Pharmacist Mais Jrad

😊 أكتر الأسئلة الشائعة عن #الكولاجين ❔❔❔❔

1️⃣ شو العمر المناسب لبلش فيه آخد كولاجين ⁉️
مافي إجابة مناسبة للجميع ومافي عمر مناسب للجميع لأن الوقت الأمثل بيعتمد على العديد من العوامل منها العوامل الوراثية ونمط حياتك ومدى اهتمامك ببشرتك وكيف بتعالجيها بالإضافة إلى أنه الحاجة للكولاجين بتختلف من شخص لآخر وكله بينطلق من نقطة انخفاض قدرة الجسم على إنتاج الكولاجين بالعشرينات من العمر ليصير الإنخفاض حاد بالأربعينات لتظهر بذلك التجاعيد والخطوط الدقيقة وعلامات شيخوخة الجلد

2️⃣ تناول الكولاجين الفموي كبسول أو شراب هل هو مفيد ⁉️
طبعا تناول الكولاجين لا يضاهي قدرتك على إنتاجه لما بتكون أصغر بالعمر وتوجد العديد من الدراسات وأثبت بعضها أنه ممكن يفيد بتقليل جفاف الجلد وتحسين مرونته ويساعد في تقليل علامات شيخوخة الجلد ومن الخطوط الدقيقة لتلاحظ تحسن بنضارة البشرة وإشراقتها

3️⃣ تطبيق كريمات أو سيرومات الكولاجين هل هو مفيد ⁉️
أغلب مستحضرات الكولاجين تحوي الكولاجين النقي المعروف عنه أنه عبارة عن جزيئة ضخمة أكبر من أن تخترقها البشرة وهي أكيد أكبر من أن تصل إلى الأدمة مكان حدوث السحر الحقيقي لهيك الكولاجين الموضعي ما بيحفز إنتاج الكولاجين وما بيعوض نقص المخزون ولكن ممكن يفيد بزيادة مرونة البشرة وترطيبها لأن البشرة تصبح أكثر جفاف مع التقدم بالعمر والجفاف بيسرع ظهور التجاعيد

4️⃣ شو فوائد الكولاجين الأخرى غير للبشرة ⁉️
🌟 يساعد على تخفيف آلام المفاصل ويقلل هشاشة العظام
🌟 قد يحافظ على صحة العظام لأنه يزيد من كثافة المعادن في العظام
🌟 ضروري لزيادة الكتلة العضلية التي تضعف مع التقدم بالعمر
🌟 مفيد لصحة القلب فهو يعمل على زيادة مستويات الكوليسترول الجيد المفيد للوقاية من أمراض القلب ويقلل من تصلب الشرايين
🌟 مفيد للشعر والأظافر حيث أظهرت بعد الدراسات دوره بتعزيز نمو الشعر والقضاء على تقصفه وبهتانه وكما أنه يعزز نمو الأظافر ويقويها

🤗 بالنهاية ممكن الشركات تطور أشكال تجارية جديدة للكولاجين وخاصة الموضعي منها ونقدر نستفاد منها أكتر 👍
✏️


🤝❤️
🤗

🛑 #الكولاجين شو بتعرف عنه ؟؟؟؟؟؟؟
يمكن كتار بيروحوا عالصيدليات ليشتروا #الكولاجين السحري يلي برجعن أصغر و استخدموا كبسولات وكريمات #الكولاجين يلي موجود منا بحر من الأنواع بدون ما يعرفوا أكتر عنها و شو مدى فعاليتها 🤗

قبل لازم تعرف 👈👈
🛑 #الكولاجين هو بروتين هيكلي ينتجه الجسم بشكل طبيعي بيبيدأ بالتناقص من منتصف العشرينات بالعمر وبتفقد النساء حوالي ٣٠٪ من إنتاج الكولاجين بأول ٥ سنوات من انقطاع الطمث

🛑 #الكولاجين ممكن نحصل عليه من مصادر طبيعية متل👇
♨️ الأنسجة الضامة للحيوانات متل الدجاج والسمك والأبقار
♨️ مرق العظم يلي بيحوي الجيلاتين وهو مادة بروتينية مشتقة من الكولاجين

🛑 يوجد مصادر غذائية بتدعم امتصاص #الكولاجين 👇
♨️ فيتامين سي موجود بالحمضيات والفراولة
♨️ النحاس موجود بالمحار والمكسرات واللحوم
♨️ فيتامين أ موجود بالأطعمة النباتية
♨️ البرولين موجود ببياض البيض واللحوم والأجبان والملفوف
♨️ الأنتوسيانيدين موجود بالتوت والعنب والكرز
♨️ مضادات الأكسدة موجودة بالشاي الأخضر والرمان والقرفة

🛑 #الكولاجين كيف فيني حافظ على مخزونه 👇
♨️ طبق واقي شمسي على بشرتي بيحمي الكولاجين من التكسير عند التعرض للأشعة فوق البنفسجية
♨️ آكل الخضار والفواكه الغنية بمضادات الأكسدة يلي بتدعم الكولاجين
♨️ ابتعد عن السكر لأن الكميات العالية من السكريات بتعمل على الالتصاق بالبروتينات بالدم لتشكل جزيئات جديدة تؤدي لفشل الكولاجين بإصلاح نفسه
♨️ ابتعد عن التدخين لأنه يحوي الدخان على كتير من المواد الكيميائية يلي بتدمر الكولاجين الداخلي والإيلاستين بالإضافة إلى أنه النيكوتين بسبب تضيق الأوعية الدموية للطبقة الخارجية للجلد وبيمنع إيصال الأوكسجين والمغذيات للبشرة
♨️ اشرب كميات كبيرة من الماء لحافظ على رطوبة الجسم من أهم وأسهل النصائح
وعن #الكولاجين لسا في حكي كتير ....

✏️

🤝❤️
🤗

حاسس جسمي مكسر وكأنو طالعة حرارتي لآخدلي حبتين التهاب بلا ما انتكس احتياط 🤯🏃

😓بس قبل (أدوية الالتهاب)_ 💊 عندك فكرة شو هي؟؟
💊 ما شغلتا تعمل سحر وتشفي كل الأمراض
💊 بتهاجم الجراثيم بالجسم بحيث تقتلها أو تضعفها وهي ما بتميز بين الجراثيم الضارة والنافعة بتهاجم التنين سوا

لهيك فكر مرتين قبل ما تاخد 💊 لأنه 👇👇
💊 ما بتأثر على الفيروسات بس على الجراثيم
💊 لا تخفف الأعراض
💊 لن تمنع العدوى ولا تعمل وقاية من المرض
💊 لن تقصر فترة المرض
💊 تزيد من مقاومة الجراثيم للمضادات الحيوية على المدى البعيد
💊 يمكن تسبب أعراض جانبية قد تكون مزعجة مثل أي دوا آخر

😓 عندك فكرة الاستخدام العشوائي هاد تهديد حقيقي للصحة العالمية والأمن الغذائي اليوم ؟؟؟
طبعا بسبب حدوث مقاومة على 💊
❌ لما بتاخد دوا التهاب بدون حاجة ❌
المضاد الحيوي يهاجم البكتيريا المفيدة الموجودة بجسمك لتصبح ضعيفة وهيك بتتطور مقاومة للمضاد الحيوي إذا استخدمته عند إصابتك ببكتريا ضارة مرة أخرى
❌ لما بتوقف دوا الالتهاب لما بتحس بتحسن قبل انتهاء الكورس العلاجي كامل ❌
عم تسمح للجراثيم المتبقية التي صارت أضعف وماعاد عم تعمل أعراض بأنها تنمو وتتكاثر مما يؤدي لنكس المرض لتصبح بالمرة القادمة هي الجراثيم أقوى ولا تتأثر بنفس المضاد الحيوي و أنت ما عاد رح تستفاد على نفس الدوا يلي كنت تاخده

🌟 لهيك استشر طبيبك قبل ما تاخد دوا التهاب القصة مو لعبة🌟

💊
🙅
🤝❤️
🤗

👶يا مامي بتعرفي كنز لإلك وإلي 🤱

أكبر خدمة ممكن تقدميها لإلك ولطفلك الجديد ولحد هلق في أمهات مابتقدر هي النعمة وبتلجأ للحليب الصناعي مع الأسف 😑
مع أن أسهل طريقة لخلق علاقة حميمة قوية بين الأم وطفلها لما الأم بتحتوي طفلها بين ذراعيها وتضمه لصدرها لتعيطه أول جرعة حب وأمان واحتواء 💗💗

🤱 من فوائد للطفل
🌟 حليب الأم غني بجميع العناصر الغذائية يلي بيحتاجا الطفل بالأشهر الستة الأولى وهو الغذاء المثالي له
🌟 يحميه من نزلات البرد في أيام الولادة الأولى
🌟 يساعده على مقاومة العدوى والمرض لفترة طويلة الأجل
🌟 يقلل خطر السمنة على المدى البعيد
🌟 يساعد في تطوير العينين والدماغ وأجهزة الجسم
🌟 لها أثر إيجابي على سلوكيات الطفل في المستقبل وبتقلل من فرص إصابته بأمراض نفسية

🤱 من فوائد للأم
🌟 النساء المرضعات أكتر ميل للتعافي من الولادة بشكل أسرع وتساعد على انقباض الرحم
🌟 تقلل خطر الإصابة بسرطان الثدي والمبايض
🌟 تساعد على الإسترخاء
🌟 تقلل فرص الإصابة بأمراض القلب والأوعية الدموية وارتفاع ضغط الدم والسكري وهشاشة العظام والتهاب المفاصل
🌟 تساعد على فقدان الوزن الزائد بعد الولادة

🤱 كمان لها فوائد للأب 😆
أوفر للجيبة خاصة في الظروف الحالية من غلاء الحليب وانقطاعه

👈منظمة الصحة العالمية تنصح ب حتى عمر السنتين طالما الطفل يرضع 🤗
🤱

🤝❤️
🤗

😌رفيقتي عم تاخد هاد الفيتامين واصفلا ياه الدكتور واستفادت عليه أحسن شي أوصل عالصيدلية جيب منه 🏃
❌❌❌❌❌❌
😅 الغالبية بتختصر الطريق بدل من البحث عن الأغذية المفيدة يلي بتوفر العناصر المهمة لجسمها بتلجأ لأخذ الفيتامينات والمكملات الغذائية يلي سمعت فيها من هون وهون...
😅 لكن لكل جسم طبيعة مختلفة عن غيره والمكملات الغذائية لها نسب وأنواع مختلفة والغرض منها تكمل النظام الغذائي يلي بيدخل جسمك وتعزز وجود عنصر ما عن غيره وحاجة جسمك بتختلف عن حاجة غيرك وبعض الفيتامينات تأثر على عمل بعضها البعض وبتتناولها بوقت وطريقة مختلفة عن التانية لهيك لازم تنتبه منيح شو رح تاخد وشو المكملات المناسبة لإلك وإيمت لازم تاخدها

من هي الفيتامينات والمعادن رح نذكر مثلا👇👇
💊
يفضل تناولها صباحا بعد الاستيقاظ من النوم لأنه تتعارض مع النوم
💊
يفضل تناوله صباحا وعلى معدة ممتلئة لأن تناوله ليلا يؤثر عكسا على إنتاج هرمون الميلاتونين المسؤول عن النوم مما يسبب الأرق.
تناول هي الفيتامينات مع الماء وليس مع الشاي أو القهوة لأن الكافيين يعيق امتصاص الجسم لها
💊
يفضل تناوله صباحا على معدة فارغة لامتصاص أفضل لكن إذا كانت معدتك حساسة تناوله بعد الطعام
💊
يفضل تناوله مساء مع الطعام
💊
يفضل تناوله قبل النوم لأنه يساعد على تهدئة الجهاز العصبي والنوم بعمق
💊
يفضل تناوله أثناء وجبة الغداء أو العشاء أو بعد الأكل مباشرة لأنه يسبب الغثيان والإقياء على معدة فارغة

👈والجملة الشائعة جداااا
😌 خليني آخد حبتين تلاتة بستفاد أكتر وأسرع 🏃
❌❌❌❌❌❌
هي الفكرة خطأ لازم تلغيها فيما يخص أيا مكمل أو دوا لأن مضاعفة الكمية لا تعني بالضرورة مضاعفة المفعول لأن الزائد أضر من الناقص وزيادة عنصر ما قد تؤدي لحدوث تسمم أو تفاعلات خاطئة داخل جسمك لهيك تناول الدواء حسب الجرعة الموصوفة

🌟 للنصيحة خليا ببالك 🌟
إسأل الطبيب ولا تسأل مجرب لما بيتعلق الأمر بصحتك لأن التجارب الشخصية ليست مصدر ثقة متل استشارة طبيبك الخاص

💊
💊
🤝❤️
🤗

#الأوميغا3 🐬 بحرررر من المعلومات والفوائد 💪💪

🤔 شو هو #الأوميغا3 🐬؟؟؟
حمض دهني لا يصنع بجسمنا لكن منحصل عليه من مصادر خارجية
🤔 شو فوائد #الأوميغا3 🐬؟؟؟

🐟 فوائد للشعر 🐟
يزيد نمو الشعر ويمنع تساقطه وتقصفه ويعزز نمو البصيلات الجديدة ويمنح الشعر القوة واللمعان كما يزيد من رطوبة فروة الرأس ويقوي الدورة الدموية مما يمنع تشكل القشرة
🐟 فوائد للرجال 🐟
علاج ضعف الانتصاب وتحسين النشاط الجنسي وضبط مستوى الهرمونات وزيادة كمية وجودة الحيوانات المنوية
🐟 فوائد للنساء 🐟
تخفيف آلام الطمث ويساعد في فقدان الوزن عن طريق تقليل الشعور بالجوع
🐟 فوائد للحوامل. 🐟
منع حدوث الولادات المبكرة ورفع فرص الحمل فهو يعد من المنشطات الطبيعية للمبايض
🐟 فوائد لكمال الأجسام 🐟
يزيد من قوة العضلات ويقلل ألم العضلات الناتج عن التمرينات الرياضية
🐟 فوائد للأطفال. 🐟
تطوير النمو الذهني وتنشيط الذاكرة وتنشيط الجهاز المناعي وتقليل نسبة الكوليسترول بالتالي يقي من أمراض القلب
🐟 فوائد للبشرة. 🐟
يمنع ظهور البقع الداكنة وحب الشباب والبثور وعلامات الشيخوخة المبكرة والتجاعيد

🤔 كيف منحصل على #الأوميغا3 🐬؟؟؟
👈 مصادر طبيعية متل الأسماك وبذر الكتان والجوز وفول الصويا والمحار والكافيار وزيت السمك السائل...
👈 مكملات #الأوميغا3 🐬 الموجودة في الصيدليات


🙅نصيحة عدم تناول هي المكملات بدون استشارة طبيب🙅
لأن الإفراط في تناول الأوميغا3 ممكن يعمل آثار جانبية ضارة متل ارتفاع السكر وانخفاض ضغط الدم وحدوث نزيف وسكتة دماغية
لهيك دائما لازم ناخد كميات متزنة بدون إفراط لنحصل على الفائدة الأفضل
🐬
🤝❤️
🤗

حبوب #البيوتين سؤال عم يتكرر علينا كتييير كصيادلة ؟؟

و أغلب الأسئلة بتكون 👇👇

😅 شو هو #البيوتين؟؟
هو من عائلة فيتامينات B وهو نفسه فيتامين B7 أو فيتامين H عبارة عن فيتامين قابل للذوبان بالماء فهو آمن عند تناوله لأنه ما بيتخزن بالجسم ويطرح بشكل طبيعي عن طريق البول✔️

😅 مزبوط متل ما عم نسمع عنه بيطول عليه الشعر بسرعة؟؟
أكدت الأبحاث والتجارب التي أجريت على نساء يعانون من تساقط الشعر ومساحات خالية من الشعر بفروة الرأس وجود تحسن ملحوظ في نمو الشعر عند استخدام حبوب #البيوتين بانتظام لمدة ثلاثة أشهر متواصلة✔️

😅 هو بس بفيد للشعر ؟؟
فوائده كتيرة للشعر والبشرة والأضافر والجسم كله عموما ✔️

😅 بدنا نعرف شو تأثيره على كل وحدة منهم ؟؟

🔥 على الشعر 💇
يساعد في سرعة نمو الشعر ويعطيه كثافة وقوة أكثر

🔥 على الأظافر 💅
يزيد من قوة وصلابة الأظافر ويحافظ على مرونتها ويقلل من تكسرها

🔥 على البشرة 💆
يجعل البشرة أكثر صحة ونضارة فهو يساعد على إخفاء الخطوط الدقيقة التي تظهر بسبب التقدم بالسن أو عدم الاعتناء بالبشرة جيدا
🔥 على الجسم 🤸
يعمل على تحويل الغذاء إلى طاقة بالتالي يمد الجسم بالمواد والطاقة اللازمة له

😅 كيف بحصل عليه؟؟
موجود بالأطعمة متل اللحوم الكبد الجبنة المكسرات الفطر صفار البيض الخميرة القرنبيط...
ومتوفر في الصيدليات بأشكال تجارية كتيرة ضمن أغلب حبوب المكملات الغذائية الشاملة على فيتامينات ومعادن متنوعة
و كمان موجود لوحده بشكل كبسولات بعيارات مختلفة
٥٠٠٠ ميكروغرام و ١٠٠٠٠ ميكروغرام و ١٠٠٠ ميكروغرام وغيرها

بيضل الأهم نحصل على الحاجة اليومية الكافية منه 👏👏👏

💊💯
🔥
🤝❤️