي ف الشمس احنا ممكن نحاول نتجنب الشمس من الساعة 10ص للساعه 2بعد الظهر
6-بنخت ف منطقة مدار العين عادي جدا بس نقطه صغيره هنوزعا كويس تحت كل عين
7-نستخدم زبدة شفايف فيها نسبة حماية من الشمس

اذا حصل احمرار شديد وتهيج في البشره نستخدم جيل الصبار وهو من الحاجات اللي بتهدي البشرة
او نجيب من الصيدليه لوشن زي zincoderm lotion بيلطف البشرة و كمان بيساعد في الحمياة من الشمس
نشرب مويه كتيييره عشان نعوض الجفاف
نزود ف omega 3 في اكلنا زي الاسماك و المكسرات
اول ما نرجع من الشمس نستخدم اي سيرم فيتامين سي .

الزوائد الجلدية في الجهاز التناسلي :

بتظهر الزوائد الجلدية على المناطق البتتعرض للاحتكاك بشكل كبير. ولكن ماذا عن الزوائد الجلدية في الجهاز التناسلي؟

الزوائد الجلدية في الجهاز التناسلي هي نمو جلدي حميد لونها بني أو رمادي يرتبط بجذع ملتصق بالجهاز التناسلي
الأسباب:
بتنتشر الزوائد الجلدية في المناطق البتحتوي على ثنيات أو جلد متهدل، مثل: المهبل أو القضيب بسبب تعرض الجلد للاحتكاك بشكل كبير في المناطق دي وفي بعض العوامل البتزيد من خطر ظهور الزوائد الجلدية في الجهاز التناسلي، ومن هذه العوامل نذكر:
فيروس الورم الحليمي:
وجود تاريخ عائلي للإصابة بالزوائد الجلدية في الجهاز التناسلي.
الإصابة بالسكري من النوع الثاني أو بمقاومة الإنسولين.
ارتداء ملابس داخلية ضيقة.
زيادة الوزن أو الحمل.
ارتفاع مستويات بعض الهرمونات، مثل هرمون الإستروجين (Estrogen) أو البروجيستيرون (Progesterone) أو هرمون النمو (Growth hormone).
الأعراض:
قد يرافق ظهور الزوائد الجلدية في الجهاز التناسلي بعض الأعراض، ومن هذه الأعراض حنذكر:
تهيج الجهاز التناسلي والحكة.
الألم نتيجة الاحتكاك المستمر والالتواء للزوائد الجلدية.
نزيف الزوائد الجلدية بسبب الخدوش.

الصوره التحت دي شفتها حايمه بس صراحه استفذتني شديد وانا واثق انهم جد جاهلين بالحاجة البعملو فيها ف حبيت اوري وانبه امهاتنا واخواتنا
البوست دا خاص ب تفتيح البشره (الفسخ)
ياريت كلنا نقراهو ونفهم الحاصل شنو لاني متأكد انو اغلب اخواتنا وأمهاتنا ما عندهم علم بالحاجة دي ومكوناتها وبتشتغل كيف عشان كدا بعزرهم في اختيارتهم الغلط
أضرار كريمات التفتيح
طيب كريمات التفتيح الفي الأسواق وبتتباع ساي دي
اغلبها بتتكون من
الزئبق
الاستيرويد
الهيدروكينون
طيب المواد دي عشان يحصل لينا تفتيح بتشتغل كيف؟!
بتشتغل علي انها تمنع تصنيع صبغة الميلانين أو تكسيرها .
طيب صبغة الميلانين دي شنو وفايدتها شنو؟
الخلايا الصبغيه البتفرز لينا ماده الميلانين دي ربنا خلقنا عشان بتحمي لينا الجلد من الاشعة فوق البنفسجية وعشان حكمه ربنا واحنا في خط الاستواء والشمس عموديه علينا ف نسبه الإشعاع عندنا عاليه ف بتلقو انو بشرتنا لونها داكن عشان تمنع الاشعه دي انها تخترق جلدنا ودا طبعا من رحمه ربنا بينا.

طيب لما نجي نستخدم الكريمات دي البحصل شنو ل بشرتنا نقول مثلا:
🤒 الهيدروكينون
اولا هو بيقلل افراز الميلانين ف بالتالي بنتعرض لنسبه إشعاع اعلي فبالتالي ممكن يعرضنا لسرطان الجلد حمانا الله وإياكم
وكمان الاستخدام الطويل ليهو بيعمل لينا حاجه اسمها
(exogenous ochronosis) وهو خلل في الخلايا الصبغية للبشرة الخلل دا بيؤدي الي تغيير لون بشرتنا ل لون ازرق داكن ( مفحم) ف حنكون بدل ما فتحنا بشرتنا ضريناها وغمقنا لونا اكتر
وكمان بيغير لينا من ملمس الجلد
وكمان من مصايبو انو عندو القابليه علي اختراق الجلد والدخول في الدوره الدمويه ودا بيودينا لحته الفشل الكلوي والتسمم وكلنا شايفين نسب مشاكل الكلي قدر شنو بقت كتيره. وكمان بيعمل لينا تلف لالياف الكولاجين والايلاستين فبالتالي بيحصل لينا شيخوخه مبكره وتجاعيد. يعني حيكبرك قبل يومك.
🤔الاستيرويد:الكريمات الفيها استيرويد ذي ( السفك_ والعرديب وكميه أنواع تانيه )
ديل بيعملو ترقق للجلد بتلقي انو العروق بقت ظاهره.
وعلامات تمدد الجلد( الشقريب)
وحب الشباب( وحب الشباب البيجي نتيجه استخدام الاستيرويد علاجو صعب صعب صعب .... مرات)
وبيعمل لينا احمرار شديد وتهيج وتحسس.
كمان بتعمل خلل في الاوعيه الدمويه.
🙄الزئبق: ودا حاجه سيئه شديد بيعمل لينا تسمم وضرر في وظائف الكلي وكمان بياثر لينا في الوظائف العصبيه وبتظهر لينا في المشاكل النفسيه والاضطرابات وضرر للاجنه وسرطان الجلد.
دا غير انو شكلك والله بيكون بشع جدا والناس بتشمئز منك .
الاهتمام حلو اهتمي رطبي اعملي تفتيح بمواد طبيعيه وآمنة بس عليكم الله ابعدو من الحاجات البتضركم دي . وانتو والله كلكم جميلات ما محتاجات انكم تشوهو نفسكم .
بزعل شديد لما تجيني واحده دمرت بشرتها وبنبدا رحله علاج طويله ومرهقه ولا تجيني وجسمها كلو خرب بالشقريب وما عارفه تعمل شنو ارجعو لحاجات حبوباتنا الزمان .

طيب يا شباب في موضوع مهم جدا والفترة الاخيره الحالات ذادت شديد واغلب المشاكل الزوجيه بتجي بسببو اللهو سرعه القذف حنتكلم عن الأسباب والخطوات المفروض نعملها شنو عشان نعالج المشكله دي.
اولا سرعة القذف هي قذف المَني أسرع من معدل الوقت الطبيعي . طيب الزمن المتعارف عليه كزمن طبيعي لحدوث القذف بيتراوح بين 2 - 10 دقائق من بدء الجماع.
طيب نجي لأعراض سرعة القذف:
العرض الرئيس هو في طبيعة الحال هو انو يحصل الدفق في وقت قبل المرغوب فيه والحاجة دي ما ضروري في وقت الجماع فقط حتي في حالة الاستمناء.
والحاجه دي تأثيرها النفسي كبير شديد علي الطرفين وبتدخلنا في احباط، ضيق وكمان ممكن تكون سبب في فشل علاقات زوجيه كتيره .
طيب نجي للاسباب

للان مافي سبب واحد أو واضح بس هي ممكن تكون نتيجه لمجموعه أسباب

الاسترس او الضغط النفسي العالي.
العجز الجنسي ( الناس العندها مشكله مثلا ذي ضعف الانتصاب).
القلق.
المشاكل الزوجية العاديه( ودي في حال انو الشخص كان القذف عندو سليم في الحالات العاديه )
ممكن تكون بسبب مشاكل لخطبه هرمونيه.
اضطرابات الغده الدرقيه.
الاستمناء ( رجاء الناس تبعد عن الحاجه لانها فعلا بتدمر)
اضطرابات في غدة البروستاتا.
التوقف المفاجئ عن تناول المخدرات للأشخاص المدمنين.
للتشخيص ممكن نعتمد
فحص نسبه هرمون ال testosterone
او الفحص الجسدي العادي

علاج سرعة القذف

العلاج

تخفيف التوتر والضغط النفسي.
التنفس العميق اثناء الممارسه.
الرياضه .
إطالة فتره المداعبة.
تقنية الضغط ( اللهي في اللحظه البتحس انو ممكن يحصل قذف تضغط علي العضو ضغطه قويه باليد الضغطه دي
بتعمل لينا تراجع خفيف في الانتصاب وبالتالي بتطول المده.
استخدام المخدرات الموضعيه ( كريم او اسبراي) بس عيبها انها بتعمل تخدير للقضيب وما حتحس بمتعه.
وفي تقنيات علاجية جديده بتعالج ضعف الانتصاب ذي ال P-Shot

جلسات البلازما المتوفره😻🔥
💛بلازما للشعر
💛بلازما للجلحات
💛بلازما للحواجب
💛بلازما لتوريد ااشفايف
💛بلازما للمفاصل
💛بلازما تصبغات
💛بلازما وجه +درمابن
💛بلازما شعر +درمابن

حبابكم عشره 🤗
حنتكلم عن أنواع البشرة وطريقة العناية بكل نوع 🌸 ..

🌸 تحديد نوع البشرة :

بنغسل الوجه قبل النوم وبنجففو واول ما نصحي من النوم نقوم علي المرايه ونشوف وشنا دا
اذا لقينا فيهو :⁦
🦋 لمعة في بشرتنا _المسام متسعه_والرؤوس واضحةعالأنف⁦⬅️⁩البشرة دهنية

🦋 جفاف شديد بالبشرة مع وجود حكة والمسامات بتكون غير مرئية ⬅️⁩البشرة جافة .

🦋 زيوت خفيفة بمنطقة الأنف والجبين بس والمسامات بتكون متوسعة بنسبة بسيطة أما الخدود بتكون جافة ⁦⬅️⁩البشرة مختلطة .

🦋 بشرة ظريفة ومستقرة بدون دهون أو مسام أو جفاف ⁦⬅️⁩البشرة عادية .

🌟 البشرة الدهنية :

أصحاب النوع دا من البشره محظوظين بجانب معين ف بشرتهم بتكون سميكه وأقل تجاعيد
وعشان نحافظ على التوازن بين وجود الكتير من الزيوت والرطوبة الطبيعة للبشرة :
👈🏻غسل الوجه صباح ومساء_
بعد التمرين _او مشوار في الشمس حقتنا النار دي
اختيار المنتجات البتقلل الافرازات وكمان يكون فيها ماده مضاده للبكتيريا anti bacterial
"خالي من الزيوت "
استخدام غسول رغوي لطيف
مع إنو الأغلب بيفتكرو إنو الغسول القوي قادر ع تنضيف البشرة بشكل أفضل وتجفيفها بس دا كلام غلط عشان الحاجه دي حتعمل تهيج في البشرة وحيزيد أفراز الدهون وبدل ما تحل المشكلة حتكون زدتها.
ويفضل يكون في تركيبتو حمض الساليسيليك أو حمض الجليكوليك أو احماض بيتا هيدروكسي .

👈🏻الغسول أفضل من الصابون عشان الصابون قاسي و حينشف البشره وك رد فعل عكسي الغدد الدهنية حتزيد أفراز الدهون🙃
👈🏻
بالاضافة لتقليل استخدام الماسكات
طبعاً ماسك الطين أو الفحم
أو الماسكات اللي عندها قدرة انها تنضف المسام وتخفيف الزيوت
بس طبعاً استخدامها نادراً وفي المناطق الفيها دهون اكتر بالوجه.

👈🏻واهم نقطه انو الحبوب البتظهر ما نلمسها ولا نحاول نعصرها لأنو في الحاله دي الحبه حتحبك وبتعمل ليك ندوب حتكون قاعده معاك وتشوه ليك بشرتك 🤦🏻‍♀️⁩

👈🏻 واقي_الشمس مهم جداً بنسبة حماية 30 او أعلى
وبننصح يكون على شكل جيل من كونو كريم
ولازم نبعد تماماً عن أي منتجات فيها كحول.

👈🏻بالرغم من رطوبة البشرة الدهنيه بس من الضروري والمهم ترطيبها .

🌟 البشرة الجافة :

جفاف البشرة ليهو عدة أسباب ممكن الروتين الغلط المطبقنو بالأضافة للطقس أو بعض الأمراض الجلدية زي الأكزيما وغيرها
وعشان نعتني ببشرتنا الجافه

👈🏻نغسل وجهنا دايما قبل النوم
الصابون اللهو حيزيد لينا جفاف البشرة حنبعد عنو وحنستخدم غسول رغوي خفيف

👈🏻 ما حنفرك البشره بقوه اثناء الحمام مع مراعاه عدم تجفيفها بالكامل

👈🏻استخدام مرطب بيحتوي في تركيبتو علي
السيراميد أو الهيالورونيك أو الغليسرين بالأضافة للزيوت
بتكون لينا حاجز بحافظ لينا على الرطوبة

❌بالأضافة لتجنب الصابون
بنتجنب أي منظفات للبشرة فيها معطرات أو كحول.
بالأضافة للصوابين المضادة للبكتيريا اللي فيها مقشرات

👈🏻 الحمام بكون بماء دافي ما سخن ( مع انو المويه حقتنا دي بتجي بتغلي) .

👈🏻 التقشير مهم شدييييد
لأنو بيسمح للمرطبات ب دخول بشرتنا بشكل أفضل
بس ما اكتر من مره واحده في الاسبوع

✅ ترطيب ترطيب ترطيب
أكتر من مرة باليوم

🌟 البشرة المختلطة :

من الصعب تحديد روتين العناية بالبشرة المختلطه
لانو بيكون في جزء لامع دهني وفي جزء جاف

👈🏻 تنضيف البشرة بلطف وعلي روااااق
صباح ومساء
مع اختيار منظف للبشرة يكون بساعد في إزالة الدهون وفي نفس الوقت ما بجفف البشرة بطريقة كبيره
ممكن نقترح الغسولات الفيها حمض الساليسيليك

👈🏻 هنا بيجي دور التونر واهمتو الشديده عشان حيهديء البشره في المناطق الجافة

👈🏻 ترطيب البشرة ب استخدام مرطب بعدل التناقض الموجود ف الخيار الأفضل هو مرطب
خفيف وقوامو مائي وما بيحتوي علي الزيوت

👈🏻الحرص ع استخدام واقي شمسي كمان خفيف وكمان بقوام مائي
وكمان هنا حنقشر ب استخدام مقشر لطيف مرة أو مرتين في الاسبوع
عشان نحافظ عالمسام نضيفة وكمان نخفف الجفاف

اها ياجماعه بشرتكم دلعوها بالسيرمات خصوصا سيروم فيتامين c وسيرم الهاليرونك اسد

🌟 البشرة العادية
واخيرا مرحب بالمحظوظين :

🌟 البشرة المستقرة
بالبداية الصباح حنبدا ب
👈🏻 غسول ويفضل يكون خالي من الكبريت أو السلفات
مع استخدام مرطب للوجه لطيف بيحتوي على واقي للشمس بنسبة 30 او أعلى

👈🏻 بالليل
ممكن نستخدم نفس الغسول
وإذا كانت البشرة عليها ملوثات
حنمسح الوجه بسائل منظف وبعدها الغسول و
ترطيب البشرة بالأضافة لاستخدام سيرومات مغذية فيها فيتامين C

👈🏻 بالنسبة للتقشير
بنستخدم مقشر خفيف بيحتوي على
Glycolic acid

وحنطبق القاعدة الدهبية قبل كل شي

" اشربو مويه اشربو مويه اشربو مويه كتيره _غذاء صحي _ونظافة تامة ⁦
ودمتم بعافيه

ترقبو عرض العيد قريباً 😍 ابقو قراااااب الفرص محدوووودة جداً جداً 😍😍😍