Ayat Esamaldeen

حاجة بسيطة كده ليك إنت ِ❤✨
انتِ ي السمحة ي ستهم و ي ست البنات و ست الكل الما زيك زول ي حواءَ ي جميلة ي قوية و معافرة و أجمل خلق ربنا و أرقةَ❤✨
خليك عارفة دايماً إنك م إنسانة ساهلة و لا هينة سواء كنتي أم زوجة أخت صديقة حبيبة❤✨
إنت ِ في كل مكانة من ديل إنت ِ قوية و جميلةَ و إنت ِ بتقدري تعملي أي شي و ما في شي يصعب عليك، خليك دايما بتحلمي بالسمح و بي يليق بيك دايما ما يحبطوك و يقولو ليك م بتقدري لا إنت ِ قدرها و أضعاف كمان ي السمحةةة، أحلمي و اتمني و مالو الحلم بي قروش و ربنا بيديك ع قدر سعيك و قدر نيتك في كل شي❤✨
وعايزة اقول ليك م تقعدي مكان واحد اتعلمي اي حاجة لزمنك و لنفسك قبل اي شي إن شاء الله ي ستي تتعلمي وصفة جديدة أو تتعلمي كيف تعملي بيتزا ح تشوفي التغيير اليحصل في يومك و مودك و تحسي إنك اي أنا قدرته اعملها ي سلام طلعت ساهلة و م شاءالله حلوة❤❤✨
و كل م إنت سهلتي الفكرة و حاولتي تعملي الحاجة أياً كانت صدقيني ح تقدري و ح تعبري و تكوني إنسانة ناجحة في كل شي و خلي إيمانك قوي شديد و أهم شي إنك تثقي في نفسك و إنت بتحاولي اثبتي لنفسك أولا إنك بتقدري و اكسري الحواجز و كلام الناس عنك و خليهم يشوفو إنتِ بتقدري تعملي شنو و أكتر ي ستي❤✨

( خطواته و هيّا بتعدي نظراتهَ فيّهمْ تَحدي كلامتهَ أنا حافظاها عندي.. إِشعار و هويةٌ.. هي جميلةَ لكن قويةَ هي بسيطةَ هي دغريةَ هي عظيمةَ هي حربيةَ و سودانيةَ..❤✨)

و أنا_ و إنتِ هِيَّ ❤❤❤❤✨

السلام عليكم ورحمة اللة❤

﴿لَا يُكَلِّفُ اللَّهُ نَفْسًا إِلَّا وُسْعَهَا ۚ﴾ .
دايماً قدرتك على "الصبر" و"التجاوز" هتبقى على قدر الشيلة ، لا أكتر ولا أقل ، مهما كان حجم وصعوبة "الظرف" لو ماكُنته قدره أو هتعديه أو هيمر ما كان ربنا هيختك فيه من أساسه ، ربك رب العطا بيبعت البرد على قدر الغطا❤✨.
كلنا عارفين الظروف البقت ضاغطة شديد مع فترة الحرب دي و قدر شنو نحن عانينا و تعبنا و ضاعت قرايتنا و شغلنا و تعبنا بس زي م قال الآية و( لاَ يُكَلَّفُ اللَّهُ إِلَّا وُسْعَهَا )، كلها إبتلاءت نحن لازم نصبر عليها بالرغم من قسوتها و بالرغم عن أي حاجة يجماعة نحن نقول الحمدلله رب العالمين و الحمدلله ع كل حال❤✨.
أنا واحدة من الناس الكنته دايما بفكر في إنو كيف أقدر أشتغل عشان أساعد ناس بيتنا و أساعد نفسي ثانياً و ما عايزة أدخل في تفاصيل عشان م أطول بس أنا جربته حاجات كتيرة و لسه بجرب و كل يوم و كل صباح بفكرة جديدة و آمل جديد، نحن عمرنا ضايع و طول م نحن قاعدين في مكان واحد الشغل و القروش و اي حاجة عايزنها ما بتجينا في مكانه، لا إنت لازم تقوم تسعي و تعافر و تكابس عديل يجماعة الزمن للأسف بقي محتاج إنك تقالع عديل عشان تعيش و الحمدلله رب العالمين❤.
ف أنا إن شاء الله عايزة أبدا سنة و طريق كلو آمل و تفاؤل و أفكار جديدة كل يوم، و عايزة أبدا و أنا في الطريق ده أشجع الناس معاي سواء كان إنت ِ و لا إنت َ، م تقعدو ساي م تقعدو ساي ي شباب، إن شاء الله أقدر افيدكم و تستفيدوا مني أيا ً كانت الأفكار دي و من هنا ل السنة الجاية بإذن الله الكريم ح نشوف نحن وصلنا ل وين و ح نكون بإذن أنجزنا حاجات كتيره❤✨
عارفة طولته شديد بس عشان افتتاحية و كده ي شباب😂❤
و ح أكون سعيدة و ممتنة لكل شخص كان معاي من اللحظة و لمن نصل بإذن الله لكل شي عاوزنو❤✨.

قولو آمين😂❤✨.