Bella Vista SA Boerperd Stoet

Hierdie foto is ’n bewys dat perdry nét goed is vir die mens se siel. 🐴❤️

Dit is ’n bewys dat perde jou jonk hou, jou hart met vreugde vul en jou herinner aan die eenvoudige dinge in die lewe wat werklik saak maak.

Want perdry is soveel meer as net ’n ruiter en ’n perd. Dit is om deel te wees van ’n gemeenskap — ’n familie wat dalk nie deur bloed verbind is nie, maar deur ’n gedeelde liefde vir perde, vir skou en die vreugde wat hierdie wonderlike diere in ons lewens bring!

Hierdie is die magie van perde! ✨🐴
Een liefde. Een passie. Een gemeenskap. ❤️

Dankie HQ. South Africa's Premier Equestrian Magazine vir hierdie besonderse foto!!

Toyota SA Boerperd Nasionale Kampioenskappe 2026

Bella Vista Edel & Carla Nel het ons net so trots gemaak gedurende die afgelope Kampioenskappe! Welgedaan Carla!

Hierdie jong hings het verseker sy talent en potensiaal vertoon en gewys hy is murg en been 'n SA Boerperd!
Ons is opgewonde oor sy toekoms!

Ons is so trots op Bella Vista Nancy & Martinette Mans!

Nie net hierdie tweetjies spoggerig gelyk nie, hulle was spoggerig! Dit is die jong merrie se eerste Parys Skou en sy het haar soos 'n kampioen gedra!

Ons sien uit na die jong merrie se toekoms in die skouring!

Bella Vista Nancy is ook gereed vir die komende week se TOYOTA SA Boerperd Nationals in Parys!

Baie sterkte Martinette Mans en Nancy! Ons is opgewonde om julle in aksie te sien!

Bella Vista Edel hard aan die oefen vir volgende week se TOYOTA SA Boerperd Nationals in Parys!

Ons is baie opgewonde oor die opkomende skou!

Baie geluk Tania Wessels met jou Pragtige nuwe merrie, Bella Vista Lente! 🌿🐴

Mag sy vir jou baie vreugde en onvergeetlike oomblikke bring!
Sy is 'n besonderse kosbare merrie met soveel potensiaal, en ons sien uit daarna om haar ontwikkeling en prestasies te volg!

Bella Vista Lente is die enigste dogter van ons geliefde, Bella Vista Charlie! Sy het net so besonderse beweging en net so mooi soos hy! En dan het sy ook die mooiste, mooiste temperament!

Mag julle saam 'n lang pad van mooi herinneringe, sterk vennootskap en groot drome stap!

Voorspoed met hierdie nuwe hoofstuk – ons wens julle net die beste toe! 🍀🤎

🐴🔥 Wanneer Dié Manne ontmoet... 🔥🐴

Genot Rietbok en Bella Vista Edel...

Daar is min gesigte so indrukwekkend soos dié van twee hingste wat mekaar ontmoet...
Ore gespits, nekke geboë, die aksie wat volg – elke beweging getuig van krag, trots en karakter! 😍🐴

Nie net ’n vertoning van krag nie, maar ’n herinnering aan die natuurlike majesteit van hierdie wonderlike diere – vry, trots en vol teenwoordigheid. ✨

✨️🐴 Bella Vista Nancy 🐴✨️

Nog een van Goudhoek Dayo se belowende nageslag!

Met Goudhoek Dayo se goeie tipe, sterk bouvorm en natuurlike teenwoordigheid wys hy reeds die kwaliteit waarvoor hy bekend is.

Ons sien met opgewondenheid uit na die jong merrie se verdere ontwikkeling! 🐴✨️

🐴 Bella Vista Edel 🐴

Trots uit ons Stêrhings 2026, Goudhoek Dayo se nageslag.

Goudhoek Dayo bewys hom telkens as 'n hings wat kwaliteit, karakter en beweging as uitstekende eienskappe aan sy nageslag oordra.

Bella Vista Edel is nog jonk, maar toon reeds die belofte van 'n besonderse toekoms as 'n veelsydige ryperd!