Somaliland Medical Association - SLMA

Shirwaynaha 2aad ee Dallada Dhakhaatiirta Lafaha Somaliland

Waxaa maanta si guul leh u qabsoomay Shirwaynaha 2aad ee Dallada Dhakhaatiirta Lafaha Somaliland, kaas oo ay kasoo qayb-galeen dhakhaatiirta lafaha, khubaro caafimaad iyo marti sharaf kala duwan.

Intii uu socday shirwaynuhu, waxaa lagu soo bandhigay cilmibaadhisyo kala duwan oo khuseeya cudurrada lafaha, dhaawacyada iyo horumarinta adeegyada caafimaadka lafaha.

Sidoo kale, shirwaynaha waxaa lagu doortay hoggaan cusub iyo Board cusub oo hagi doona Dallada muddada soo socota. Waxaa Guddoomiyaha Ururka loo doortay Dr. Siciid Cismaan Daahir, halka Guddoomiye Ku-xigeen loo doortay Dr. Manaal Maxamed Daauud.

Kulanka waxaa sidoo kale kasoo qayb-galay wufuud iyo marti caalami ah, kuwaas oo ay ka mid yihiin Australia Doctors for Africa.

Ugu dambayn, Ururka Dhakhaatiirta Somaliland (SLMA) wuxuu hambalyo iyo bogaadin u dirayaa hoggaanka cusub iyo dhammaan xubnaha Board-ka. Waxaan u rajaynaynaa inay ku guulaystaan hoggaaminta Ururka iyo horumarinta adeegyada caafimaadka lafaha ee Somaliland.

Hambalyo Dallada Dhakhaatiirta Lafaha Somaliland iyo hoggaankiisa cusub! 🎉🦴

🎉 𝗣𝘂𝗯𝗹𝗶𝗰𝗮𝘁𝗶𝗼𝗻 𝗔𝗰𝗵𝗶𝗲𝘃𝗲𝗺𝗲𝗻𝘁

Case Report Publication

The Somaliland Medical Association (SLMA) proudly congratulates Dr. Mubarik Jama and his co-authors on the successful publication of their case report in the Journal of Emergency & Critical Care Case Reports. 👏📚

📘 𝗧𝗶𝘁𝗹𝗲:
New-Onset Atrial Fibrillation With Rapid Ventricular Response Associated With Right Lower-Lobe Community-Acquired Pneumonia and Parapneumonic Pleural Effusion

This case report presents a valuable clinical experience involving a 60-year-old woman who developed new-onset atrial fibrillation with rapid ventricular response in association with community-acquired pneumonia and parapneumonic pleural effusion.

The report highlights the importance of early recognition, comprehensive clinical assessment, appropriate cardiac evaluation, and effective management of acute cardiac complications in patients with severe systemic illnesses.

🖋️ 𝗣𝘂𝗯𝗹𝗶𝗰𝗮𝘁𝗶𝗼𝗻 𝗗𝗲𝘁𝗮𝗶𝗹𝘀:
• First & Corresponding Author: Dr. Mubarik Jama
• Co-Authors: Tilahun Workneh Enyew and Dr. Mokhtar Farah

LINK: https://dergipark.org.tr/en/journal/2207/article/2024376/author/overview

Basic Surgical Skills Training is ongoing, and today our young doctors are developing practical orthopedic skills, including casting techniques. We are grateful to our senior orthopedic doctors for their valuable mentorship and dedication to guiding the next generation of doctors. 🩺🦴

Shirkii 2aad ee Ururka Dhakhaatiirta Lafaha oo ka Qabsoomaya Magaalada Hargeysa

Waxaa magaalada Hargeysa ka qabsoomi doona Shirkii 2aad ee Ururka Dhakhaatiirta Lafaha, kaas oo ay isugu imanayaan dhakhaatiirta ku takhasusay xanuunada iyo dhaawacyada lafaha ee Jamhuuriyadda Somaliland.

Ururka Dhakhaatiirta Lafaha ayaa ka mid ah ururrada xirfadeed ee ka tirsan dalladda guud ee Somaliland Medical Association - SLMA

Ururka Dhakhaatiirta Lafuhu waxa uu door muhiim ah ka qaata horumarinta aqoonta iyo tayeynta adeegyada caafimaadka ee la xidhiidha xanuunnada iyo dhaawacyada lafaha.

Shirka waxaa lagu soo bandhigi doonaa cilmi-baadhisyo caafimaad oo ku saabsan xanuunnada lafaha iyo dhaawacyada ka dhasha shilalka, iyadoo la is-weydaarsan doono khibrado iyo aqoon kor loogu qaadayo tayada adeegyada caafimaadka.

Ururka Dhakhaatiirta Somaliland, oo kaashanaya International College of Surgeons – Somaliland Section, ayaa tababar ku saabsan Xirfadaha Aasaasiga ah ee Qalliinka iyo daryeelka dhaawacyada(Basic skills science and trauma) u qabtay qaar ka mid ah dhakhaatiirta Somaliland.

Tababarkan ayaa diiradda lagu saaray kor u qaadista aqoonta iyo xirfadaha caafimaad ee dhakhaatiirta, gaar ahaan xirfadaha muhiimka u ah daryeelka bukaanka iyo hawlaha qalliinka.

Tababarkani wuxuu qayb ka yahay dadaallada lagu xoojinayo tayada adeegyada caafimaadka iyo horumarinta xirfadaha dhakhaatiirta Somaliland, iyadoo la siinayo aqoon iyo tababar ku salaysan habraacyada casriga ah ee qalliinka.

Waxa kale oo uu tababarku dhiirrigelinayaa is-weydaarsiga aqoonta, wada shaqaynta xirfadlayaasha caafimaadka iyo horumarinta adeegyada qalliinka ee Somaliland.

Ujeeddada ugu weyn waa in dhakhaatiirtu helaan xirfado wax-ku-ool ah oo ay si ammaan ah ugu adeegsan karaan bukaannadooda, taas oo ka qayb qaadanaysa horumarinta daryeelka caafimaadka iyo badbaadada bukaanka.

Hoggaanka Sare ee Ururka Dhakhaatiirta Somaliland (SLMA) ayaa ka qayb-galay tababar heer sare ah oo ku saabsan hoggaaminta caafimaadka, kaas oo ay soo qabanqaabiyeen World Medical Association - WMA oo kaashanaya Coalition of African National Medical Associations (CANMA), laguna qabtay Livingstone, Zambia. 🇿🇲

Tababarkan waxaa diiradda lagu saaray hoggaaminta casriga ah ee caafimaadka, xoojinta awoodda ururrada dhakhaatiirta, iyo sidii ururrada dhakhaatiirtu door muuqda uga qaadan lahaayeen horumarinta caafimaadka Afrika.

Tababarka waxaa bixinayay madaxda sare iyo khubaro ka socday WMA, Africa CDC, iyo Madaxda Sare ee CANMA, iyadoo laga wada hadlay hoggaaminta, iskaashiga iyo sidii loo xoojin lahaa doorka iyo codka dhakhaatiirta Afrika.

Sidoo kale, tababarka waxaa barbar socday Shirka Ururrada Dhakhaatiirta Afrika, oo ay ka qayb-galeen hoggaamiyeyaal iyo wakiillo ka kala socday ururrada dhakhaatiirta ee dalal badan oo Afrika ah.

SLMA waxaa madashan ku metelay :

1. Guddoomiyaha SLMA – Dr. Yusuf Mohamed (Ayman)
2. Xoghayaha Guud – Dr. Abdiaziz Hakiye
3. Guddoomiyaha SLMA ee Gobolka Awdal – Dr. Abdirisaq Kadiye

Ka qayb-galka SLMA ee madashan muhiimka ah wuxuu fursad u yahay xoojinta iskaashiga ururrada dhakhaatiirta Afrika, kobcinta hoggaaminta caafimaadka, iyo in codka dhakhaatiirta Somaliland uu si muuqata uga qayb noqdo dadaallada lagu horumarinayo caafimaadka Afrika.

BASIC SURGICAL SKILLS TRAINING

A practical training designed to strengthen healthcare professionals’ essential surgical skills, including aseptic techniques, instrument handling, knot tying, suturing, and wound management.

📅 Date: 22–27 August 2026
⏱️ Duration: 6 Days
🕗 Time: 8:00 AM – 12:00 PM
📍 Location: Hargeisa, Somaliland
👥 Target Participants: Intern Doctors, General Practitioners Doctors, Residents, and Specialists.

Join Now - https://forms.gle/84xALqEVAZ2BnLpF8

Ururka Dhakhaatiirta Somaliland (SLMA) ayaa magaalada Gabiley ku qabtay tababar ku saabsan maaraynta iyo la tacaalidda dhaawacyada ka dhasha shilalka.

Tababarkan waxaa bixinayay Dr. Khalid Sh. Abdilahi, oo ah dhakhtar takhasus sare ku haysta maaraynta iyo la tacaalidda dhaawacyada ka dhasha shilalka.

Tababarku waxa uu diiradda saarayay sidii xirfadlayaasha caafimaadku u xoojin lahaayeen aqoontooda iyo xirfadahooda ku aaddan qiimaynta, maaraynta iyo daryeelka bukaannada qaba dhaawacyada ka dhasha shilalka, gaar ahaan xaaladaha u baahan gurmadka degdegga ah.

Ururka Dhakhaatiirta Somaliland (SLMA) waxa uu si gaar ah ugu mahadnaqayaa Cusbitaalka Gobolka Gabiley oo qayb laxaad leh ka qaatay qabsoomidda tababarkan, gaar ahaan Agaasime Dr. Isxaaq iyo Dr. Xuseen.

Sidoo kale, SLMA waxa uu mahadnaqayaa Dr. Cabdirashiid Ismaaciil, Agaasimaha Cusbitaalka TB-da Gabiley, taageerada iyo wada shaqaynta uu ka geystay hirgelinta tababarkan.

SLMA waxa uu sii wadi doonaa dadaallada lagu horumarinayo aqoonta iyo xirfadaha xirfadlayaasha caafimaadka, si kor loogu qaado tayada daryeelka caafimaadka iyo badbaadinta nolosha bukaannada.

𝐎𝐆𝐄𝐘𝐒𝐈𝐈𝐒:

Annaga oo tixraacayna qoraalka rasmiga ah ee kasoo baxay Hay’adda Dhowrista Tayada JSL, waxaannu bulshada Jamhuuriyadda Somaliland uga digaynaa isticmaalka daawooyinkan:

𝟏. 𝐘𝐄𝐍𝐈𝐏𝐑𝐎𝐅𝐄𝐍 – 𝐈𝐛𝐮𝐩𝐫𝐨𝐟𝐞𝐧 𝟒𝟎𝟎𝐦𝐠 𝐓𝐚𝐛𝐥𝐞𝐭
𝟐. 𝐘𝐄𝐍𝐈𝐗𝐈𝐔𝐌𝐄 – 𝐄𝐬𝐨𝐦𝐞𝐩𝐫𝐚𝐳𝐨𝐥𝐞 𝟒𝟎𝐦𝐠 𝐓𝐚𝐛𝐥𝐞𝐭 '

Kuwaas oo ay Hay’addu sheegtay in aanay soo marin habraacyada sharciyeed ee hubinta tayada iyo bedqabka dawooyinka dalka.

Sidaa awgeed, Ururka Dhakhaatiirta Somaliland - SLMA waxa uu bulshada ku wargelinayaa inay ka fogaadaan isticmaalka dawooyinkaas.

Sidoo kale, waxaannu dhakhaatiirta iyo guud ahaan xirfadlayaasha caafimaadka ku adkaynaynaa in brands-kan loo qorin bukaannada, isla markaana laga ilaaliyo isticmaalkeeda dhammaan xarumaha caafimaadka.

𝐎𝐆𝐄𝐘𝐒𝐈𝐈𝐒: 𝐉𝐎𝐎𝐉𝐈𝐍𝐓𝐀 𝐃𝐀𝐀𝐖𝐎𝐎𝐘𝐈𝐍𝐊𝐀 𝐀𝐘 𝐒𝐎𝐎 𝐒𝐀𝐀𝐑𝐓𝐎 𝐒𝐇𝐈𝐑𝐊𝐀𝐃𝐃𝐀 𝐘𝐄𝐍𝐈𝐒𝐎𝐌

𝐒𝐚𝐛𝐭𝐢, 𝟏𝟓 𝐀𝐮𝐠𝐮𝐬𝐭 𝟐𝟎𝟐𝟔, Hay’adda Dhawrista Tayada Jamhuuriyadda Somaliland (SQCC), iyada oo adeegsanaysa Xeerka Hay’adda Dhawrista Tayada JSL, 𝐗𝐞𝐞𝐫 𝐋𝐫: 𝟔𝟖/𝟐𝟎𝟏𝟒, 𝐐𝐨𝐝𝐨𝐛𝐤𝐚 𝟕𝐚𝐚𝐝, 𝐟𝐚𝐫𝐪𝐚𝐝𝐢𝐢𝐬𝐚 𝟓𝐚𝐚𝐝, 𝐢𝐲𝐨 𝐐𝐨𝐝𝐨𝐛𝐤𝐚 𝟏𝟏𝐚𝐚𝐝, 𝐟𝐚𝐫𝐪𝐚𝐝𝐢𝐢𝐬𝐚 𝟐𝐚𝐚𝐝, sidoo kalena gudanaysa waajibaadkeeda ku aaddan ilaalinta badqabka caafimaad ee bulshada iyo hubinta tayada dawooyinka, waxay gebi ahaanba joojisay iibinta, qaybinta, soo dejinta iyo isticmaalka dawooyinka ay soo saarto shirkadda 𝐘𝐄𝐍𝐈𝐒𝐎𝐌, si gaar kuwan hoose ku xusan iyo kuwa kaleba:

𝟏. 𝐘𝐄𝐍𝐈𝐏𝐑𝐎𝐅𝐄𝐍 – 𝐈𝐛𝐮𝐩𝐫𝐨𝐟𝐞𝐧 𝟒𝟎𝟎𝐦𝐠 𝐓𝐚𝐛𝐥𝐞𝐭
𝟐. 𝐘𝐄𝐍𝐈𝐗𝐈𝐔𝐌𝐄 – 𝐄𝐬𝐨𝐦𝐞𝐩𝐫𝐚𝐳𝐨𝐥𝐞 𝟒𝟎𝐦𝐠 𝐓𝐚𝐛𝐥𝐞𝐭 '

𝐒𝐀𝐁𝐀𝐁𝐓𝐀 𝐋𝐎𝐎 𝐉𝐎𝐎𝐉𝐈𝐘𝐄𝐘 𝐃𝐀𝐀𝐖𝐎𝐎𝐘𝐈𝐍𝐊𝐀𝐍:

Dawooyinkani in aanay soo marin habraacyada sharciyeed ee hubinta tayada iyo bedqabka dawooyinka ee u yaalla Hay’adda Dhawrista Tayada JSL.

Hay’addu waxay ku amraysaa dhammaan farmasiyada, xarumaha caafimaadka, ganacsatada iyo qaybiyeyaasha dawooyinka in dawooyinka shirkaddaasi ay soo saarto aan laga oggolayn dalka, lana joojiyey illaa amar danbe.

Sidoo kale, bulshada waxaa lagu wargelinayaa in aanay iibsan, ama isticmaalin dawooyinkan, haddii ay suuqa ku arkaan iyada oo si qarsoodi ah loo iibinayana ay si degdeg ah ula soo xidhiidhaan Hay’adda Dhawrista Tayada JSL, iyaga oo adeegsanaya number-ka gaaban ee 𝟗𝟐𝟐𝟗, ama Lambarka dheer ee: 𝟓𝟐𝟓𝟕𝟐𝟗.

Muwaaddin, fadlan la shaqee Hay’adda Dhawrista Tayada JSL, si innaga oo wadajir ah aan u ilaalinno badqabka caafimaad ee bulshadeenna.

𝐀𝐥𝐥𝐚𝐚 𝐌𝐚𝐡𝐚𝐝 𝐋𝐞𝐡

𝐗𝐚𝐟𝐢𝐢𝐬𝐤𝐚 𝐖𝐚𝐫-𝐈𝐬𝐠𝐚𝐚𝐝𝐡𝐬𝐢𝐢𝐧𝐭𝐚 𝐢𝐲𝐨 𝐗𝐢𝐝𝐡𝐢𝐢𝐝𝐡𝐤𝐚 𝐃𝐚𝐝𝐰𝐞𝐲𝐧𝐚𝐡𝐚, 𝐇𝐚𝐲’𝐚𝐝𝐝𝐚 𝐃𝐡𝐚𝐰𝐫𝐢𝐬𝐭𝐚 𝐓𝐚𝐲𝐚𝐝𝐚 𝐉𝐒𝐋.

Fadlan ha ka faaidaystaan Xirfadlayaasha caafimaadku.

🩺 SLMA WEBINAR

NEW LABOUR CARE GUIDE
Updated guidance for quality and respectful maternity care

👨‍⚕️ Speaker: Dr. Abdimajid Mohamed
MD, Obstetrics & Gynaecology Resident
Saint Paul Hospital Medical College

📅 Date: Saturday, 15 August 2026
🕘 Time: 9:00 PM
💻 Platform: Google Meet

If you are ready to join us, please register your details using the registration form below.

https://forms.gle/9M9s21dS5JUBpntcA