M Puu

ငါ့ကို ချစ်ရင်
ပြောင်းလဲလာမှာပါဆိုတဲ့
အတွေးနဲ့
လက်လွှတ်လိုက်ဖို့ထက်
ခွင့်လွှတ်ဖို့ကိုပဲ
ရွေးခဲ့မိတာ ။

ကိုယ်ဆိုရင်လေ
တချို့အရာတွေကိုဆို
မင်း ... သတိတောင်မထားမိသေးခင်
အရာရာ ဆင်ခြင်နေမိတာ ။

ဒီလိုဆို
သူ မကြိုက်လောက်ဘူးဆိုတဲ့
အတွေးမျိုး
ဒီအရာဆို
သူ သဘောမကျလောက်ဘူးဆိုတဲ့
စိတ်ကူးတွေနဲ့

ကိုယ်ဟာ ...
ကိုယ်သဘောကျတဲ့အရာတွေကို
မင်းကို ချစ်တဲ့စိတ် တစ်ခုနဲ့
ပြောင်းလဲဖို့ ကြိုးစားနေခဲ့မိတာ ။

အနာဂတ်တွေရောက်လို့
အတူရှိကြရင်
အရာရာ အဆင်ပြေချင်တဲ့
စိတ်ကူးနဲ့ပေါ့ ။

ဒါပေမယ့် ...

လူတစ်ယောက်နဲ့ တစ်ယောက်
ချစ်တတ်ပုံချင်း
မတူကြသလို
လေးနက်ပုံချင်းကလည်း
မတူကြဘူး ။

နောက်တစ်ခု ...
အဆိုးဆုံးက
ပါလာတဲ့ ဗီဇတွေက
ပြင်မရဘူး ။

ကိုယ်နဲ့ အတူရှိလာတာ ကြာလာလို့
ကိုယ့်လို တွေးလာလိမ့်မယ်ထင်တဲ့
အတွေးဟာ
တကယ်တမ်းကျတော့
မမှန်ဘူး ။

အချိန်တန်ရင်
ဇာတိက ပြလာတာပါပဲ ။

ဒါပေမယ့်
ကိုယ်ဟာ ...
မင်းကို ချစ်တဲ့ စိတ်နဲ့
ခွင့်လွှတ်ဖို့ပဲ ရွေးခဲ့ဖူးပါတယ် ။

ခွင့်လွှတ်ပေးပြီးတိုင်းလည်း
နောက်တစ်ကြိမ် မဖြစ်စေရဘူးဆိုတဲ့
ကတိတွေ
ပေးမြဲ ပေးဆဲပါပဲ ။

ခဏတဖြုတ်
ခြေငြိမ်သွားတာက လွဲရင်
အရာရာက
ဖြစ်မြဲ ဖြစ်တိုင်းပါပဲ
မှားခဲ့ဖူးတဲ့အတိုင်း
မှားနေဆဲပါပဲ ။

အချိန်တွေ မတူတော့ရယ်
လူတွေ မတူတော့တာကလွဲရင်

အဖြစ်အပျက်တွေ
ကတိတွေဟာ အရင်အတိုင်းပါပဲ ။

တစ်နေ့ကျရင် ...
ပြင်လာမှာဆိုပြီး
မျှော်လင့်ခဲ့မိတဲ့
ကိုယ်ပဲ မှားနေခဲ့တာပါ

ခွင့်လွှတ်ခြင်းတွေဟာ
ဘယ်တော့မှ
နောင်တရစရာ ဖြစ်မှာမဟုတ်ဘူးဆိုပြီး
ယုံခဲ့မိတဲ့ ကိုယ်ပဲ
ရူးနေခဲ့တာ ။

လူတစ်ယောက်ဟာ ...
သူ့ အမူအကျင့်နဲ့ သူ
သူ့ ရှင်သန်ရာနဲ့ သူ
သူ့ ဗီဇ နဲ့ သူ ပါပဲ ဆိုတဲ့
စကားကို ဆန့်ကျင်ပြီး

ငါ့ကို ချစ်ရင်
ပြင်လာမှာဆိုပြီး
ယုံခဲ့မိတာပါ ။

ဒါပေမယ့်
ဒီတစ်ကြိမ်တော့
မင်းရဲ့ ဗီဇဟာ
ဘယ်တော့မှ ပြင်လို့မရမှန်း
လက်ခံလိုက်ပါပြီ ။

ကျေးကို
#မူရင်းပိုင်ရှင် ကျေးကို