د. فرح فتال

الزغاريد ودموع الفرح والبهجه وانا بغرفه العمليات وعم اسمع اصوات الفرح بقدوم الأميره روح لماما نور وبابا احمد ..لانو روح اجت بعد محاولتين تحريض بابر المحرض فقط بدون طفل انبوب بحاله وسوابق طفل انبوب أحدها فاشل وسوابق ولاده باكره ..وقضت نور حمل متعب مع قصور درقيه وارتفاع ضغط حملي وتهديد ولاده باكره لوصلنا للولاده واجت روح الحلوه.
حمد لله على السلامة حبيبتي ومبارك ال حمصي وال مشاعل بقدوم شمعتكم الصغيره .
د.فرح فتال
شارع فرن الرازي مبنى الجهاز المركزي للرقابه الماليه طابق اول ٢٢٢٣٨١١_٢٢٥٢٧٥٠

متابعاتي العزيزات
اتفاجا بصفحه وهميه تنتحل اسمي الشخصي ومن صوري الشخصيه
الرجاء الابلاغ والحظر ولست مسؤوله عن هذا الحساب الوهمي ابدا
رابط الصفحه https://www.facebook.com/share/1C1KqxypHo/
د.د.فرح فتال

اديبه يا اديبه ..بتجيني حامل ٧ اسابيع بالشهر اللي راقبنا فيه الاباضه بعد علاج ٤ أشهر متواصله لتحسين جوده الاباضه ومخزن الاباضه بتحليل fsh 44 و amh 0.2 يعني
جد بعمر ٤١ وهيك تحاليل انا بفرح بحدوث حمل طبيعي فقط بالمعالجه واستكمال الاستقصاءات فقط بصوره ظليله وتحليل سائل ومراقبه طبيعبه مع علاج مكثف.
دايما بقول لمريضاتي التحليل هو رقم لا تطلعي عليه وممكن يصير حمل حتى لو كان الرقم سيء والله يرحم استاذنا الدكتور موسى محسن كان دائما مصطلح الطبيب مو طبيب لا كان يقول (حكيم ) لانو فعلا الطب مو بس 1+1 لا هو حكمه ومنظومه كامله لجسم الانسان .
د.د.فرح فتال
شارع فرن الرازي مبنى الجهاز المركزي للرقابه الماليه طابق اول ٢٢٢٣٨١١_٢٢٥٢٧٥٠

مع البنات والمساعدات الحلوات ضمن غرفه العمليات وطبيبه التخدير المميزه دكتوره مرفانا فاعور ..
صباح الخير من مشفى الدكتور محمد الشايب .
د.د.فرح فتال
شارع فرن الرازي مبنى الجهاز المركزي للرقابه الماليه طابق اول ٢٢٢٣٨١١_٢٢٥٢٧٥٠

صورتي امبارح مع بنت مريضتي الحلوه حسناء..هالصوره مميزه جدا لانو قصتي مع حسنا قديمه شوي وطويله ..
خبرني المشفى وقت التحرير بمريضه اسعافيه انفكاك مشيمه حاد ووفاه جنين ..لما رحت شفت صبيه حلوه شاحبه جدا حامل بالشهر السابع ومتوفي الجنين وضغطها طالع وعندها سوابق وفيات بنفس الطريقه وما كان عندها غير بنت واحده حيه ..اشتغلتها ونقلت دم وبلازما والحمد لله قامت بالسلامة
بعد فتره راجعتني برغبه بالانجاب وما تتكرر القصه وليش هيك صار..بالتحاليل بين معي يعني وقت الحمل بدنا ابر مميع يومي..وراقبت لصار حمل وبلشت مراقبه مشدده جدا ب مرافق وسكر حملي وخثار وتهديد ولاده باكره ..هيك لاخر زياره كانت عم تبكي وتقلي ( قلتيلي من قبل انتي متل بنتي وانا متل بنتك انا تعبت كتير بالحمل ) وولدت امبارح برابع قيصريه ومشيمه واطئه واجت الأميره الحلوه بصحه وسلامه.
حمد الله على سلامتك حبيبتي الله يحميكي انتي والعسوله الحلوه يا رب.
د.فرح فتال
شارع فرن الرازي مبنى الجهاز المركزي للرقابه الماليه طابق اول ٢٢٢٣٨١١_٢٢٥٢٧٥٠

مبارك لآل دباغ وآل حسكور قدوم مولوهم ورد . خديجه وزوجها تميم مرضى كتير غاليين على قلبي وهدا الطفل الثالث اللي ولدته والحمد لله تمت الولاده بخير رغم الحمل المتعب بارتفاع ضغط حملي وسكر حملي ..ومتل ما وعدتك استاذ تميم رح نتصور وننزل صوره ورد العسل ..
الف مبروك والله يحميلكم أولادكم واحبابكم يارب.
د.د.فرح فتال
شارع فرن الرازي مبنى الجهاز المركزي للرقابه الماليه طابق اول ٢٢٢٣٨١١_٢٢٥٢٧٥٠

اليوم رح كمل بالقصص الحلوه اللي فعلا بتعطي تفاؤل ولا نيأس ابدا من العلاج بالحالات الصعبه..اجتني اموله الحلوه من ٣ اشهر بالظبط بوجه مكتئب ويائس وصوت عم يرجف ..لييييه..لانو هي بعمر ٤٢ سنه وبلشت الدوره الطمثيه تقطعها وبتحليل ال fsh كان مرتفع (27) يعني قصور مبيضي وزارت عده اطباء وفقدت الامل عالأقل ترجع دورتها..انا طمنتها وعطيتها علاج دوائي فقط وقلتلها روحي وارجعي بعد ٣ اشهر بنفس الخطه العلاجيه هالفتره..اجت اموله وهي زعلانه من يومين انو فاتتها الدوره وبلشت تقطع وشو اعمل .اجريت فحص الايكو وهي لسا عم تحكي ليش هيك صار وانا ساكته وعم طلع بالايكو وقلتلها كلمتين بس ...بتعرفي انتي حامل حبيبتي..وفعلا في حمل وكانت الصدمه فعلا كبيره عليها بس صدمه مفرحه.
الف مبروك يا رب وانشالله التمام على خير
د فرح فتال
حلب شارع فرن الرازي مبنى الجهاز المركزي للرقابه الماليه طابق اول ٢٢٢٣٨١١_٢٢٥٢٧٥٠

حبيبنا الحلو صار كربوج .ابنها لماما روعه بعد مراقبه مشدده جدا جدا بسوابق طفل انبوب ومقدمه ارجاج شديده وصار حمل عفوي بعدها وكملنا بمراقبات مشدده للضغط لوصلنا لبدايه الشهر التاسع واجا أميرنا الحلو..
الله يحميه حبيبتي ويجعله من البارين الصالحين يارب.
د.د.فرح فتال
شارع فرن الرازي مبنى الجهاز المركزي للرقابه الماليه طابق اول
الحجز بالعيادة ٢٢٢٣٨١١_٢٢٥٢٧٥٠

بتضل مشاعر الفرح والتفاؤل موجوده لما بيحدث الحمل بعد معاناه وقصه عقم متل ما صار مع مريضتي الحلوه سميه اللي حاولت وسعت للحمل بعمر ٤٣ سنه والحمد لله بعد #عمليه #التنظير واستئصال بوليب وفك التصاقات كبيره وتحرير البوقين وبتحريض الاباضه بعد المعالجه بشهر تم الحمل وشفنا النبضان والحمد لله الجنين سليم.
الف مبروك حبيبتي وانشالله التمام على خير يارب
د.فرح فتال
حلب شارع فرن الرازي مبنى الجهاز المركزي للرقابه الماليه طابق اول ٢٢٢٣٨١١_٢٢٥٢٧٥٠

قصتي اليوم قصه مع مريضتي الحلوه شام ..شامو كانت عم تتابع معي من اول الحمل ببنوته حلوه هيك لصارت بالشهر الثامن وهون بلش شوي ينقص السائل الامنوسي ..ضليت اتابع مع دكتوره الاشعه والمراقبه المشدده للحركه ليصير عمر الحمل مناسب للولاده ..اجتني من يومين عالعياده بمراقبه روتينيه بعد يوم متعب بالعمليات وكانت بغرفه الانتظار عم تحكي انو عيد ميلادها اليوم ومعقول تولد اليوم ( وهي لسا حامل ٣٦ اسبوع و٤ ايام ) دخلت شام وبلشت صور ..المفاجأة انو دقات القلب عم تنقص ..وما عم تطلع(يعني بدايه تألم جنين )..طلعت فيها وبماما فاطمه وخلال ثواني قلتلها الحقيني عالسياره رايحين عالمشفى..خلال دقائق كنا انا وشام بغرفه العمليات بتجهيز سريع جدا من المشفى وطبيب التخدير الحاضر وطلعت شمس بأسرع قيصريه اسعافيه والحمد لله اجت شموسه بصحه وعافيه وما احتاجت شي وعلى قوله طبيب التخدير دكتور معمر فاعور بدنا قالبين كاتو بدل قالب لانو صار عيد ميلاد ماما شام وبنتها شمس .
الحمد لله بلطف رب العالمين وبدعاء كل اللي كانو بالعياده وحضرو الموقف واكيد الخوف لنانا فاطمه اللي كنت عم طمنها كل الطريق اجت الصبيه الحلوه بسلامه .
الف مبروك حبيبتي وانشالله بتكون من البارات الصالحات يارب.
د.فرح فتال