Endless beauty

🔴 تسع معلومات لازم تعرفا قبل ما تستخدم منتجات موضعية ع لبشرة بتحوي ريتينوئيد !

1⃣ بدايةً الريتيونوئيد هي من مشتقات فيتامين A؛ بيساعد الجلد على تجديد ذاته ؛ ويستخدم لحالات حب الشباب ولجعل مظهر البشرة أكثر نعومة ..

2⃣ ضو اللمبة ممكن يقلل من فعالية الريتينوئيد لهيك يفضل تحطو قبل ما تنام وتطفي الاضوية ..

3⃣ الكمية الي حتطبقها ع وشك #ما لازم تكون كمية كبيرة " بيكفي كمية بحجم حبة البازلا" لانو الكمية الكبيرة ممكن تكون مؤذية ..

4⃣ وطبعاً المفروض تغسل وشك قبل ما تتطبق الريتينوئيد وتنطر وشك #لينشف ع المزبوط بعدا تحط عليه المنتج

5⃣ واكيد تتجنب الشمس خلال النهار ..وتحط واقي لما تظطر تطلع ؛ مع تجديد الواقي كل ساعتين او تلاتة ..في حال كان التعرض للشمس طويل ؛ لانو الريتينوئيد بيزيد حساسية الجلد للاشعة فوق البنفسجية

6⃣ وللأسف المنتجات الحاوية ريتينوئيد مو سحر !
يعني ما حتطبقو من هون تاني يوم تلاقي النتيجة من هون ؛ الأمر بيحتاج حوالي الشهرين حتى تبلش تحس وشك فرق وتحسن

7⃣ ومشان تتجنب التهيج الي ممكن يرافق استخدام الريتينوئيد
طبقوا ع الشكل التالي :

اول اسبوع مرة كل يومين ؛ وتاني اسبوع يوم اي يوم لاء ؛ وتالت اسبوع كل يوم وهيك ..

8⃣ طبعا ما مننسى اهمية استخدام كريم مرطب بالتزامن مع استخدام الريتينوئيد ؛

9⃣ بس يفضّل بعد ما تغسل وشك الصبح من الريتينوئيد ؛ تنطر حوالي الساعة وبعدا تطبق اي منتج تاني ع وشك "مرطب؛ واقي اي شي .."

💚

🔴» الخـل مو بس للسلطة كمان للشـعر‼️

✔️- حيث أثبتت الدراسات أنو خل التفاح يعد غسـول جيد لتنقية الشـعر »» وهالشي كونو بيساعد على إزالـة جميع آثـار المنتجات من على فروة الرأس !

⛔️ على اعتبار أنو تراكم منتجات التصـفيف او الشـامبو ممكن يأثر على البصـيلات ويعمل مشاكل في فـروة الـرأس مثل قشـرة الرأس !

⚠️• طريقة الاستخدام ..

✅- منخلط 2 ل 4 ملاعق من خـل التفاح مع 16 أونصة ماء بارد "أي حوالي نصف لتر من الماء"

✅- وبعد الحـمام وشطف الشـعر من الشـامبو ؛ منسكب خلـيط الخـل والماء على فـروة الرأس ومنتركو حوالي دقيقتين وبعدها منغسل الشـعر منيح بالمي ...

هلق خبرونا يا ترى مجـربين خل التـفاح من قبل ؛ وكيف كانت الـنتيجة ⁉️

🖊-إعداد الصيدلانية : عفراء بدوي

يعيش على هذه الأرض الملاايين من البشر ؛ هم ليسوا نسخ منك ؛ تقبّل اختلافهم ..

وتذكّر دائماً أنّ الاختلاف ؛ لا يعني الخلاف !
" الاختلاف لا يعني الخلاف "❤

صباحكن تقبّل لذاتكن وللي حواليكن 🙏❤

💟»لا تنسي يا زمردة أنو النظام الغذائي الصحي إلو دور بإشراقة البـشرة 🦋

»» لهيك أكلك لازم يكون حاوي على خضراوات وفواكه وحبوب وكمية #ماء منيحة

أحيانا كلّ أعـدائك يستقر بك ..أنت العـدو ..وأنت الصديق ؛ وبجميع الاحوال لا يمكنك المـقاومة ...فمـقاومة شيء بك تعني أنّك تغذّي هذا الشيء ..وتكبّره ..

لذا عليك مناقشته وعدم السؤم من مناقشته ...عليك تغييره تدريجيّاً...ليس جذريّاً

أي عليك ان تتعب حتى تتغير ؛ ودائما سيبقى جزء بك لا يملّ من كونه عدو لك ..تقبّل هذا الجزء كي لا يتـمرد ...

💚

❎» طلعلي حـبّة ..يلا أفقـعـا 🌝

✅» طلعلي حـبّة ..يلا اتركا بحالا لأنها مو للتـسلاية !

وع فكرة إذا فقـعت الحـبّة حيصير التالي 👇

1⃣-دخول البعض من محتويات الحبة إلى عمق الجـلد ..بالتالي حيزداد الالتـهـاب وهالشي حيخلي الحـبّة أكبر وبتوجـّع أكتر !

2⃣-ثانيا ممكن تترك ندبـات دائمـة!

3⃣-كمان احتمال تنتقل البكـتيريـا الموجودة ع ايـديك الى داخـل الحـبة !

✔️- لهيك الجـأ للاستشارة الطـبية حتى تتخلّص من الحـبوب المـزعجة؛ بدل من محاولات فقـعا الي حتزيد الطـين بلّة 😬

بالمناسبة خبرونا اذا فيكن تقاوموا الحـبة بلا ما تلعـبو فيها 😂💔

💚

ويحدث أن تمل من المسير تجاه أي إنسان !

تجلس تغلق الأبواب وراء من غادروا وتركوا الأبواب مفتوحة ظناً منهم أنّك ستلحقهم كما اعتادوا..

يحدث أن تمل من المبادرة من الحماس ؛لأنك وبطريقة ما تنتبه أنّ نفسك الملقاة بزاوية قلبك أولى بكل هذا الاهتمام !❤

"(نفسك أولى بكل هذا الاهتمام !)"❤

وصباح الخير ❤❤

💚

💟» تعو لنخبركن سكراب بسيط بمكونات بسيطة !🦋

✨ ملعقة زيت زيتون صغيرة وملعقتين سكر صغار ؛خلطيهن سوا ...

✨ ودلكي وشك فيهن بلطف ؛ بعدا غسلي بمي فاترة ؛ونشفي وشك بطريقة لطيفة كمان ...

✨وهوي ووشك لساتو رطب ؛ حطيلو مرطب مناسب .

وهيك بتكوني عملتي تقشير بسيط لوشك بطريقة بسيطة !😍

خبرونا مجربين هيك شي من قبل ؟!❤

🌿💜

آمن أنت بفكرتك ؛ آمن بها إلى حدّ الاعتقاد الحار !
عندها فقط سيؤمن بها الآخرون ❤

صباح الإيمان بأفكارنا وذاتنا صباح اليقين أنّ ما نرجوه سوف يتحقق 💚
💚

🟢 أكـل الجـرجير بيعطيك كولاجـين ..

»»معقول !!

✅ اي معقول ؛ لأنو #الجرجـير غني بفيتامين #سي الي بيدعم انتاج #الكولاجين بالجسم ؛ لهالسبب لا تنسو تتدخلوه لنظامكن الغذائي وتحافظو ع أكـلو باستمرار ❤

خبرونا بتحبو الجرجير ؟! ❤

🌿💚

🟢»ماسك الرمـان البسيط لبـشرة مشرقة

✅ أولاً #الرمـان غني بفيتامين سي وفيتامين e المفيدين جدّاً للبـشرة 😍

🖊- لهيك فيكي تجيبي شوية عصير رمان مع كم نقطة ليمون وتخلطيهن سوا وتطبقيهن ع بشـرتك لمدة تلاتين دقيقة وبعدا تغسلي وشـك وترطيبه ؛ وفيكي تتطبقي عصير الرمان لحالو اذا بدك ..

🖊- طبعاً طبقي هالعملية مرتين بالاسبوع وخليكي محافظة عليها اطول فترة ممكنة لانها مفيدة لاشراق البشرة حيث يعتبر فيتامين سي :

✨ملطف ومرطب للبشرة وبيخفف التصبغات والبقع الداكنة .

✨بالإضافة لكونو بيخفف من الاضرار الناتجة عن اشعة الشمس الضارة .

✨واكيد ما مننسى دورو بتقليل التجاعيد .

❗️بس لا تنسي انو اي ماسـك بتحبي تطبقيه ع وشـك لازم تجربيه ع بقعة صغيرة من وشك لتتأكدي انو ما بيعملك تحـسس ؛ وبعدا طبقيه ع كامل الوجه 😍

خبرونا يا ترى مجربين ماسـكات او منتجات بتحوي رمان من قبل ويا ترى كيف كانت النتيجة ⁉️❤️
•
•
🌿💜

🔴»ليش ما لازم آخد كـورتيزون للتـسمين ⁉️

☑️ الكـورتيزون دوا أثارو الجانبية كبيرة ؛ وحيأدي لاحتباس السوائل وارتفاع الضغط يعني ما حيسمن !

☑️عدا عن انو بيسبب هـشاشة عـظام واعـتلال عـضـلي

وحـب شـباب وشـعرانية خفيفة واحمرار الوجـه

☑️ مو بس هيك بيزيد خـطر الإصابة بالعدوى لأنو اساسا بيضـعّف المناعة ؛ومشان يزيد الطين بلّة بيثبط إطلاق الســيتوكين ..

السيتوكين هاد بالحالة الطبيعية بيعطي استجابة التـهابية "ارتفاع حـرارة؛ ألـم" ولما الكـورتيزون يثبط السـيتوكين حيأدي لفشل التعرّف المبكر على العـدوى !

شفتو هالمخاطرة !

✅ مع العلم انو دائما في طرق آمنة لزيادة الوزن أو لخسرانو ...اختاروها دائما لأنو صحتكن أمانتكن ❤️
•
•
💜🌿