Saso.smile

-كفاية زعيق يا ولية صدعتينا
=مش مستحملة يا دكتور اصلي اول مرة احشي عصب
-مهو انا برضو اول مرة بحشي عصب سووو وااات

https://www.facebook.com/222573159741429/posts/260937092571702/?app=fbl

إيمتى بسنن البيبي ‼️
🔹عادة يبدأ البيبي تسنين من عمر ٥ أو ٦ شهور ..
🔹أحياناً بيسنن البيبي قبل ذلك في عمر التلات أو أربع أشهر ..
🔹في حالات نادرة البيبي بينزل من بطن أمه عنده سِن ..

متى نقلق( كل يوم بجيني نفس السؤال ) ‼️..
اذا البيبي ما سَنَّن حتى عمر ١٣ شهر ..

طيب ما هي علامات التسنين ‼️
النّق والنكد وفقدان الشهية وفرك الأذن واللعاب المستمر ووضع الأشياء في الفم والعض عليها ..

طيب كيف نخفف من نكد البيبي ‼️..
🔹جل الفم بأنواعه المختلفة ...
🔹يمكن استخدا الجل لعدة مرات يومياً ..

شو كمان يا دكتورة ‼️..
🔹استخدام جزرة باردة للعض عليها🥕🥕 ..
🔹تدليك لثة البيبي بقطعه قماش ..
🔹يمكن إعطاء الباراسيتامول في حالة النكد الشديد ..

خُرافات التسنين 👻 ..
🔹التسنين ما بيعمل حراره عالية ، أكتر شي ٣٨.٤ ( يعني الحراره مو تكون ٤٠ والأم تقول ابني بسنن ) ..
🔹التسنين ما بيصاحبه إسهال ( يعني مو البيبي بينسهل وبيعملها ١٠ مرات وتقول إبني بسنن ) ..
🔹التسنين ما بيأخر المشي وما اله علاقه فيه ..

إيمتى طلّع ابنك أول سنّون ☺️

بلشت الامتحانات و اكيد الكل قدم أول مادة طمنونا كيف قدمتو..؟
الكهربا ما إجت كتير ما درست
شوب ما درست
الوضع الاقتصادي موترني ما درست
كورونا ما درست
ضاع غطا القلم ما درست

" الكُل او لا شيء"

وهم الكمال.. واحدة من الاسباب اللي بكون الها الدور الكبير بتأخيرنا عن صنع الإنجازات ..

المكان المناسب للدراسة او ما رح ادرس
الوظيفة بالمرتب العالي او ما رح اشتغل
الوضع الاقتصادي المستقر تمامًا او ما حأفتح مشروعي الخاص..
ولما ناخد نظرة من حولنا حنلقى انو في ناس بتدرس باوضاع اقل من الي عندنا وبتنجح ..
معروف عالميا" انجح الناس حاليا" هنن يلي دايما" بيبدو ينفذو افكارهم وما بينتظروا الظروف الكمالية..يلي بيعرفو كيف يستغلو أقل الموارد لعندن و يبعدو عن عقلن فكرة إنو في وضع مثالي مفروض يحصل حتى أنت تقدر تنجح..
أبعد من بالك وهم الظروف المناسبة و اعمل بالمطلوب منك ولا تضيع زمنك بالتفكير بحلول مو بايدك..ابني مستقبلك ممكن هنيك تلاقي حلول الك و للجيل لبعدك و لا تقول ليش ضل مستقبل!! (كتير منتشرة لان) طبعا" في مستقبل إذا انت حبيت تبنيه وتتعب عليه❤
وهيي شوية شغلات رح تفيدكن بالدراسة وامتحانات موفقة للجميع

1) كتابة المعطيات على الورق و استخدام كلمات مفتاحية، و استخدام الأقلام الملونة.

2) لا تنسى الكمامة لما تطلع

3) تغيير المكان كل يوم على الاقل عند الدراسة بنصيحة من خبراء النفس.

4) فهم ما تحفظه فذلك يساعد ذاكرتك على استحضار المعطيات وفقا لترابط منطقي سلس.

5) ربط المعلومة الجديدة بأمر تعرفه مسبقاً عندما تدرس ستزيد من احتمال تذكّرك المعلومات التي تدرسها بمعدل مضاعف.

6)خلي معك الكحول وبعد عن التجمعات

7)تصوَّر المفاهيم بأشكال هندسية لذلك ينصح بوضع خطاطات بيانية تنظم المعطيات أو ربطها بالصّور والرسوم والخرائط وغيرها من الأشكال.

8)التكرار التراكمي
طريقة التكرار مفيدة جدا يجب تكرار حفظ المعطيات بشكل مقسم عدة مرات “مثلا حفظ كل سطر من النص”.

9) العب دور المدرس
أي بمعنى أن تقوم أنت بتدريس المفاهيم الجديدة لشخص آخر حتى لو لم تكن متمكنا منها جيدا.

10) لا تشيل الكمامة عن انفك

11) القيام بتجربة الاختبار
يُقصد بذلك أن تخوض اختباراً وهمياً قبل الإختبار الحقيقي، وذلك من خلال الجلوس وصياغة أسئلة ومن ثم الإجابة عليها.

كل الحب❤
Dr_saso_smile

عنا مشوار .. قرب العيد .. الدنيا شوب .. و نفسيتنا مضغوطة و الامتحانات تلوح بالافق ..
و فجأةةةة تمك : جطعة تقبيلة سخونة طال عمرك

💿شغل موسيقا حزينة لاحكيلك شو صار 😁

- في عنا عيلة مميزة كتير هيي عيلة الحلأ والنعم منها ومكونة من 8 افراد، ويلي نزعلنا مشوارنا هو HSV1 ، طب ليش شو عملنالو ؟
◾ قال80% من الناس بيصير عندن إصابة أولية، يلي غالبا" بتكون عند الأطفال بعمر (0.5-5)سنوات ، و منسميها : التهاب فم حلئي
و 50% من الاصابات الأولية بتكون بدون أعراض سريرية، وأما الأعراض الرئيسية بتكون عبارة عن :
📍 حمى و اعياء
📍 ألم في الفم أو البلعوم الفموي
📍 فقدان شهية
📍 تقرحات فموية
📍 رائحة فم كريهة
💥 ويلي بيميز الفيروس إنو ما بيصيبك وبيتركك بحالك لأ ، بيروح و بيقعد بالعقد العصبية وغالبا" عقدة مثلث التوائم ، منقلو هاجع أو كامن بيضل كانن ل حتى يجي عامل مؤهب ويرجع ينشطو ، وهاد يلي صار فوق (تقبيلة السخونة)👆 و علميا" : الحلأ البسيط الناكس
يلي عادة بيتظاهر ع الشفاه herpes labialis
- شو هي العوامل المؤهبة يلي بترجع بتنشطو ؟
📍 أشعة الشمس
📍 انتانات الطرق التنفسية العلوية
📍 الرض
📍 التثبيط المناعي
📍 حالتك النفسية (توتر ،اكتئاب، ...)
- بس معقول اديش عم تحرقني و تحكني؟؟
▫ شي طبيعي لانو بيتظاهر سريريا" :
بالألم ل ممكن يسبق الآفة ، حس الحرقة، الحكة ، بيبدأ بتشكل لطاخات، بتتحول ل حطاطات ، بعد 48 ساعة حويصلات مصلية ، للحويصلات القيحية، و بتتقشر بعد 72-96 ساعة ، و بتشفى بدون تندب.
- كيف بعالجو؟
▫ عاقرب صيدلية كريم موضعي : اسكلوفير 5% أو بينسكلوفير 1%
و تجنبو أشعة الشمس خاصة بهالأيام درجات الحرارة مؤذية كتير
والأهم خليكن relax و رايقين و مع كاسة متة مافي شي مستاهل وما في شي حرزان و هلأ شغلو مهرجانات😂💕

I love Flowers and dentistry 🌸💜

أنا عصبي،.. أنا بنق كتير،..أنا مهووس نضافة،.. أنا...
وهيك كل واحد بيتمتع بشخصية معينة و بطباع خاصة فيه ..
🔎طب باختلاف هالشخصيات يا ترى أنا ك طبيب أسنان هالشي بيأثر ع تعاملي مع المريض؟!
- طبعا" طبعا" طبعا" ،قلنا مولر : " يجب أن يقابل طبيب الأسنان عقل المريض قبل أن يعالج فمه "
و هالشي بيعني إني لازم اعرف شخصية المريض قبل ما اتخذ الاجراءات العلاجية.
🔎طب مين أكتر نوع من المرضى ل لازم أنا أتعرف ع شخصيتن و وضعن النفسي قبل ما ابدأ بالمعالجة؟
- فينا نقول إنو المريض العمو يلي بيجي لعنا عندو فقد باسنانو وبدو جهاز سني بالمتعارف (بدلة) هو أكتر مريض لازم أنا ك طبيب أدرس وضعو النفسي وشخصيتو
🔎اووه اختلاف الشخصيات كتيرة كيف بدي اعرف ميز واتعامل مع كل هاد!!!!
- لهيك هاوس ساعدنا و صنفلنا الشخصيات ل 4 أصناف مين هنن ؟؟
📍العمو يلي مافي منو وياريت كل المرضى متلو ،
هادىء، متعاون ، و بيتقبل المعالجة وبيتكيف معها بسهولة ، هاد المريض إنذار معالجتو ممتازة و منسميه : المريض المنطقي
📍العمو يلي بيفوت مهندم و مو عاجبو العجب ، بيقلك والله يا دكتور عامل كذا معالجة بس ماعم يعجبني شي، طبعا" هاد إنذار معالجتو جيد لأنو طول الوقت رح يضل شاكك بشطارتك لتخلص،.. وياعيني إذا عجبو لأن رح يصير من أكبر داعمينك ، ومنسميه : المريض المدقق
📍العمو يلي فقد الأمل و اجا ليتعالج كحل أخير، و للأسف بتكون صحتو الفموية سيئة كتير بالإضافة إنو سيء التكيف مع المعالجة مع فشل سابق ، ويمكن يصدمك ويقلك بدي ابتسامة خارقة للطبيعة، لهيك منسميه : المريض المدعي
📍أخر عمو هو يلي مو فرقان عندو لا مظهر ولا وظيفة، وعالاغلب بيكون حدا جايبو غصب عنو😂، و ماعندو صبر ليتكيف او يتقبل المعالجة ، ولا حتى رغبة بارتداء الجهاز و من هون مبين اسمو : المريض غير المهتم
- أخر صنفين للأسف غير مقدرين لجهود الطبيب حتى لو كانت خارقة بس لا بد من مصادفة هالحالات، بس أنت رح تتحلى بالصبر و تأدي دورك ع أكمل وجه لتكون رضيان عن ذاتك😌
و ما مننسى إنو : لطف الطبيب هو نصف العلاج🌸


❤