ناعمة Na'ema

هل تعلمي؟؟؟

انو ماسك الكركدي… علاج طبيعي بيرجع للشعر صحّتو ولمعتو! 🌺

يا بنات، الكركدي ما بس مشروب مغذي ومنعش ولا للون الأحمر الحلو وبس …
لا ده كمان فيهو مضادات أكسدة وفيتامين C ومواد مغذية بتقوّي الشعر وتمنع التقصف بصورة حقيقية 👌🏽✨

💗 تعالي نشوف فوائد الكركدي للشعر شنو ؟

بساعد في تنظيف فروة الرأس وبنشط الدورة الدموية. 🧚‍♂️

بقوّي الشعرة ذاتها ويقلّل التكسر والتقصف. 🤷‍♀️

بدي لمعة طبيعية بدون زيوت كتيرة. 👌

بعالج الجفاف وبيخلي الشعر طري. 🤗

ممكن يدي لمسة لون وردية بسيييييييييطة للشعر الملون بلون فاتح (بس ما بغيّر لون الشعر الغامق). 🌺

🧉 طريقة التحضير الصحيحة:
1️⃣ اغلي ملعقتين كركدي في كباية موية لحدي ما اللون يكون قوي.
2️⃣ خلّيه يبرد تماماً.
3️⃣ أضيفي ملعقة زيت (زيت خروع أو جوز هند أو زيتون).
4️⃣ ضيفي معلقة نشأ وممكن زبادي لو عايزة.
5️⃣ لو شعرك جاف شديد، أضيفي ملعقة عسل.

💆🏽‍♀️ طريقة الاستخدام:
- وزّعي الخليط على شعرك من الفروة للأطراف يا السمحة.

- غطّي شعرك 20–30 دقيقة. 🕜

- غسليه بشامبو خفيف وموية فاترة. 🦪

- كرري مرة في الأسبوع للنتيجة الواضحة ✨

💬 نصيحة مهمّة:
ماسك الكركدي آمن… لكن الأفضل تعملي اختبار بسيط على خصلة لو شعرك لونو فاتح شديد وما دايرة أي درجة لون.

اكتبي لي في الكومنتات لو بتعرفي طريقة غير دي وخلونا نستفيد من بعض 😍.
#ماسكات طبيعية
#العناية بالشعر
care

الشتاء خلاص دخل بتحبي تستحمي بالمويه الحاره ولا الباردة تعالي قولي لينا في التعليقات عشان أوريكم الأفضل ليكم شنو

أجمل إستايلات حماية الشعر لشعر صحي وقوي 💪✨

لو دايرة تحافظي على نعومة شعرك وتقللي من التقصف، استايلات الحماية هي الحل الأمثل 🙌💛

بتساعد الشعر يرتاح من الحرارة والشد الزائد، وبتحافظ على الترطيب لفترة أطول.

💁‍♀️تعالي اوريك أشهر استايلات الحماية في العالم :

🌿 الضفاير الأفريقية (Box Braids) – ثابتة وجميلة وبتديك مظهر أنيق.

🌀 التويست (Twists) – خفيفة على الشعر ومناسبة لكل الأطوال.

✨ الكورنروز (Cornrows) – عملية ومريحة لفترة طويلة.

🌸 بناتيل منخفضة (Low Manipulation Styles) – زي البف أو الكعكة المريحة.

🧵 الكروشيه بريس (Crochet Braids) – شكل جميل وما بتاخد وقت طويل.

💡 نصائح مهمة قبل تعملي أي ستايل حماية:

💧 رطّبي شعرك كويس قبل الاستايل البتحبيهو.

🥥 استخدمي زيوت خفيفة عشان تحافظي على اللمعان.

😴 لما تجي تنومي البسي طاقية حرير أو ساتان.

⏳ وما تخلي الاستايل لفترة طويلة عشان ما يجهد الجذور.

✨ استمتعي بمظهر جميل وشعر صحي في نفس الوقت.

دا بوست عالمي عديل ولا شنو 😟

يلا يا عسل لايك وكومنت عشان كلنا نستفيد من بعض.
#استايلات حماية الشعر
#كيف تعتني بشعرك في الشتاء
care

تحية خاصة لأحدث المتابعين لي! يسرني انضمامك! بريق الامل بريق الامل, ام مصطفي, سرو سنين

شنو الزيت البناسب مسامية شعرك؟؟

كتير من البنات بستخدمو أي زيت بدون ما يعرفو مناسب لمسامية شعرهم ولا لا.. وده السبب البخلّي النتائج تتأخر 😔.

تعالوا نشوف المناسب لكل مسامية👇✨

🔵 المسامية المنخفضة (Low Porosity)

شعرك بيكون صعب يمتص الزيوت، فالأفضل زيوت خفيفة سريعة الامتصاص:
✔️ زيت الجوجوبا🫐
✔️ زيت العنب 🍇
✔️ زيت الأرجان ✨
✔️ زيت اللوز الحلو🍯
نصيحة: سخّني الزيت شويّة قبل الاستخدام يساعد شعرك يمتصه أكتر 💛

🟡 المسامية المتوسطة (Medium Porosity)

أكتر مسامية متوازنة.. مناسبة لكتير من الزيوت:
✔️ زيت الزيتون🫒
✔️ زيت جوز الهند 🥥
✔️ زيت الأفوكادو🥑
✔️ زيت الخروع الخفيف☘️
نصيحة: ركّزي على الترطيب الأسبوعي بالماء + الزيت 💧

🔴 المسامية العالية (High Porosity)

شعر بيفقد الترطيب بسرعة.. فعايز زيوت تقيلة تسد الفتحات او المسامات:
✔️ زيت الخروع الأسود🍃
✔️ زيت السمسم🍂
✔️ زيت الكركار الأصلي ❤

✅ نصيحة: استخدمي LOC أو LCO لترطيب أعمق (ماء + كريم + زيت).

🌸 أعرفي مساميتك.. واختاري الزيوت الصح.. وشعرك حيشكُرِك اكيد 😍✨

راجعي البوستات الفاتت موضحة ليك فيها اختبار المسامية وكل حاجه بتخص الموضوع دا 🤗🌷.

لايك 👍 ولو عندك اي استفسار اكتبي في التعليقات ح ارد بكل سرور 💜.
#زيوت حسب مسامية الشعر
#زيوت لإطالة الشعر
care

أربع مكونات طبيعية تطوّل الشعر وتقوّيهو! ✨🌿

🍀 القرنفل:
بساعد على تنشيط الدورة الدموية في فروة الرأس وبيقوّي الجذور.

✔️ طريقة الاستخدام:
انقعيه في موية دافيةبالساعات، وامسحي بيهو فروة راسك يوم بعد يوم.

🍀 الروز ماري (إكليل الجبل)
يعالج التساقط وبنعّم الخصلات.

✔️ طريقة الاستخدام:
تغلِّي الروزماري وتخليه يبرد، وبعد الغسيل رشيه على شعرك وخليه ينشف طبيعي وممكن تسحنيهو و تدخليهو في ماسكك المفضل.

🍀 الكركدي:
بيعطي لمعان وترطيب للشعر، وبيساعد في تحفيز النمو.

✔️ طريقة الاستخدام:
اغلي شوية كركدي، خليه يبرد، واستخدميهو كـ "رذاذ" بعد الحمام، وممكن تعملي ماسك الكركدي طبعاً غني عن التعريف.

🍀 الحلبة:
من أقوى المكونات في تكثيف الشعر وملء الفراغات.

✔️ طريقة الاستخدام: ا
انقعي الحلبة ليلة كاملة، واسحنيها ناعم واعملي منها ماسك باضافة زبادي وزيت جوز هند، على فروة الراس لمدة ٣٠ دقيقة .

✨ ملاحظة:
ممكن تستخدمي المكونات دي كلّها بشكل متبادل خلال الأسبوع عشان تحصلي على أفضل نتيجة.

✨ ثبّتي روتينك وشعرك حيقول ليك شكراً! 💕🌿.

اكتبي لي في التعليقات جربتي شنو من الحاجات دي ☝.
مكونات طبيعية
#ماسكات طبيعية
#أعشاب طبيعية
#منتجات طبيعية
care

عايزة شعرك يكون ناعم ✨، لامع 💫، ورحتو حلوة .. 😍
السر في روتين الشعر الإفريقي بزيت الكركار الأصلي 🧴🌿!

💛 الكركار مافي زيه!
ومعروف من أسرار الجمال السوداني القديمة(حاجة كدا من خبرة حبوباتنا يا حليلهن)، بجد بيغذي الشعر من الجذور، وبرطّبه ليك، ويخلي يلمع زي الحرير ✨👌.

🌼تعالي اوريك كيف تعملي روتين بالكركار:

1️⃣ غسلي شعرك بشامبو خفيف خالي من الكبريتات 🫧.

2️⃣ اعملي بلسمك المفضل ، ونشّفي شعرك (خلي منشفتك قطنية دائماً لانو ما عندها اضرار ) وحنينة كمان👌😉.

3️⃣ وزّعي زيت الكركار على الأطراف وادخلي لفروة الرأس بتدليك ناعم 💆🏽‍♀️.

4️⃣ غطي شعرك بفوطة دافية لمدة 15 دقيقة (عشان يتغلغل ليك جوة الشعر والفروة مع بعض) ⏱️.

5️⃣ استعمليهو يومياً بكمية بسيطة عشان يديك ترطيب ولمعان يدوم ✨.

✅ النتيجة:
شعر ناعم، مرن، خالي من التقصف، وريحتو كمان رهييييبة 😍💫.

يلا لايك👍 واكتبي لي في التعليقات بتستعملي الكركار ولا ح تجربي ياداب 🤗؟.

يلا يا السمحة تعالى نورينا و تابعينا في قروب ناعمة لأنك ناعمة و تستاهلي المفيد و المتنوع

https://www.facebook.com/share/1ALgbF5cxQ/

ناعمة Na'ema ناعمة، بتؤمن إن الجمال الحقيقي بيبدأ من القبول الذاتي وحبك لطبيعتك، سواء كان شعرك كيرلي، خشن، أو مجعد، أو لون بشرتك داكن أو سمراء، انتي جميلة ومميزة بطريقتك الخاصة
ناعمة هنا عشان تدعمك، تساعدك، وتتشارك معاكِ أفضل الطرق الطبيعية للعناية بطبيعتنا الافريقية.