Beauty Touch by Racha

#السباااااااااايغ
الدرس هو السبايغ وليميلونج وكيفاه نتبعو الخطوات للحصول على لون معين...
1.لازم نفهمو حاجة فالالوان الطبيعية للشعر عندنا 10 درجات من الدرجة 1 لي هي الاسود الغرابي الى الدرجة 10 لي هي الاشقر الفاتح جدا
2.نفهمكم في معادلة بسيطة كيكون الشعر طبيعي ونحبو نسبغوه مثلا شعرنا الدرجة تاعو رقم 2 وحبينا نردوه الدرجة رقم 10 مانروحوش طول نشريو الدرجة 10 يخرجلنا اذا حبينا نعرفو واش من درجة يخرجلنا نديرو هاذ المعادلة
(درجة الشعر الطبيعية +الدرجة المراد الوصل اليها.الناتج نقسموه على 2 هذيك هي الدرجة ليراح تمدهالنا) نعطيكم مثال عددي
شعرنا الدرجة تاعو 2 وحبينا نروحو ل 10 يعني
2+10=12
12:2=6
يعني كينسبغو الدرجة رقم 10 على شعر الدرجة تاعو 2 راح يعطيلنا الدرجة رقم 6
هاذ المعادلات يصلحو الا في الالوان الموجودة في الشعر (الالوان الاساسية)ماشي الاحمر والموف...
3.كيكون الشعر طبيعي فونصي ونحبو نروحو للاشقر فاتح جدا عندنا حالتين
الحالة الاولى:لازم الديكاباج
الحالة الثانية:نبقاو نعاودو فالسبغة حتا نوصلو وين حبينا
#ملاحظة:البلاتين مستحيل يخرج الا بالديكاباج الا ليشعرها طبيعي اشقر فاتح جدا
4.الالوان لينفسخو بيها تبدا من الدرجة 2 الى الدرجة 6 حسب القاعدة تاع الشعر اذا كان فونصي نفسخو بالفونصي والعكس
5.كاين الوان يحافضو عليماش ابتداءا من الدرجة 8
6.الالوان الفاتحة المركبة ماتغطيلنا الشيب يعني مثلا 8.1 ولا 7.1 لازم 7 وحدها ولا 8 وحدها وغالبا مايغطيوش بزاف لازم يكونو درجات اغمق شوي
7.عندنا مادة مسؤولة على التلوين سواء البشرة او العينين او الشعر اسمها(الميلانين)كل وين زادت الميلانين تحصلنا على الوان غامقة والعكس
اذا واش معنتها الشيب معنتها الشعرة تفقد نهائيا مادة الميلانين وتولي بيضاء
وكاين عوامل دزيد تقويلنا الشيب وتعدم الميلانين من الشعر هي (الامونياك) يعني ليتحب تسبغ وتقي شعرها من الشيب لازم تسبغ بصبغة تكون يدون امونياك
8.كيكون الشعر غامق طبيعي ونحبو نديرو الالوان المصنوعة يعني الغير متواجدة في الوان الشعر الحقيقة مثل(الاحمر.الازرق .الرمادي...)لازم نسحبو اللون الاصلي يعني نشقرو الشعر لكن كيكون الشعر فاتح نقدرو نتحصلو عليهم بدون سحب اللون
9.جميع الاولوان المتواجدة في الكاتالوڨ هي على شعر اشقر فاتح جدا..يعني ليتحب تخرج نفس اللون اكيد لازم تسحب اللون
10.ليميلونج عادة نستعملو الالوان المندرجة من نفس العائلة مثلا نخلطو اشقر فاتح مع اشقر ثلجي ولا احمر داكن مع احمر فاتح للحصول على لون بينهما يعني نتحصلو على لون جديد
11.عندنا مصححات للالوان (الرانساج) يعني نسحبو اللون الغير مرغوب فيه من السبغة وهوما 3 الوان يلغيو 3 الوان بالمقابل ينعملو عادة كينحبو نتحصلو على الالوان الفاتحة نضيفوهم لخليط السبغة باه مانتحصلوش على اللون البرتقالي والاحمر والاصفر الفاقع
يعني كينحبو مثلا نسبغو بلاتين ونخافو تخرجلنا السبيغة بحمورية ولا نسبغو شاتان كلار ونخافو يخرجلنا الاورونجي خاصة الصبغات تاع دزاير ولا نحبوه اشقر يخرجلنا اللون اصفر فاقع اذا باه نجتانبو هاذ المشكل نحطو مصحح اللون فالسبغة
هاذ المصححات يجيونا ب 3 الوان كل واحد يلغي لون(ازرق.اخضر.بنفسجي) من بعد نحطلكم درس مفصل عليه و بديلهم من (لوريات)
*المصحح الاخضر:يسحب اللون الاحمر
*المصحح البنفسجي:يسحب اللون الاصفر الفاقع
*المصحح الازرق:يسحب اللون البرتقالي
يعني هوما شومبوان كولوغي اوسبغة ولونها لداخل ازرق ولا اخضر ولا بنفسجي نضيفو نقطة منها للسبيغة حسب اللون ليراح نديروع
12.شومبوان سيلفر:هو ايضا عبارة عن مصحح اللون يسحبلنا الاصفر الفاقع ولكن يتفاعل الا مع البلوندور ولوكسيدون يعني مع ليماش ولا الديكاباج وماعندو حتا تاثير عالسبغة ولاالشعر الغير مسبوغ ماشي كيما المصححات لخرين يخدمو مع السبيغة
13.اذا سبغنا باحد الالوان الغير موجودة في الالوان الحقيقة كيما الاحمر والموف مايتنحاوش الا بسحب اللون لانو كون نفسخوهم راح يبانولنا بلي راحو ولكن مايروحوش بمعنى اخر مانقدروش نسبغو فوقهم الالوان الفاتحة ولا ليماش الا بعد سحب اللون
14.مانقدروش نديرو ليماش فوق ليماش ولا ليماش فوق الديكاباج لازم عالاقل بيناتهم شهرين ..
15.كيفية صباغة الشعر:
دائما تكون من الخلف للامام لانو مقدمة الراس ديما سخونة والسخانة تخلي السبغة تخرج في سع
الشعر نقسموه على 4 وناخذو في كل مرة خصلة رقيقة باه ماتخرجلناش السبغة مطببة يعني كل بلاصة زي
ودائما الخصلة لينسبغوها نمشطوها بالسلاك باه نساويين كمية السبيغة على كل شعرة ونتخلصو من الزايد
مدة السباغة تكون من من 30 الى 45 دقيقة عادة
مالازمش نكونو حطينا مادة دهنية عالشعر قبل مانغسلو يعني موش نديرو الزيت ونسبغو ومالازمش الشعر يكون مسخ بزاف يعني نغسلوه بليلة ولا ليلتين قبل
16.ليتسبغ شعرها تغسل شعرها بالشومبوان الخاص بالشعر المصبوغ للحفاض على اللون لاطول مدة ممكنة
17.الزيت زيتون ممنوع فوق الشعر المسبوغ خاصة الفاتح
18.اي سبغة مع الغسيل يفتاح لونها
19.كيطوال الشعر اكيد السبغة تهبط دونك نحاولو نسبغو لاراسين فقط بنفس السبغة ليسبغناها
#ملاحظة هامة:
المعادلات ليمديتهملكم مايصلحوش فليمارك تاع السبايغ كل وانما ليرقمو بالترتيب تاع درجات الشعر كيما لوريات مثلا ماينطابقوش عليها هاذ المعادلات الا ليمارك ليرقمو السبغة بالترتيب من 1 وروح كيما اندريا ولوريال مثلا
ليشعرها فيه الشيب بزاف تحاول ديما ماتكثرش كمية لوكسيدون
ان شاء الله نكون مانسيت حتا نقطة

تبعوا واش راح نقوللكم 🤌🤌👇👇
راهم بزاف يجوني مخلطين في شعرهم دايرين رقم 2 3. 4 5
يتسمى كامل شتان وتقولك راني حابة ليماش بلاتين ولا بالياج بلاتين ياأختاه ميخرجلكش هذو كامل غوامق من المستحيلات السبع تقدري تروحي للأبيض ديركت لازم بلعقل على الأقل عام وكل وحدة ولباز تع شعرها زيد وكاين اللي تكون دايرة الاكاجو ولا الألوان الحمراء تقوللك ديريلي تان بلاتين نقولك مايخرجلكش وكاين تان اللي تقولي الحفافة روحي ديري شاتان وارواحي نديرلك ليماش ونخرجهملك بلاتين هذي مزال مدخلتليش في راسي وكاين بزاف دايرين بروتين كيراتين بوتوكس وتقولك تان راني حابة ليماش بلاتين وبالياج بلاتين تاني نقولك مايخرجلكش راهي شعرك مغلفة بالبرودوي يخرجلك صفر وكاين تان بزاف يطيبو شعرهم بليسور وتحب ليماش بلاتين ولا بالياج بلاتين تاني مايخرجلكش لخطرش شعرتك ماتستحملش ماتجي تلحق للبلاتين تطرطق لخطرش راهي فراجيل من ليسور وكاين بزاف ليماش يديروهم في 3اشهر وتقولك عاودهملي نقولك ياحبيبتي هذا شعر ومايحملش ليماش خطرا في العام والى كان يستحمل خطرة في ست اشهر والله بزاف راهم يجو عندي مخلطين في شعرهم وراني نرجعهم اسمحولي 💔وكاش حاجة نسيتها نزيد نطلعهالكم الايام القادمة
ونصيحة 🙏ديرو حاجة اللي يقدر عليها شعركم ماتبقاوش تخلطو امبعد تحصلوا

سلام حبيباتي لحبت تغطية وتخلص من شيب مدة شهرين تجي عندي نتيجة مضمونة مرحبا بيكم 🥰🥰🥰

برموسيو شهر أكتوبر نوفمبر عرايسنا كوافير لماش نطوياج بروتين كراتين تركيب رموش تصديرة عروس بأحلى حلى
وكذلك فيه مفاجئة للحجز مرحبا بيكم

Résultats de protéines
Cliente satisfaite