Nutritionist Rawan

الصداع و الإمساك خلال شهر رمضان
اغلب الناس بتعاني من هالمشكلتين والسبب هو تغيير نمط الحياة

يا ترى شو هي الأسباب ؟

1. قلة شرب كميات كافية من الماء
2. تغيير مواعيد الاكل
3. تغيير في مواعيد النوم
4. قلة الحركة
5. تغير في نوعية الاكل و قلة اكل الفواكه و الحبوب الكاملة

طرق الحل ✅

1. الاعتماد على شرب الماء بمعدل كأس كل ساعة بعد الإفطار مع تجنب المشروبات الغازية والكافيين بكميات كبيرة
( لازم ننتبه لشغلة مهمة انه ماناخد كميات كبيرة من الماء قبل البدء بالإفطار لتفادي حدوث تلبك معوي)

2. ممارسة التمارين الرياضية او المشي

3. زيادة كمية الألياف مثل الخضار والفواكه لتجنب حدوث الإمساك

4. تجنب استهلاك كميات كبيرة من النشويات على وجبة الإفطار

📍واللي حابب يعرف جسمه شو بحاجة كميات من الماء خلال اليوم يتركلي تعليق وانا ببعتله الطريقة 🥰
————
دمتم بخير ✨
اختصاصية التغذية روان عبدالله

هل تناول الحلويات الرمضانية يزيد الوزن ؟

يعتمد ذلك على عدة عوامل:
1. الكمية
2. طريقة التحضير
3. تكرار تناول الحلويات في الأسبوع

🎀 نصائح بخصوص تناول الحلويات الرمضانية 🎀

• في اليوم الذي ترغب فيه بتناول الحلويات حاول تقليل كمية النشويات على وجبة الإفطار و زيادة مصدر البروتين

• تحضير طبق الحلويات بشكل صحي قدر الإمكان
( مثلا: شوي القطايف بدلا من قليها و اضافة القطر بالمعلقة بدلا من غمرها بالقطر )

• استخدام المحليات البديلة للسكر

• تناول كمية قليلة و محدودة من الحلويات والانتباه لحجم القطعة
(تناول قطعتين ل 3 قطع خلال الأسبوع )

• تناول الفواكه الطازجة كبديل عن الحلويات في معظم الأيام

———
هيك كان موضوعنا اليوم …
خبروني إذا لسا في شي محدد حابين نحكي فيه ❤️

دمتم بخير ✨
اختصاصية التغذية روان عبدالله

🎀 صيام الحامل في رمضان 🎀
بداية يجب مراجعة الطبيب المختص لان الوضع الصحي للحامل مختلف خاصة في حال كانت تعاني من ارتفاع ضغط او سكري الحمل ف الأفضل استشارة الطبيب المختص قبل الصيام.

نصائح تغذوية للمرأة الحامل خلال شهر رمضان:

1. تناول 2-3 حصص من الفواكه يوميا
(يجب الانتباه لكمية التمر المتناولة في الأشهر الثلاث الأولى )

2. شرب كميات كبيرة من الماء حتى لا تتعرض للجفاف

3. تناول الشوربة على وجبة الإفطار كونها تحتوي على كمية جيدة من الماء

4. تجنب المشروبات الرمضانية مثل
العرق سوس لأنه يزيد من الضغط

5. البروتين : مهم جدا لتطور الجنين و صحة الحامل
(تناول الأسماك مرة لمرتين بالأسبوع)
و يفضل السالمون المشوي و الابتعاد عن القلي

6. تناول كمية كافية من الألبان للحصول على الكالسيوم و البروتين و فيتامين دال
( عند صيام الحامل ننصح بالحصول على البروتين من الحليب البقري او الماعز )
ويمكن تناول الأجبان على وجبة السحور بشرط ان تكون غير مملحة

7. الفوليك أسيد: متوفر في الخضروات الورقية لذلك يجب تناول السلطة بشكل يومي وأساسي
مثل: سلطة الجرجير - سلطة السبانخ

8. الانتباه لكمية السكر و يفضل الاعتماد على السكر الموجود في الفواكه مع تجنب الإكثار من الفواكه المجففة

————
إذا بتعرفوا صبية حامل عملولا تاغ تشوف النصائح 🤗

دمتم بخير ✨
اختصاصية التغذية روان عبدالله

مسا الخير ✨
خبرونا كيف كان اول يوم صيام
وشو كان فطوركم ؟ 😍

و رح نعمل سلسة رمضانية
كل يوم بهالوقت نحكي ببوست عن موضوع
اكتبولنا اقتراحات
❤️❤️❤️

نصـائح لأول سـحـور 🌙

1. احتواء الوجبة على البروتيـن
(لبنة - جبنة - بيض - تونا مصفاة من الزيت - فول مسلوق مع خضار ) لأنها بتعطي شعور بالشبع لفترة طويلة

2. احتواءها على خضروات لأنها بترطب الجسم وكمان
بتعطي شعور بالشبع

3. شرب كميات كافية من الماء

وماحدا يستغني عن السحور بباقي الأيام 🥰

رفعوا البوست ليوصل لأكبر عدد ❤️

اختصاصية التغذية روان عبدالله

رمضان كريم 🌙

مواعيد دوام العيادة خلال شهر رمضان المبارك
يومياً من الساعة 12 ظهراً حتى الساعة 4 عصراً
التواصل على الرقم 0939880722
اختصاصية التغذية روان عبدالله 🍏

للتذكير 😍😂

مسا الخير ❤️
حابة خبركن عن موضوع كرمال اللي بحب يكون معنا..

بهالفترة كلنا حاسين زايد وزننا بسبب قلة الحركة و الاكل الزايد
ف أنا و مجموعة من الصبايا عاملين كروب عالواتساب
بعتت عليه شوية نصائح وعم نصور وجباتنا لنتشجع كلنا سوا
وكل اسبوع رح يكون عنا تحدي..
و الاشتراك بشكل مجاني المهم الاستفادة ونغير عاداتنا الخطأ ونحاول نخفف من وزننا

لهيك اللي حابة تكون معنا تبعتلي عالواتساب الاسم و العمر ومكان تواجدها واذا فيه مشكلة صحية
الرقم: 0939880722 / أخصائية التغذية روان عبدالله /❤️❤️❤️
ياريت ترفعولنا البوست ليوصل لأكبر عدد 🥰

حبيت شارك معكن هي النتيجة لأكتر من سبب..
بالبداية الصبية عمرها 22 سنة
نشاطها خفيف
قدرنا ننزل 11 كيلو خلال 3 اشهر تقريبا
والنتيجة واضحة بفرق المقاسات كمان

خلال 3 اشهر ما حطينا ضمن الحمية ايا مصدر لحوم ( سفن / سودا / لحمة حمراء..)
ولاقينا بديل لكلشي
اللي بدي وصله .. مو ضروري الحمية تكون مكلفة ماديا و كل يوم لحوم و سفن و سودا و و … لنقدر نخسر وزن
الحمية ممكن تكون من طبخ البيت و مناسبة الك و لنمط حياتك وبنفس الوقت تخسر وزن وتوصل للجسم اللي بتحبه ❤️

أخصائية التغذية روان عبدالله
مصياف / مقابل روضة حمزة نعوف ط2

مسا الخيرات 😍😍
بوست للنقاش 🤭
شو اللي ما بخليكن تلتزموا بحمية غذائية ؟
و اكتبولي الشائعات اللي بتسمعوها لحتى نحكي إذا صحيحة او لا 🥰🥰

شو بتتركولنا ذكرى بآخر هالسنة ؟ ❤️🥰
و كل حدا دخل على العيادة يكتبلنا كلمة حلوة ❤️❤️

سيدة بعمر 53
عندا مشكلة بارتفاع الشحوم الثلاثية والكوليسترول
راجعت العيادة بهدف خسارة وزن

قدرنا من خلال اتباع حمية غذائية لمدة شهرين :
✅ نخسر 6 كغ من الوزن
✅ تحسن بنتيجة التحليل متل مو واضح بالصورة وانخفاض نسبة الشحوم الثلاثية من 205 إلى 105
انخفاض الكوليسترول من 184 إلى 138

أخصائية التغذية روان عبدالله 🍏
📍مصياف /مقابل روضة حمزة نعوف ط2