Tunisia Jihan

🟢فما معلمة تقري في مكثر والدنيا باردة سميطري اللطف يقص
ياخي عملت كانون وضربة ضربتين تمشي لقاع القسم تدفى ، الاهالي تشكاوا وماعجبهمش الحال...شكاوا للتفقدية ماسمعهم حد شكاوا للمندوبية كيف كيف..ياخي طلعوا الشكاية للوزارة الفوق الي من حينها ما كانتش من العاكسين بعثت متفقد من تونس ....سي وخينا خذا اللواج وجاء يجري ساقيه اعلى من راسو ، بدا عارضو البرد كل ما يبعد على تونس واحوازها.. في برڨو لبس الفيستة وصل لسليانة و قفلها ..دخل لمكثر لي فيها المدرسة الابتدائية شرى كشكول وكبّوط من أول حانوت عرضو . لين وصل للمدرسة عرضه العسّاس قاله وينه وينه وينة ؟ قالو شكون ؟ المعلمة ؟

قالوا لا لا لا 🤭 الكانون الكانون 😂 🤣😅

درس اليوم جانا من جنازة المرحوم نور الدين بن عياد في الحامة… جنازة ما حضر فيها حتى وجه معروف من الساحة الفنية، رغم أن الفقيد خدم مع أغلبهم.
الحادثة هاذي تورّينا كيفاش الموت ولى يتحسب بالوجوه في تونس، خاصة من بعض “أشباه الفنانين” اللي ما شفنا منهم كان المشاكل في بعضهم وطياح القدر.

الجنوب يتذكروه كان وقت المهرجانات والمناسبات، أما وقت الشدّة ينسوه. أما يمكن ربي حبّها تكون جنازة طاهرة من النفاق.

الله يرحم الفقيد ويجعل مثواه الجنة.

خرجت مع راجلها تشري حوايج
شرات روبة ب 450 دينار؛ صاك ب 120 دينار؛ صباط ب 180 دينار؛ و ماكياج وبارفان ب 280 دينار،، ،
وكي جو مروحين راجلها وقف على الحماص باش يشري باكو دخان ب 8 آلاف...
قاتلو: ما خلالنا دارنا كان هالدخان إلي تشري فيه كل يوم
الطبيب قال : يمكن ترجع تمشي على رجليها بعد عامين و إلا ثلاثة أخرين 😅🤭

أنا من جيل وقت كان Outfit إسمو دبش
▪︎و date إسمو ترنديف
▪︎وال Relation toxique إسمها حزارة
▪︎وال challenge إسمو التمرميد
▪︎و gestion de stress إسمها تبلع و تغُصّ
▪︎و ال techniques de communication إسمهم ترهدين وتنوفيق
▪︎و ال vintage store إسمو نصبة فريب
▪︎و red flags إسمها مبادئ و قيم
▪︎وال Blazer إسمها فيستة
▪︎و ال Trench إسمو كبوط
▪︎الDressing إسمها قْلص
▪︎و ال Eggs Shot إسموا مروب
▪︎ و Sauce noire إسمها ملوخية
▪︎و batch cooking إسمو تسخين البايت
▪︎و ال hyper-actif اسمو جن أرقط باش يهبط من السماء لقشة.